ၵူၼ်းၼုမ်ႇၼႂ်းမိူင်းထႆး ဢွၼ်ၵၼ်ၶဝ်ႈႁဵတ်းၵၢၼ်တီႈလႅၼ်လိၼ်တႆး – ထႆး ၼႂ်းဝဵင်းတႃႈၶီႈလဵၵ်း ပီ 2019 ၼႆႉ ၼမ်တိူဝ်မႃး လိူဝ်ၵူႈ ။
ဝၼ်းတီႈ 23/07/2019 သိုဝ်ႇၶၢဝ်ႇၵဵင်းမႆႇပိုၼ်ၽၢဝ်ႇဝႃႈ ၼႂ်းပီ 2019 မႃးၼႆႉ ၵူၼ်းၼုမ်ႇထႆးဢႃယုဢမ်ႇပူၼ်ႉ 30 ပီ ဢွၼ်ၵၼ်ၶဝ်ႈႁဵတ်းၵၢၼ်ၼႂ်းမိူင်းတႆး ၾင်ႇတၢင်းဝဵင်းတႃႈၶီႈလဵၵ်းၼမ်တိူဝ်းမႃး ။ ၸိူဝ်းၶဝ်ၵႂႃႇႁဵတ်းၵၢၼ် တေႃႇၵၢၼ်လွင်း ၼိူဝ် Online ။
ၸၢႆးလႅင်း ၵူၼ်းတႃႈၶီႈလဵၵ်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ မိူဝ်ႈလဵဝ်မီးၵူၼ်းထႆးၶဝ်ႈမႃးႁဵတ်းၵၢၼ်ၼႂ်းမိူင်းတႆး ၾင်ႇတႃႈၶီႈလဵၵ်းၼႆႉ ၼမ်မႃးတႄႉတႄႉၶႃႈ။ မၢင်ၸိူဝ်းယိပ်းဝႂ်ၶဝ်ႈဢႅဝ်ႇမိူင်းၼၼ်ႉသေ သမ်ႉမႃးႁဵတ်းၵၢၼ် ။ ပေႃးၵူၼ်းမိူင်း ႁဝ်းၵႂႃႇႁဵတ်းၵၢၼ်မိူင်းထႆးတႄႉ ပေႃးဢမ်ႇမီးဝႂ်ၶႂၢင်ႉႁဵတ်းၵၢၼ်သမ်ႉ ၺႃးတီႉၺွပ်း။ လွင်ႈၼႆႉပဵၼ်လွင်ႈ ဢၼ်လီဝူၼ်ႉၸွမ်းယူႇၶႃႈ ” ဝႃႈၼႆ။
ၵဵဝ်ႇလူၺ်ႈလွင်ႈတၢင်းဢၼ် ႁႅင်းၵၢၼ်ထႆးၶဝ်ႈႁဵတ်းၵၢၼ်ၼႂ်းမိူင်းထႆးၼႆႉသေ ယူႇတီႈၸဝ်ႈၼႃႈတီႈ ၽူႈမီးပုၼ်ႈၽွၼ်းတေ ဢုပ်ႇဢူဝ်းၵၼ်သေ တမ်းပၵ်းပိူင်ၵၢၼ်ၶဝ်ႈမိူင်းသိုပ်ႇၵႂႃႇ ဝႃႈꧣႆ။
ၸွမ်လႅၼ်လိၼ် တႆး – ထႆးၼႆႉ ၵူၼ်းၾင်ႇမိူင်းထႆး ၶဝ်ႈမႃးႁဵတ်းၵၢၼ်ႁူင်းႁႅမ်း ၊ ႁၢၼ်ႉတၢင်းၵိၼ်၊ သိုဝ်ႉၶၢႆၶူဝ်၊ ၵၢၼ်ၵႃႉယႃႈ၊ ၵၢၼ်တေႃႇၵၢၼ်လွင်းၸိူဝ်ႉၼႆႉ။ ၼႂ်းလိူၼ်သွင်လိူၼ်ၼႆႉ ဢၼ်ၽူႈမီးပုၼ်ႈၽွၼ်း တီႉၺွပ်းလႆႈ ၵူၼ်းမိူင်းထႆး လၵ်ႉၶဝ်ႈမိူင်းတႆးသေၵေဝ်ႇၵပ်းယႃႈ၊ ၵဵဝ်ႇၵပ်းၵွင်ႈၵၢင်ႇၵေႃႈမီးတင်းၼမ်။