ၽူႈၵွၼ်းပွၵ်ႉ ၶဝ်ႈႁၢမ်ႈ ၽူႈၸၢႆးၵေႃႉၼိုင်ႈ ဢၼ်မဝ်းလဝ်ႈသေ ယိပ်းလႅဝ်းယၢဝ်းမၢၵ်ႈၼိုင်ႈ လူးလႃးယူႇၸွမ်းၼိူဝ် သဵၼ်ႈ တၢင်းၼႂ်းပွၵ်ႉၼၼ်ႉ ၺႃးဢဝ်လႅဝ်းၾၼ်းသႂ်ႇ လႆႈမၢတ်ႇၸဵပ်းတီႈၼႃႈ။
ဝၼ်းတီႈ 8/7/2019 ယၢမ်းၵၢင်ဝၼ်း ၸၢႆးၽူဝ်းၵျွႆႇ ၽူႈၵွၼ်းပွၵ်ႉသူၺ်ႇလီ ပွၵ်ႉ (6) ၸႄႈဝဵင်းလႃႈသဵဝ်ႈ ၸိုင်ႈတႆး ပွတ်းႁွင်ႇ ၵႂႃႇႁၢမ်ႈ ၽူႈၸၢႆး ၸိုဝ်ႈႁွင်ႉ ၸေႃးသူၺ်ႇ မဝ်းလဝ်ႈသေ တိုၵ်ႉယိပ်းလႅဝ်း လူးလႃးဢူၼ်မေႃးယူႇၸွမ်းသဵၼ်ႈတၢင်းၼၼ်ႉ။
ၵူဝ်ႇၼေႇမဵဝ်း ၵူၼ်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၽူႈၸၢႆးမဝ်းလဝ်ႈ ဢၼ်ယိပ်းလႅဝ်း လူးယူႇၼၼ်ႉ ၸၢႆးၽူဝ်းၵျွႆႇ ၽူႈၵွၼ်းပွၵ်ႉလႆႈၵႂႃႇႁၢမ်ႈသေ။ မိူဝ်ႈၵႂႃႇႁၢမ်ႈၼၼ်ႉ မၼ်းၸၢႆးယိပ်းလႅဝ်းသေ ၾၼ်းသႂ်ႇၸၢႆးၽူဝ်းၵျွၢႆႇၼၼ်ႉ လႆႈတိူဝ်ႉ မၢတ်ႇၸဵပ်း ၵူၺ်းဢမ်ႇထိုင်တီႈလႆႈမႆႈၸႂ်သင်ၶႃႈ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈၶဝ် လႆႈၵုမ်းၶင်တူဝ် ၸေႃးသူၺ်ႇၼၼ်ႉဝႆႉ တီႈႁူင်းပလိၵ်ႈလႃႈသဵဝ်ႈ ၸွမ်းၼင်ႇ မၢႆမီႈ မတ်ႉတႃ (ပ) 255/19၊ လႄႈ မတ်ႉတႃ 333 ဝႃႈလူၺ်ႈ ပၵ်းပိူင်ၵၢၼ်ၶႃႈႁႅမ် ဝႃႈၼႆ။
