ၵႃးတၢင်ႇၵုၼ်ႇ 6 လေႃႉ လေႃႈတမ်ၽႃႇသႂ်ႇ ႁၢၼ်ႉၶၢႆၶဝ်ႈၽၵ်း ႁၢၼ်ႉၼိုင်ႈ ၼႂ်းၸႄႈဝဵင်းၵျွၵ်ႉမႄး ယွၼ်ႉဢမ်ႇၵုမ်းလႆႈႁႅင်း ရူတ်ႉ။
ဝၼ်းတီႈ 28/9/2019 ယၢမ်းဝၢႆးဝၼ်း မွၵ်ႈ 2 မူင်းၶိုင်ႈၼၼ်ႉ ၵႃးတၢင်ႇၵုၼ်ႇ 6 လေႃႉ လမ်းၼိုင်ႈ ဢမ်ႇၵုမ်းလႆႈႁႅင်းဝႆးသေ လေႃႈတမ်ၽႃႇသႂ်ႇ ႁၢၼ်ႉၶၢႆၶဝ်ႈၽၵ်း တီႈဝၢၼ်ႈပၢင်ႁူၵ်း ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။
ႁွင်ႈၵၢၼ်ၾၢႆႇပလိၵ်ႈၶႄၾႆး ၵျွၵ်ႉမႄး ပိုၼ်ၽၢဝ်ႇဢွၵ်ႇဝႆႉ“ ၵႃး 6 လေႃႉၼၼ်ႉ ဢမ်ႇၵုမ်းလႆႈႁႅင်းဝႆးသေ လေႃႇၽႃႇသႂ်ႇ ႁၢၼ်ႉၶၢႆၶဝ်ႈၽၵ်းၼၼ်ႉ ပိၼ်ႈငူပ်ႉဝႆႉ ၸဝ်ႈၵႃးတႄႉ ႁိပ်ႇၶမ်ဝႆႉၼႂ်းၵႃးသေ ယူႇတီႈႁွင်ႈၵၢၼ်ပလိၵ်ႈၾၢႆႇၸွႆႈထႅမ် လႆႈၸွႆႈ ဢဝ်ဢွၵ်ႇမႃး” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈၸုမ်းၸွႆႈထႅမ် ၸီႇဝိတ်ႉတ လႆႈၸွႆႈဢဝ်ၵူၼ်းႁေႃႈၵႃးၼၼ်ႉ သူင်ႇယူတ်းယႃတူဝ်တီႈႁူင်းယႃ ၵျွၵ်ႉ မႄးဝႆႉယဝ်ႉ ဝႃႈၼႆ။
