ၽူႈၶဝ်ႈၸုမ်း ပျီႇတူႉၸိတ်ႉ ၵွင်းၶႃး မူႇၸေႊ လၼ်ႇၵွင်ႈပွတ်း ဢၼ်ၼဵပ်းဢႅင်ႈဝႆႉၼၼ်ႉ မၢၵ်ႇၵွင်ႈလၼ်ႇတိူဝ်ႉ ၶႃလူင်ၾၢႆႇ သၢႆႉၸဝ်ႈၵဝ်ႇၶိုၼ်းသေ လႆႈတိူဝ်ႉမၢတ်ႇၸဵပ်း။
ဝၼ်းတီႈ 18/9/2019 ယၢမ်းၵၢင်ၶမ်ႈ မွင်ႇလွၼ်းၶွင်ႇ ဢႃယု 39 ပီ ၵႅမ်ၽူႈၶဝ်ႈၸုမ်း ပျီႇတူႉၸိတ်ႉ ၵွင်းၶႃး (ဢယၢၼ်ႇပီႇတူႉ တၢတ်ႉၽွႆႉဝုၼ်ႇ) တင်း ဢူၺ်းၵေႃႉမၼ်း ၵႂႃႇဢႅဝ်ႇႁၢၼ်ႉႁွင်ႉၽဵင်းၵႂၢမ်း KTV (သူၺ်ႇသိၼ်ႇမိၼ်း) တီႈပွၵ်ႉၵွင်းမူးတူင်ႈ ၸႄႈဝဵင်းမူႇၸေႊ ၸိုင်ႈတႆး ပွတ်းႁွင်ႇ။ မိူဝ်ႈၽွင်းမွင်ႇလွၼ်းၶွင်ႇ ဢွၵ်ႇႁွင်ႉၽဵင်းၵႂၢမ်းမႃးၼၼ်ႉ မႃးၽႃႇၺႃးၵၼ် တင်း ၵူၼ်းဝၢၼ်ႈပွၵ်ႉၵွင်းမူး ၸိုဝ်ႈ ႁွင်ႉ မွင်ႇမိၼ်းသူဝ်းထႅၵ်ႉ ဢႃယု 22 ပီ မွင်ႇလွၼ်းၶွင်ႇ ဢမ်ႇႁၢၼ်ႉၸႂ်လမ် ၸူၵ်းၵွင်ႈပွတ်း ဢၼ်ၼဵပ်းဢႅင်ႈမၼ်းၼၼ်ႉ ဢွၵ်ႈမႃး တၢင်ႇမွင်းၵွင်ႈသေ ဢၢင်ႈယိုဝ်း သမ်ႉလၼ်ႇသႂ်ႇတီႈၶႃလူင်မၼ်းၶိုၼ်း ဝႃႈၼႆ။
သိုဝ်ႇၶၢဝ်ႇမျၢၼ်ႇမႃႉဢလိၼ်း ဢွၵ်ႇဝႆႉဝႃႈ “ ၵွင်ႈမွင်ႇလွၼ်းၶွင်ႇၼၼ်ႉ ယၢမ်းလဵဝ် ၽူႈမီးပုၼ်ႈၽွၼ်း ၼႂ်းပျီႇတူႉၸိတ်ႉၵွင်း ၶႃး တိုၵ်ႉၵူတ်ႇထတ်းတူၺ်း ၸွင်ႇၸႂ်ႈၵွင်ႈဢၼ်မူႇၸုမ်းထုၵ်ႇပၼ်ၸႂ်ႉပဵၼ်တၢင်းၵၢၼ်” ဝႃႈၼႆ။
ၵဵဝ်ႇၵပ်းလွင်ႈၼႆႉ ယိပ်းၵွင်ႈၼွၵ်ႈၶၢဝ်းယၢမ်းႁဵတ်းၵၢၼ်။ ယိပ်းၵွင်ႈပွတ်းသေ ဢမ်ႇသႂ်ႇၶျုတ်ႉ(ယူႇၼီႇၽွမ်ႊ) ပျီႇတူႉၸိတ်ႉ ၸိူဝ်းၼႆႉၵေႃႈ ၾၢႆႇၵဵဝ်ႇၶွင်ႈတေပၼ်တူတ်ႈတၢမ်ႇၸွမ်းၼင်ႇပၵ်းပိူင်မၢႆမီႈမီးဝႆႉၼၼ်ႉ ဝႃႈၼႆ။
ၶေႃႈမုလ်း – မျၢၼ်ႇမဢလိၼ်း (ပြန်/ဆက်)
