ယႃႈမဝ်းၵမ် ဢၼ်တေႃႉတၢင်းမိူင်းတႆးၵႂႃႇတၢင်းမိူင်းယၢင်းလႅင်ၼၼ်ႉ ၺႃးတီႉၺွပ်း တီႈဝဵင်းလွႆၶေႃ တႃႇၵႃႈ ၶၼ်ငိုၼ်း 16,000 လၢၼ်ႉ ပျႃး တီႈဝဵင်းလွႆၶေႃ။
ဝၼ်းတီႈ 12/7/2019 ယၢမ်းၵၢင်ၼႂ် 4 မူင်းၼၼ်ႉ ၵႃးလူင်ဢၼ်ၸိုဝ်ႈႁွင်ႉ (မိုင်းပန်မြို့သား) လုၵ်ႉတၢင်းၼမ်ႉၸၢင်-မိူင်း ၼၢႆး-သီႇသႅင်ႇ ၵႂႃႇတၢင်းလွႆၶေႃ ၸႄႈမိူင်းယၢင်းလႅင်ၼၼ်ႉ ပလိၵ်ႈၵူတ်ႇထတ်းတီႉလႆႈယႃႈမဝ်းၵမ် တီႈသဵၼ်ႈတၢင်းၽႄ ဝၢၼ်ႈလိၼ်ႇၽုင်ႇ (လင်ဖုံလေးရွာ) ၸႄႈဝဵင်းလွႆၶေႃ ၸႄႈမိူင်းယၢင်းလႅင်။
ယူႇတီႈပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ပိုၼ်ၽၢဝ်ႇဢွၵ်ႇဝႆႉ ယႃႈမဝ်းၵမ် ဢၼ်တီႉလႆႈ ၼႂ်းၵႃး 3 လမ်းၼၼ်ႉ ပဵၼ်ယႃႈ ဢႆႊသ် (ICE) 500,000 ၵရမ်ႇ၊ ၵႅတ်ႉတမိၼ်း 649,000 ၵရမ်ႇ၊ ၵၽေးဢိၼ်ႊ 1,150,000 ၵရမ်ႇ တင်းမူတ်းတေတူၵ်းမႅၼ်ႈ ငိုၼ်း ယူႇ 16,000 လၢၼ်ႉပျႃး။
ၸဝ်ႈၶွင်ရူတ်ႉၵႃးပဵၼ်ၸၢႆးဢွင်ႇၵျေႃႇမူဝ်း ဢႃယု 46 ပီ ၵူၼ်းမိူင်းပၼ်ႇ။ လိူဝ်ၼၼ်ႉ ၵူၼ်းၸွမ်းၵႃး ၽူႈၸၢႆးထႅင်ႈ 6 ၵေႃႉ။ ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈၶဝ် လႆႈပိုတ်ႇလိူင်ႈၸွႆးတြႃးၶဝ်ဝႆႉတီႈႁူင်းပလိၵ်ႈၸႄႈဝဵင်းလွႆၶေႃ ဝႆႉယဝ်ႉ ဝႃႈၼႆ။
