တိုၵ်း(တိူၵ်ႈဢုတ်ႇ) ဢၼ်တိုၵ်ႉၵေႃႇသၢင်ႈ တီႈၸႄႈဝဵင်းႁၢတ်ႇယႂ်ႇ ၸႄႈတွၼ်ႈၽူးၵဵတ်ႇ ၸိုင်ႈထႆးၼၼ်ႉ ၵူၼ်ႇလူင်းလႄႈ ႁႅင်းၵၢၼ်မိူင်းႁူမ်ႈတုမ် တၢႆ 3 ၵေႃႉ မၢတ်ႇၸဵပ်း 8 ၵေႃႉ။
ဝၼ်းတီႈ 11/8/2019 ယၢမ်းဝၢႆးဝၼ်း 2 မူင်းၶိုင်ႈၼၼ်ႉ တိုၵ်းဢၼ်တိုၵ်ႉၵေႃႇသၢင်ႈ တိုၵ်ႉသိူဝ်ႇပိုၼ်ႉ(ၶွၼ်ႊၵရိတ်ႊ/ Concrete) ၸၼ်ႉသွင်ယူႇၼၼ်ႉ ဢမ်ႇႁပ်ႉလႆႈၼမ်ႉၼၵ်းသေ ၵူၼ်ႇပင်း တိူဝ်ႉသႂ်ႇႁႅင်းၵၢၼ်မိူင်းႁူမ်ႈတုမ် လူႉတၢႆထင်တီႈ 2 ၵေႃႉ မၢတ်ႇၸဵပ်း 8 ၵေႃႉ ၽွင်းဢဝ်ၵူၼ်းပဵၼ် 8 ၵေႃႉ သူင်ႇႁူင်းယႃၼၼ်ႉ လႆႈလူႉတၢႆပွတ်းတၢင်းထႅင်ႈ 1 ၵေႃႉ။
ႁွင်ႈၵၢၼ်ၾၢႆႇႁႅင်းၵၢၼ် လူင်ပွင်ၸိုင်ႈထႆး ပိုၼ်ၽၢဝ်ႇဝႃႈ “ ႁႅင်းၵၢၼ် 2 ၵေႃႉၼၼ်ႉ ၺႃးမၢၵ်ႇဢုတ်ႇ၊ လဵၵ်း၊ ပုၼ် ၵူၼ်ႇပင်း တဵင်သႂ်ႇသေ ဢမ်ႇၸၢင်ႈဢဝ်တူဝ်ဢွၵ်ႇလႆႈၵမ်းလဵဝ်။ ဝၼ်းတီႈ 12 ၸင်ႇလႆႈဢဝ်တူဝ်ႁႅင်းၵၢၼ်တၢႆ 2 ၵေႃႉၼၼ်ႉ ဢွၵ်ႇမႃး ဝႃႈၼႆ။
ၵူၼ်းမိူင်းႁူမ်ႈတုမ် ဢၼ်ၶဝ်ႈၵႂႃႇႁဵတ်းၵၢၼ်ၼႂ်းမိူင်းထႆး တင်းမူတ်း မီးႁူဝ်ၵူၼ်းယူႇ 3 လၢၼ်ႉပၢႆ ၵမ်ႈၼမ်ၶဝ်ႈႁဵတ်းၵၢၼ် ယၢပ်ႇၽိုတ်ႇၼၵ်းၼႃ ဢၼ်ၵူၼ်းထႆး ဢမ်ႇၶႂ်ႈႁဵတ်း မိူၼ်ၼင်ႇ ၵၢၼ်ႁႃပႃ၊ ၵၢၼ်ၵေႃႇသၢင်ႈလႄႈ ၵၢၼ်သူၼ်၊ ၵၢၼ်မႄႈ ဝၢၼ်ႈ ၸိူဝ်းၼႆႉ။
