ၼႂ်းပၢင် ပွႆးလေႃႉ/ ပွႆးလိူမ် ဢၼ်တိမဢႅၵ်ႉၵိၸႃပၼ ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈၵွၼ်းဝတ်ႉဝိႁၢရ်လူင်မၢၵ်ႇ ၵႃႇႁူဝ်ၶမ်း ဝဵင်းတႃႈၶီႈလဵၵ်းၼၼ်ႉ ၸဝ်ႈတူၼ်ၶူးလူင် Dr. ၶမ်းမၢႆ ထမ်မသႃမိ တေယေႃးတူဝ်ၶဝ်ႈႁူမ်ႈမဵတ်ႉတႃႇထမ်းၵႂႃႇ ဝႃႈၼႆ။
ပၢင်တေႇသၼႃႇႁေႃးတြႃး/ ပွၼ်ႈထမ်းၼႆႉ တေတႄႇၼႂ်းဝၼ်းတီႈ 24-29/10/2019 ယၢမ်းၵၢင်ၶမ်ႈ 7 မူင်းၶိုၼ်ႈ တႃႇၶၢဝ်း တၢင်း 6 ဝၼ်း တီႈဝတ်ႉဝိႁၢရ်လူင် မၢၵ်ႇၵႃႇႁူဝ်ၶမ်း ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼၼ်ႉ တေမီးၸဝ်ႈ တူၼ်ၶူးၸိုဝ်ႈယႂ်ႇ 6 တူၼ် 1) ၸဝ်ႈတူၼ်ၶူးဝိရိယႃၼၼ်တ ဝတ်ႉၵမ်ႇပေႃးၸ၊ 2) ၸဝ်ႈတူၼ်ၶူး ၺႃၼဝရ ဝတ်ႉမႁႃၽေႃး ထိ ဝဵင်းတႃႈၶီႈလဵၵ်း၊ 3) ၸဝ်ႈတူၼ်ၶူးလူင် Dr. ၶမ်းမၢႆ ထမ်မသႃမိ၊ 4) ၸဝ်ႈတူၼ်ၶူး ပၺ်ၺႃသီရိ ဝတ်ႉလွႆလူင် ၵဵင်းတုင်၊ 5) ၸဝ်ႈတူၼ်ၶူးသုၶမိၼ်တ ဝတ်ႉလွႆတိုင်ၶမ်း ဝဵင်းမူႇၸေႊလႄႈ 6) ၸဝ်ႈတူၼ်ၶူးၺႃၼိသ်သရ (သီတၵူႇ) ၶဝ်ၸဝ်ႈၸိူဝ်း ၼႆႉ။
ၸဝ်ႈတူၼ်ၶူး ဢၼ်တေမႃးတေႇသၼႃႇထမ်း ၶမ်ႈဝၼ်းတီႈ 24 တေပဵၼ်ၸဝ်ႈတူၼ်ၶူး ဝိရိယႃၼၼ်တ ဝတ်ႉၵမ်ႇပေႃးၸ၊ ၊ ဝၼ်းတီႈ 25 ၸဝ်ႈတူၼ်ၶူး ၺႃၼဝရ ဝတ်ႉမႁႃၽေႃး ထိ ဝဵင်းတႃႈၶီႈလဵၵ်း၊ ဝၼ်းတီႈ 26 ၸဝ်ႈတူၼ်ၶူးလူင် Dr. ၶမ်းမၢႆ ထမ်မသႃမိ၊ ဝၼ်းတီႈ 27 ၸဝ်ႈတူၼ်ၶူး ပၺ်ၺႃသီရိ ဝတ်ႉလွႆလူင် ၵဵင်းတုင်၊ ဝၼ်းတီႈ 28 ၸဝ်ႈတူၼ်ၶူးသုၶမိၼ်တ ဝတ်ႉ လွႆတိုင်ၶမ်း ဝဵင်းမူႇၸေႊ လႄႈ ဝၼ်းတီႈ 29 သမ်ႉ ၸဝ်ႈတူၼ်ၶူးၺႃၼိသ်သရ (သီတၵူႇ) ဝႃႈၼႆ။
ၶၢပ်ႈတူဝ် ၸဝ်ႈတူၼ်ၶူးလူင် ပၺ်ၺႃသႃမိ ၽူႈငမ်းပၢႆးလူင် မၢႆ (2) ၸိုင်ႈတႆးပွတ်းဢွၵ်ႇၶူင်းၼႆႉ တေတၢၼ်းတၢင်ႇၵွင်ၾႆး ၼႂ်းဝၼ်းတီႈ 30/10/2019 တေထိုင်ၼႆႉ တီႈပႃႇႁဵဝ်ႈ မဵဝ်ႉမ ဢၼ်မီး ႁိမ်းထၢတ်ႈပုတ်ႉထၵယႃႇ ပုင်ႇလူဝ်ႉ ဝႃႈၼႆ။
မိူဝ်ႈဝၼ်းတီႈ 7/9/2019 ယၢမ်းၵၢင်ၶမ်ႈ 8 မူင်းပၢႆ ၸဝ်ႈငမ်းပၢႆးလူင် မၢႆ (2) ၸဝ်ႈတူၼ်ၶူးလူင်ပၺ်ၺႃသႃမိ ဢၵ်ႉၵမႁႃ သတ်ႉထမ်မ ၸေႃးတိၵထၸ ဢၼုၼႃယၵ ငဝ်ႈငုၼ်းမုၵ်ႉၸုမ်းလူင်သင်ႇၶႃႇ ၸိုင်ႈတႆး၊ ၵိူင်းသူၺ်ႇၵျိၼ်ႇ ရတ်ႉတၼ် ၺူမႁႃၼႃ ယၵ ၵျွင်းၽြႃးလူင်ရၶႅင်ႇ မႁႃမျၢတ်ႈမုၼိမၢၵ်ႇၵႃႇႁူဝ်ၶမ်း ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼႆႉ ၸဝ်ႈ လႆႈၶဝ်ႈသူၼ် မၢၵ်ႇႁၢၵ်ႈၶမ်းၵႂႃႇ လူၺ်ႈတၢင်းပဵၼ်ၵႄႇထဝ်ႈ တီႈဝတ်ႉမၢၵ်ႇၵႃႇႁူဝ်ၶမ်း ဝဵင်းတႃႈၶီႈလဵၵ်း။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ