Thursday, May 30, 2024

ၾႆးမႆႈႁွင်ႈၶၢႆၶူဝ်း ၼႂ်းၵၢတ်ႇမူႇၸေႊ ပႃးၸွမ်းၾႆး ၶၼ်ငိုၼ်းၼပ်ႉလၢၼ်ႉ

Must read

ၸိုင်ႈတႆးပွတ်းႁွင်ႇ ၵၢင်ၵၢတ်ႇလူင် ဝဵင်းမူႇၸေႊၼၼ်ႉ ၾႆးမႆႈႁွင်ႈၶၢႆၶူဝ်းဢၼ်ၼိုင်ႈလႄႈ ၵႃႈၶၼ်ငိုၼ်းပႃး ၵႂႃႇၸွမ်းၾႆး ဢမ်ႇယွမ်းလၢၼ်ႉ ဝႃႈၼႆ။

ဝၼ်းတီႈ 22/12/2017 ယၢမ်းၵၢင်ၼႂ် မွၵ်ႈ 7 မူင်း ႁွင်ႈၶၢတ်ႈမၢႆ A – 135 ဢၼ်မီးဝႆႉၼႂ်းၵၢတ်ႇမူႇၸေႊ မၢႆ (2) ၼၼ်ႉ ၾႆးၾႃႉသျွတ်ႉသေ လုၵ်ႉမႆႈတီႈတူႈယဵၼ် ဢၼ်ၵဵပ်းၼိူဝ်ႉပွမ် ၸေႈယဵၼ်ဝႆႉၼၼ်ႉမႃး ၾႆးလႆႈမႆႈၵႂႃႇ တင်းမူတ်း။ ဝႃႈၼႆ။

- Subscription -

ၸၢႆးႁိၼ်လဵၵ်း ထုင်ႉႁူၺ်ႈလီ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ ႁွင်ႈၶၢတ်ႈၼၼ်ႉ ပဵၼ်ၸၢဝ်းၶႄႇ လုၵ်ႉတၢင်း မိူင်းၶႄႇသေ မႃးၶၢတ်ႈဝႆႉ။ ၵူၺ်းၵႃႈ ႁွင်ႈၶၢတ်ႈၼၼ်ႉ ဢမ်ႇပိုတ်ႇၶၢႆ၊ ပဵၼ်ႁွင်ႈၵဵပ်းၶူဝ်းၶွင်ဝႆႉၵူၺ်း သင်ဝႃႈ ၸဝ်ႈၶွင် ဢၼ်ၶၢတ်ႈႁွင်ႈၼၼ်ႉ လူဝ်ႇၶၢႆၶူဝ်းၼႆၸိုင် မႃးတေႃႉဢဝ်ၶူဝ်းၼႂ်းမၼ်းသေ ဢဝ်ဢွၵ်ႇၵႂႃႇၶၢႆႁဵတ်းၼၼ်ၵူၺ်း ပေႃးလၢတ်ႈသိုဝ်ႈသိုဝ်ႈၵေႃႈ ပဵၼ်ႁွင်ႉၵဵပ်းၶူဝ်းၶွင်” ဝႃႈၼႆ။

သိုပ်ႇလၢတ်ႈဝႃႈ ၼႂ်းႁွင်ႈၼၼ်ႉ မီးတူႈယဵၼ် 3 တူႈ၊ သၢႆၾႆး ဢၼ် လုၵ်ႉတီႈ ပလၵ်ႊၾႆးသေ မႃးတီႈတူႈယဵၼ် ၵမ်းသိုဝ်ႈၼၼ်ႉ သဵၼ်ႈလဵၵ်ႉသေ သမ်ႉတေႃႇ ၶဝ်ႈၸူးတူႈယဵၼ်သၢမ်လုၵ်ႈၵမ်းလဵဝ် ဢဝ်သၢႆၾႆးၼၼ်ႉမႆႈ လဵၵ်ႉ/ ၵဝ်ႇဢမ်ႇၵမ်ႉလႆႈႁႅင်းၾႆးသေ ၾႆးသျွတ်ႉ တီႈတူႈယဵၼ်ၼၼ်ႉဝႃႈၼႆဢေႃႈ”။

တူႈယဵၼ်သၢမ်ဢၼ်ၼၼ်ႉ ၼိုင်ႈတူႈလႂ်ဢၼ်ၸေႈၶူဝ်းၶွင်ဝႆႉၼႂ်းမၼ်း တေမႅၼ်ႈငိုၼ်းယူႇ 1500-1800 ယႂၼ် (ငိုၼ်းၶႄႇ)။ ယဝ်ႉၵေႃႈ မႆႈလၢမ်းပႃး ၶူဝ်းၶွင်ဢၼ်မီးႁိမ်းၶၢင်ႈၸွမ်းၼၼ်ႉၵမ်ႈၽွင်းသေ တင်းမူတ်း ပေႃးသွၼ်ႇၼပ်ႉ ငိုၼ်းမၢၼ်ႈၸိုင် တေတူၵ်းမႅၼ်ႈ 1 လၢၼ်ႉပၢႆ ဢမ်ႇယွမ်း ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း