ၸုမ်းမူၼ်ႈသိူဝ်း မိူဝ်းမၢဝ်း ႁူမ်ႈငိုၼ်းၵၼ်သေ သိုဝ်ႉၶူဝ်းၶွင်ၸႂ်ႉတိုဝ်း ၸွႆႈထႅမ်ပၼ်လုၵ်ႈႁဵၼ်းလႄႈ ၶူးသွၼ် ႁူင်းႁဵၼ်း လူင်ပွင်ၸိုင်ႈ ၼႂ်းဢိူင်ႇ 19 ဝၢၼ်ႈ ။
ဝၼ်းတီႈ 13 August 2019 ၸုမ်းမူၼ်ႈသိူဝ်း မိူင်းမၢဝ်း ၸၢႆးဢၢၼ်းၽိတ်ႉ ဢွၼ်ႁူဝ်သေ သိုဝ်ႉၶႅပ်းတိၼ် ၊ သွၵ်းတိၼ် ၊ ပပ်ႉတႅမ်ႈလိၵ်ႈ ၸိူဝ်းၼႆႉ တႃႇၶၼ်ငိုၼ်းၶႄႇ 24,111 ယႂၢၼ်ႊ မွပ်ႈယိုၼ်ႈပၼ် လုၵ်ႈႁဵၼ်းလႄႈ ၶူးသွၼ် တီႈႁူင်းႁဵၼ်း လူင်ပွင်ၸိုင်ႈ ၼႂ်းဢိူင်ႇ 19 ဝၢၼ်ႈ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။
ၸၢႆးဢၢၼ်းၽိတ်ႉ လၢတ်ႈဝႃႈ- “ တႃႇတေပဵၼ်မႃးပၢင်မွပ်ႈယိုၼ်ႈၼႆႉ ႁဝ်းၶႃႈပီႈၼွင်ႉလႆႈႁူမ်ႈႁွမ်း ငိုၼ်းၵၼ်သေသိုဝ်ႉ ၶႃႈဢေႃႈ – ယိူင်းဢၢၼ်းႁဝ်းၶႃႈတႄႉ ၶႂ်ႈႁႂ်ႈလုၵ်ႈဢွၼ်ႇၵူၼ်းၼုမ်ႇ ၼႂ်းဢိူင်ႇဝၢၼ်ႈမီးပိုၼ်ႉ ထၢၼ် ပၢႆးပၺ်ၺႃတီႈလီ၊ ၶႂ်ႈႁႂ်ႈလူင် ပွင်ၸိုင်ႈတင်ႈပၼ်ၸၼ်ႉၸွမ်ၼႂ်းဢိူင်ႇ 19 ဝၢၼ်ႈ၊ ၶႂ်ႈႁႂ်ႈၶူးသွၼ်ၸႂ်ယႂ်ႇ ၸႂ်ယႂ်ႇယၢဝ်း သေပူင်သွၼ်ပၼ် ႁႂ်ႈၸၢင်ႈ ၵိူတ်ႇဢွၵ်ႇမႃးလႆႈၵူၼ်းၵတ်ႉၶႅၼ်ႇၼမ်ၼမ် ယိူင်းဢၢၼ်းၸိူင်ႉၼႆသေ ႁဝ်းၶႃႈ ၸင်ႇမႃးပၼ်ႁႅင်း ၶူးသွၼ်လႄႈ လုၵ်ႈႁဵၼ်းဢေႃႈ ” ဝႃႈၼႆ။
ႁူင်းႁဵၼ်းလူင်ပွင်ၸိုင်ႈမၢၼ်ႈ ၼႂ်းဢိူင်ႇ 19 ဝၢၼ်ႈ ၸႄႈဝဵင်းမူႇၸေႊ ၼႆႉ မီးႁူင်းႁဵၼ်း 9 လင် မေႃသွၼ်မီး 50 ၵေႃႉ လႄႈ လုၵ်ႈႁဵၼ်းမီး 391 ၵေႃႉ ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ