Friday, March 29, 2024

ၸဝ်ႈၼႃႈတီႈ တႄႇပၼ်ရူတ်ႉၵႃး တႆႇၶူဝ်ႁူၺ်ႈၵိုတ်ႈၶိုၼ်းမိူဝ်ႈၼႆႉ

Must read

ၶူဝ်ႁူၺ်ႈၵိုတ်ႈ ဢၼ်ၺႃးၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း ပွတ်းႁွင်ႇ 3 ၸုမ်း ပွႆႇမၢၵ်ႇယႃႉၵွႆၼၼ်ႉ ၾၢႆႇၵေႃႇသၢင်ႈဢဝ်ၶၢဝ်း ယၢမ်းမႄးၵေႃႇသၢင်ႈၶိုၼ်း 5 ဝၼ်းသေ တေႃႈလဵဝ် ပၼ်ရူတ်ႉ ၵႃး ၶၢမ်ႈၵႂႃႇမႃးလႆႈၶိုၼ်းယဝ်ႉ ဝႃႈၼႆ။

Photo by – Cerdit to owner/ ၶူဝ်ႁူၺ်ႈၵိုတ်ႈ ဢၼ်ၵၢႆႇၸူး မိူင်းမၢၼ်ႈ လႄႈ မိူင်းတႆးပွတ်းႁွင်ႇ

မိူဝ်ႈၼႆႉ ဝၼ်းတီႈ 20/8/2019 ယၢမ်းၵၢင်ဝၼ်း ႁွင်ႈၵၢၼ်ၾၢႆႇၵေႃႇသၢင်ႈ ၶိုၼ်းသၢင်ႈၶူဝ်လဵၵ်းတဵင်သႂ်ႇၼိူဝ်ၶူဝ်ၵဝ်ႇႁူၺ်ႈ ၵိုတ်ႈၼၼ်ႉယဝ်ႉတူဝ်ႈလီငၢမ်းယဝ်ႉလႄႈ ပွႆႇပၼ်ရူတ်ႉၵႃးၶၢမ်ႈၵႂႃႇမႃးတူၺ်းယူႇ။

- Subscription -

ဢူးၸူဝ်းၸူဝ်းၸေႃႇ ၽူႈၼမ်းၼႂ်း ၸုမ်းလူင်ပွင်ၸိုင်ႈမိူင်းတႆး လၢတ်ႈတီႈၽူႈတွႆႇႁွၵ်ႈဝႃႈ “ ၶူဝ်ႁူၺ်ႈၵိုတ်ႈၼႆႉ လႆႈႁဵတ်း သၢင်ႈယဝ်ႉၵႂႃႇ မိူဝ်ႈဝႃး ဝၼ်းတီႈ 19 ယၢမ်းၵၢင်ၶမ်ႈသေ မိူဝ်ႈၼႆႉ ဝၼ်းတီႈ 20 ၸင်ႇပိုတ်ႇပၼ်ရူတ်ႉၵႃး ၵႂႃႇမႃးၵၼ်တူၺ်း။ ၵႃးတၢင်ႇၵုၼ်ႇတႄႉ ၸၢမ်းပၼ်တၢင်ႇတူၺ်းၼမ်ႉၼၵ်းၼမ်သုတ်း 36 တၼ်ႊ။ သင်ဝႃႈ ႁပ်ႉၼမ်ႉၼၵ်းလႆႈၵႃႈႁိုဝ် ၸင်ႇတေပိုၼ်ၽၢဝ်ႇ” ဝႃႈၼႆ။

ၶူဝ်ႁူၺ်ႈၵိုတ်ႈၼႆႉ ၸုမ်းဢူၺ်းလီပွတ်းႁွင်ႇ 3 ၸုမ်း ပွႆႇမၢၵ်ႇယႃႉလႅဝ် မိူဝ်ႈဝၼ်းတီႈ 15/8/2019 ထိုင်မႃး ဝၼ်းတီႈ 16/8/2019 ယူႇတီႈလူင်ပွင်ၸိုင်ႈမိူင်းႁူမ်ႈတုမ် ၸီႉသင်ႇႁွင်ႈၵၢၼ်ၾၢႆႇၵေႃႇသၢင်ႈ ႁႂ်ႈၵေႃႇသၢင်ႈၶိုၼ်းဝႆးဝႆး။ ႁႂ်ႈၸဵဝ်း ယဝ်ႉ ၼႂ်းၶၢဝ်းတၢင်း 2-3 ဝၼ်း ဝႃႈၼႆ။

ဢူးၸူဝ်းၸူဝ်းၸေႃႇ သိုပ်ႇလၢတ်ႈဝႃႈ “ ယူႇတီႈၽူႈမီးပုၼ်ႈၽွၼ်းၶဝ် တေၸတ်းမႅင်ႇပၼ် ၶၢဝ်းယၢမ်း ရူတ်ႉၵႃးၵႂႃႇမႃးၶိုၼ်ႈ လူင်း ပဵၼ်ၶၵ်ႉပဵၼ်တွၼ်ႈ ၼင်ႇႁိုဝ် ရူတ်ႉၵႃးပေႃးတေဢမ်ႇတိတ်းၶမ် ၼၼ်ႉ” ဝႃႈၼႆ။

Photo by – Cerdit to owner/ ၶူဝ်ႁူၺ်ႈၵိုတ်ႈ ဢၼ်ၵၢႆႇၸူး မိူင်းမၢၼ်ႈ လႄႈ မိူင်းတႆးပွတ်းႁွင်ႇ

ၶူဝ်ႁူၺ်ႈၵိုတ်ႈလႆႈလူႉၵွႆၵႂႃႇၼၼ်ႉ တူဝ်ၸွမ်ၽွင်းလူင်မိူင်းတႆး ၻွၵ်ႊတိူဝ်ႊလိၼ်းထုတ်ႉ လူင်းပိုၼ်ႉတီႈၵူတ်ႇ ထတ်းသေ ၼင်ႇႁိုဝ် ၵၢၼ်ၵပ်းသိုပ်ႇ ပေႃးတေဢမ်ႇၶၢတ်ႇလႄႈ ၶၼ်ၵုၼ်ႇၵႃႉ ပေႃးတေလီၶိုၼ်းမိူၼ်ၵဝ်ႇၼၼ်ႉ တၢင်ႇထိုင်တီႈလူင် ပွင်ၸိုင်ႈမိူင်းႁူမ်ႈတုမ်သေ ႁႂ်ႈၶပ်းၶိုင်ၸွႆႈလူင်းႁဵတ်းပၼ် ပိုတ်ႇပၼ်ရူတ်ႉၵႃးၵႂႃႇမႃးလႆႈၶိုၼ်းဝႆးဝႆး ဝႃႈၼႆ။

ၶူဝ်ႁူၺ်ႈၵိုတ်ႈၼႆႉ မီးၾၢႆႇၸၢၼ်းဝဵင်းၼွင်ၶဵဝ်။ မီးလႅၼ်ၶႅၼ်ႈလိၼ်တိူင်းတႃႈလိူဝ်ႇလႄႈ မိူင်းတႆး ပဵၼ်ၶူဝ်ဢၼ်လမ်ႇလွင်ႈ တႃႇၵၢၼ်ၵႃႉၶၢႆလႄႈ ပၢႆးမၢၵ်ႈမီးၵူၼ်းမိူင်းမၢၼ်ႈ မိူင်းၶႄႇ ဢၼ်ၼိုင်ႈသေ ရူတ်ႉၵႃးဢၼ်လတ်းၽၢၼ်ႇၵႂႃႇမႃးတီႈၶူဝ်ၼႆႉ ၽတ်ႉၽဵင်ႇၼိုင်ႈဝၼ်းမီးမွၵ်ႈမိုၼ်ႇ။

မိူဝ်ႈဝၼ်းတီႈ 15/8/2019 ၼၼ်ႉ ယူႇတီႈ ၸုမ်းဢူၺ်းလီပွတ်းႁွင်ႇ 3 ၸုမ်း TNLA, AA, MNDAA ၶဝ်ႈယိုဝ်းတပ်ႉပၢင်သဝ်း ပလိၵ်ႈ ႁူၺ်ႈၵိုတ်ႈတၢႆ 14 ၵေႃႉ။ ဝၢႆးၼၼ်ႉ ဢဝ်မၢၵ်ႇပွႆႇသႂ်ႇၶူဝ်ႁူၺ်ႈၵိုတ်ႈ ၵူၼ်ႇပင်းႁၵ်းလႅဝ်ရူတ်ႉၵႃး ဢမ်ႇၸၢင်ႈၵႂႃႇမႃး။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း