Friday, March 29, 2024

ၵူၼ်းၶပ်းရူတ်ႉ ႁၼ်ယႃႈမႃႉၼႂ်းမၢၵ်ႇရူတ်ႉၵႃး ၽွင်းလူင် ၽွင်းဢဝ်ဢွၵ်ႇထႅမ်လူမ်း

Must read

ရူတ်ႉၵႃး ဢၼ်လူင်ပွင်ၸိုင်ႈမိူင်းတႆး ပၼ်ၽွင်းလူင် ၾၢႆႇၾႆးၾႃႉၸႂ်ႉၼၼ်ႉ မီးယႃႈမႃႉ ၼႂ်းမၢၵ်ႇၵႃး 6 ၵီႊလူဝ်ႊၵရမ်ႊ။

Photo by – DVB/ ယႃႈမႃႉ ဢၼ်မီးၼႂ်းမၢၵ်ႇၵႃး

ဝၼ်းတီႈ 25/8/2019 ယၢမ်းဝၢႆးဝၼ်းၼၼ်ႉ ရူတ်ႉၵႃး ၸၢႆးသႅင်တိပ်ႉလူင် ၽွင်းလူင်ၾၢႆႇၾႆးၾႃႉ ႁေႃႈၶီႇၵႂႃႇမႃးယူႇၵူႈဝၼ်း ၼၼ်ႉ ယွၼ်ႉလူမ်းဢေႇသေ ၵူၼ်းၶပ်းရူတ်ႉပူတ်းမၢၵ်ႇရူတ်ႉဢွၵ်ႇ ထူပ်းႁၼ်ယႃႈမႃႉ ဢၼ်ယမ်းၼမ်ႉသေ ပိူဝ်ႉၼႆႈဝႆႉ ၼမ်ႉၼၵ်းမီး 6.3 ၵီႊလူဝ်ႊပၢႆ။

- Subscription -

ဢူးမွင်ႇမွင်ႇၼၢႆႇ ၽူႈၵွၼ်းတပ်ႉပလိၵ်ႈ ၸႄႈမိူင်းတႆး လၢတ်ႈတီႈၽူႈတွႆႇႁွၵ်ႈဝႃႈ “ ယႃႈမႃႉၼၼ်ႉ ပႃးမႃးၸွမ်း မၢၵ်ႇၵႃးၼႆႉ ၸဵမ်မိူဝ်ႈ 3 ပီပူၼ်ႉမႃးယဝ်ႉ။ ယႃႈမႃႉၼႂ်းမၼ်းၼႆႉသမ်ႉ ပေႃးၼႆႈ၊ ပိူဝ်ႉ၊ ပဵၼ်ၽွင်လူႉမူတ်းယဝ်ႉ။ ယွၼ်ႉဝႃႈ မၢၵ်ႇၵႃးၼႆႉ လူမ်း ၵႆႉဢွၼ်ႇ၊ ယွမ်း/ ဢူၼ်ႈသေ တေပိၼ်ႇမၢၵ်ႇၼႂ်းမၼ်းၼႆသေ ၸင်ႇထူပ်းႁၼ်” ဝႃႈၼႆ။

Photo by – DVB/ ယႃႈမႃႉ ဢၼ်မီးၼႂ်းမၢၵ်ႇၵႃး

မၼ်းၸၢႆး လၢတ်ႈဝႃႈ “ ၵႃးၼႆႉ ပဵၼ်ၵႃးႁွင်ႈၵၢၼ်ၾၢႆႇၵၢၼ်ငိုၼ်း။ ယူႇတီႈႁွင်ႈၵၢၼ်ၾၢႆႇၵၢၼ်ငိုၼ်းသေ ပၼ်လူင် ပွင်ၸိုင်ႈမိူင်းတႆး။ ယူႇတီႈလူင်ပွင်ၸိုင်ႈမိူင်းတႆးသမ်ႉ သိုပ်ႇပၼ်ၽွင်းလူင်ၾၢႆႇၾႆးၾႃႉၸႂ်ႉ။ ဢၼ်ႁူပ်ႉႁၼ် ယႃႈမႃႉၼႂ်း မၼ်းၼၼ်ႉ ႁူပ်ႉႁၼ်ၼႂ်းမၢၵ်ႇၵႃး။ ၵႃးၼႆႉ မိူဝ်ႈပူၼ်ႉမႃး 3 ပီၼၼ်ႉ ပဵၼ်ၵႃးဢၼ်ဢဝ်မႃး တီႈလုမ်းတြႃးလႂ်၊ ပဵၼ်ရူတ်ႉ ဢမူႉၽႂ် ၸိူဝ်းၼႆႉ တေႃႈလဵဝ် တိုၵ်ႉၵူတ်ႇထတ်းငဝ်ႈႁၢၵ်ႈမၼ်းယူႇ” ဝႃႈၼႆ။

ၵႃးဢၼ်ထူပ်းႁၼ် ယႃႈမႃႉ မီးၼႂ်းမၢၵ်ႇၵႃးၼႆႉ မိူဝ်ႈပီ 2016 ၼၼ်ႉ ယူႇတီႈႁွင်ႈၵၢၼ်ၽွင်းလူင် ၾၢႆႇၾၼ်ႊတႃႊငိုၼ်းတွင်း လူင်ပွင်ၸိုင်ႈမိူင်းႁူမ်ႈတုမ်သူင်ႇပၼ်လူင်ပွင်ၸိုင်ႈမိူင်းတႆးၸႂ်ႉ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း