ၵူၼ်းၼမ်ႉၶမ်း ထူပ်းႁၼ် တူဝ်တၢႆၼၢင်းယိင်းဢႃယု မွၵ်ႈ 27 ပီ လူမ်ႉတၢႆဝႆႉႁိမ်းတႃႈႁိူဝ်း ဝဵင်းၼမ်ႉၶမ်း လႅၼ်လိၼ်ၶႄႇ။
ၵေႃႉတၢႆၼၼ်ႉပဵၼ် မသၢၼ်ႇတႃႇဝိၼ်း ဢႃယု 27 ပီ ပဵၼ်ၵူၼ်းၸႃတိ ၵျွၵ်ႉမႄး ၵႂႃႇႁဵတ်းၵၢၼ်တၢင်းၾင်ႇမိူင်းၶႄႇသေ ပွၵ်ႈမႃး လူႉတၢႆဝႆႉတီႈႁိမ်းတႃႈႁိူဝ်း ၼႂ်းၵႄႈဝၢၼ်ႈၵုၼ်ႁၢႆးလႄႈ ဝၢၼ်ႈၼွင်ၶမ်း ၼႂ်းၸႄႈဝဵင်းၼမ်ႉၶမ်း မိူဝ်ႈဝၼ်းတီႈ 30/7/2019
တူဝ်တၢႆမသၢၼ်ႇတႃႇဝိၼ်းၼႆႉ ယူႇတီႈၸုမ်းၸွႆႈထႅမ် ၵရုၼႃႇ မူႇၸေႊ လႆႈဢဝ်သူင်ႇပွၵ်ႈတၢင်းၵျွၵ်ႉမႄးယဝ်ႉ ဝႃႈၼႆ။
ၽူႈမီးပုၼ်ႈၽွၼ်း ၼႂ်းၸုမ်းၸွႆႈထႅမ် ၵရုၼႃႇ မူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈဝႃး ယၢမ်းၵၢင်ၶမ်ႈၼၼ်ႉ ႁဝ်းၶႃႈ လႆႈၵႂႃႇၸွႆႈဢဝ်တူဝ်တၢႆ မသၢၼ်ႇတႃႇဝိၼ်း တီႈၼမ်ႉၶမ်းသေ ယဝ်ႉၵေႃႈ သူင်ႇပွၵ်ႈၵႂႃႇတၢင်းၵျွၵ်ႉမႄး ႁိူၼ်းမၼ်းမီးတီႈ ပွၵ်ႉယၼ်ႇၵိၼ်း ၶႃႈ” ဝႃႈၼႆ။
မၼ်းၼၢင်းၼႆႉၵႂႃႇႁဵတ်းၵၢၼ်ၼႂ်းမိူင်းၶႄႇ ပဵၼ်ဢမ်ႇယူႇလီ(ၼၢဝ်)သေ ပွၵ်ႈမႃးတၢင်းမိူင်းတႆး၊ လႆႈမႃးလူႉတၢႆပႅတ်ႈၵၢင် တၢင်း ဝႃႈၼႆ။
ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ႁူဝ်ပီၼႆႉ ယွၼ်ႉဝႃႈ ပဵၼ်ပၢင်တိုၵ်းသိုၵ်းသိူဝ်ၵၼ် ႁၢဝ်ႈႁႅင်းလႄႈ ၵူၼ်းမိူင်း ၵမ်ႈၼမ် ဢွၼ်ၵၼ်ပၢႆႈၽေးၵႂႃႇႁဵတ်းၵၢၼ်ၼႂ်းမိူင်းၶႄႇ။
