ပၢင်ၽိုၵ်းၽွၼ်ႉၶွမ်ႊၽိဝ်ႊတိူဝ်ႊ ၸတ်းႁဵတ်းတီႈ တႃႈၶီႈလဵၵ်းႁိမ်းလႅၼ်လိၼ်ထႆး မီးၵူၼ်းၼုမ်ႇၶဝ်ႈႁူမ်ႈလဵပ်ႈႁဵၼ်း ႁိမ်း 40 ၵေႃႉ။
ဝၼ်းတီႈ 26/7/2019 ယူႇတီႈၸုမ်းၵူၼ်းၼုမ်ႇတႆး တႃႈၶီႈလဵၵ်း (Tai Youth Organization Tachileik) ဢွၼ်ႁူဝ်ၸတ်းႁဵတ်း ပွႆးလူင်းပၢင်သွၼ်ၶွမ်ႊၽိဝ်ႊတိူဝ်ႊ (Computer) တီႈဝၢၼ်ႈပၢင်ႁတ်း ဢိူင်ႇမိူင်းၵူဝ်း ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်း ဢွၵ်ႇၶူင်း။
ၸၢႆးဝၼ်း ၾၢႆႇသူၼ်းတုမ် ၸုမ်းၵူၼ်းၼုမ်ႇတႆး TYO တႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ“ ယိူင်းဢၢၼ်းတႄႉၵေႃႈ ၼင်ႇႁိုဝ်သႅၼ်းႁုၼ်ႈမႂ်ႇ ဢွၼ်ႇယိင်း/ ၸၢႆးႁဝ်း ပေႃးတေၶိုတ်းတၼ်းလွင်ႈၶၢဝ်ႇလွင်ႈငၢဝ်းသေဢမ်ႇၵႃး ၼႂ်းလုမ်းၼႂ်းၸႆး ၵေႃႈ ပေႃးဝၢႆးၼႆႉမႃး မၼ်းလႅၵ်ႈလၢႆႈမႃးၸိုင် လွင်ႈလိၵ်ႈလွင်ႈလၢႆး တႆးႁဝ်းၵေႃႈ တေၶဝ်ႈၸႂ်ႉတိုဝ်းၼႂ်းပႃးလုမ်း ႁဝ်းၶႃႈလူဝ်ႇ လႆႈ မေႃဝႆႉႁူႉဝႆႉၵၼ်။ ထႅင်ႈလွင်ႈၼိုင်ႈ ႁႂ်ႈမေႃသႂ်ႇၾွၼ်ႉၼႂ်းၶွမ်ႊ/ ၾူၼ်း ႁႂ်ႈမေႃသႂ်ႇ Window ၼႂ်းၶွမ်ႊၽိဝ်ႊတိူဝ်ႊ ၸိူဝ်း ၼႆႉ” ဝႃႈၼႆ။
ပၢင်သွၼ်ၶွမ်ႊၽိဝ်ႊတိူဝ်ႊ တီႈဝၢၼ်ႈပၢင်ႁတ်း ဢိူင်ႇမိူင်းၵူဝ်းၼႆႉ ၸတ်းႁဵတ်းမႃးတႃႇၶၢဝ်းတၢင်း 15 ဝၼ်း။ ၼႂ်းပၢင်သွၼ် ၼၼ်ႉ လႆႈပူင်သွၼ်ၵႂႃႇ လွၵ်းလၢႆးပေႃႉလိၵ်ႈၸႂ်ႉ Microsoft Word ၊ လၢႆးၸႂ်ႉတိုဝ်း Photoshop ၊ လၢႆးႁဵတ်းဢီးမေႊ ဢိၵ်ႇ ထႅင်ႈလၢႆလၢႆ ဢၼ်။
ပၢင်သွၼ်ၶွမ်ႊၽိဝ်ႊတိူဝ်ႊ ဢၼ်ၸတ်းႁဵတ်းတီႈဝၢၼ်ႈပၢင်ႁတ်း ဢိူင်ႇမိူင်းၵူဝ်းၼႆႉ ယူႇတီႈၸုမ်းၵူၼ်းၼုမ်ႇတႆး TYO တႃႈ ၶီႈလဵၵ်းသေ ဢွၼ်ၸတ်းႁဵတ်းမႃး ပဵၼ်ပွၵ်ႈၵမ်းႁႅၵ်ႈ မီးၵူၼ်းၼုမ်ႇၶဝ်ႈႁူမ်ႈလဵပ်ႈႁဵၼ်း 35 ၵေႃႉ။ ၽူႈၶဝ်ႈႁူမ်ႈလဵပ်ႈႁဵၼ်း သမ်ႉ ၸဵမ်သင်ၶၸဝ်ႈ၊ ဢွၼ်ႇၸၢႆး/ ဢွၼ်ႇယိင်း ၸဵမ်ၸိူဝ်းၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ