Friday, March 29, 2024

ၵူၼ်းမိူင်းၵဵင်းတွင်း ႁူမ်ႈၵၼ်ၽုၵ်ႇတူၼ်ႈမႆႉ တီႈၼႂ်းဝၢင်းႁူင်းႁေႃ ၵေႃလိၵ်ႈလၢႆး

Must read

ၵူၼ်းမိူင်းၵဵင်းတွင်း တင်း ႁွင်ႈၵၢၼ်လူင်ပွင်ၸိုင်ႈမိူင်းတႆး ႁူမ်ႈၵၼ် ၽုၵ်ႇတူၼ်ႈမႆႉ ၼင်ႇႁိုဝ် ပေႃးတေပဵၼ်လွင်ႈႁၵ်ႉသႃ ထိူၼ်ႇပႃႇမႆႉလႄႈ ၼမ်ႉလိၼ်ႁိၼ်ၽႃ ၾိင်ႈၾႃႉပေႃးတေၽဵင်ႇပဵင်းလီ။

Photo by – ၵူၼ်းမိူင်းၵဵင်းတွင်း/ ၵူၼ်းမိူင်းၵဵင်းတွင်း တင်း ႁွင်ႈၵၢၼ်လူင်ပွင်ၸိုင်ႈမိူင်းတႆး ႁူမ်ႈၵၼ်ၽုၵ်ႇတူၼ်ႈမႆႉ တီႈၼႂ်းဝၢင်းႁူင်းႁေႃ ၵေႃလိၵ်ႈလၢႆး ၵဵင်းတွင်း

ဝၼ်းတီႈ 6/07/2019 ယၢမ်းၵၢင်ၼႂ် 8 မူင်း ထိုင် 10 မူင်းၵၢင်ဝၼ်း ယူႇတီႈၾၢႆႇပႃႇမႆႉလႄႈ ၾၢႆႇၽုၵ်ႇသွမ်ႈ ဢိၵ်ႇလၢႆလၢႆၾၢႆႇ ၼႂ်းႁွင်ႈၵၢၼ်လူင်ပွင်ၸိုင်ႈမိူင်းတႆးလႄႈ ၵူၼ်းမိူင်း ႁူမ်ႈၵၼ်ၽုၵ်ႇတူၼ်ႈမႆႉ ၼႂ်းဝၢင်းၼႃႈလိၼ် ႁူင်းႁေႃ ၵေႃၽႄ ၵေႃ လိၵ်ႈလၢႆးလႄႈၾိင်ႈငႄႈတႆး ပွၵ်ႉ 1 ဝဵင်းၵဵင်းတွင်း ၸႄႈဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း။

- Subscription -

ၵူၼ်းၼုမ်ႇ ၼႂ်းၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၵဵင်းတွင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ႁွင်ႈၵၢၼ် လူင်ပွင် ၸိုင်ႈ မိူင်းတႆး တင်း ၵူၼ်းမိူင်းႁူမ်ႈၵၼ် ၽုၵ်ႇတူၼ်ႈမႆႉၼႆႉ ၼင်ႇႁိုဝ် ဝၢၼ်ႈမိူင်းႁဝ်းပေႃးတေၵတ်းယဵၼ်လႄႈ ၾိင်ႈၾႃႉ ပေႃးတေ ၵတ်း၊ မႆႈ၊ ၾူၼ် ပေႃးတေၽဵင်ႇပဵင်းၵၼ်လႄႈ ႁႂ်ႈမေႃႁၵ်ႉသႃထိင်းသိမ်းသၽႃႇဝ ထိူၼ်ႇပႃႇမႆႉၵၼ်ၼႆသေ ၸင်ႇၽုၵ်ႇသွမ်ႈမႃး။ လွင်ႈၽုၵ်ႇသွမ်ႈတူၼ်ႈမႆႉပွၵ်ႈၼႆႉ တေလႆႈဝႃႈ ပဵၼ်ပွၵ်ႈၵမ်း 2 ၼိုင်ႈပီလႂ် ၽုၵ်ႇသွမ်ႈ 1 ပွၵ်ႈၶႃႈ” ဝႃႈၼႆ။

ၵၢၼ်ၽုၵ်ႇသွမ်ႈတူၼ်ႈမႆႉ တီႈဝဵင်းၵဵင်းတွင်းၼႆႉ ၽုၵ်ႇသွမ်ႈတူၼ်ႈမႆႉသၵ်း၊ မႆႉၸီႇလီႇ(မႆႉၶီႈလဵၵ်း) တူၼ်ႈမၢၵ်ႇထေႃးပၢတ်ႈ၊ မၢၵ်ႇမူင်ႈ၊ မႆႉယုင်းလႄႈ တူၼ်ႈမႆႉယၢင် ၸဵမ်ၸိူဝ်းၼႆႉ။

ပၢင်ၽုၵ်ႇတူၼ်ႈမႆႉၼႆႉ ၸတ်းႁဵတ်းမႃး ပဵၼ်ပွၵ်ႈၵမ်း 2 ယဝ်ႉ ၼႂ်းဝဵင်းၵဵင်းတွင်း ဝႃႈၼႆ။

လိူဝ်ၼၼ်ႉ မိူဝ်ႈဝၼ်းတီႈ 03/07/2019 ယၢမ်းၵၢင်ၼႂ် သင်ၶၸဝ်ႈ၊ ၵူၼ်းမိူင်း၊ ၸုမ်းတူင်ႉၼိုင်တူင်ႇဝူင်းတႆး၊ ၸုမ်းပႃႇ တီႇၵၢၼ်မိူင်းလႄႈ လုမ်းၵပ်းသၢၼ် RCSS တီႈၵဵင်းတုင် ႁူမ်ႈၵၼ်ၽုၵ်ႇတူၼ်ႈမႆႉ တီႈႁူင်းႁဵၼ်းပၵ ဝတ်ႉဝၢၼ်ႈငႅၼ်း ဢိူင်ႇၵၢတ်ႇတဝ်ႇ၊ ႁူင်း ႁဵၼ်းၸိူဝ်ႉၸၢတ်ႈတႆး တီႈထၢတ်ႈႁူဝ်သိူဝ် ဢိူင်ႇၵၢတ်ႇၽႃႉလႄႈ တီႈႁိမ်းဝၢၼ်ႈၵၢင် (ပႃႇၸႃႉပီႈ ၼွင်ႉတႆးၼိူဝ်) ဢိူင်ႇမိူင်းလၢပ်ႈ တႃႇတူၼ်ႈမႆႉ 800 တူၼ်ႈ။

လႅင်ႇၶၢဝ်ႇ – ၵေးၼမ်ႉတဵင်း ၵဵင်းတွင်း

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း