မႄႈထဝ်ႈယႃႇလႄႈ လုၵ်ႈလၢၼ် တင်းသဵင်ႈ တေႁႅၼ်းလူႇတၢၼ်းပၼ် ပေႃႈထဝ်ႈၵွၼ်းၸိူင်း(ႁိုဝ်) ၸဝ်ႈမူဝ်ႁိူင်း ဢၼ်လႆႈလပ်ႉလွႆ ငိုၼ်းလွႆၶမ်းၵႂႃႇၶွပ်ႈၶူပ်ႇတဵမ် 28 ပီ။
ပၢင်ႁႅၼ်းလူႇပၼ် ၸဝ်ႈၵွၼ်းၸိူင်းၼႆႉ တေၸတ်းၼႂ်းဝၼ်းတီႈ 11/7/2019 တီႈႁိူၼ်းမႄႈထဝ်ႈယႃႇ ဝၢၼ်ႈလွႆ ဢိူင်ႇပဵင်း လူင် ၸႄႈဝဵင်း ဝဵင်းႁႅင် လႅၼ်လိၼ်တႆး – ထႆး ၸႄႈတွၼ်ႈၵဵင်းမႆႇ ၸိုင်ႈထႆး။
ၶပ်ႉမၢႆပၢင်ႁႅၼ်းလူႇ ၼႂ်းဝၼ်းတီႈ 10/07/2019 ဝၼ်းပုတ်ႉ လိူၼ် 8 လွင်ႈ 9 ၶမ်ႈ ၶၢဝ်းယၢမ်း 7 မူင်းၵၢင်ၶမ်ႈ ထွမ်ႇ လိၵ်ႈထွမ်ႇထမ်း။
ဝၼ်းတီႈ 11/07/2019 ဝၼ်းၽတ်း လိူၼ် 8 လွင်ႈ 10 ၶမ်ႈ ယၢမ်းၵၢင်ၼႂ် 9 မူင်း ၵႃႇရႃႇဝ ၼပ်ႉယမ် လႄႈ ဝၢင်းၶူဝ်ႉ မွၵ်ႇမွင် ၸႂ်တီႈဢူးမၢင်ႇ ၶုမ်ၵုတ်း (ဝၢၼ်ႈလၵ်းတႅင်ႇ)။ ယၢမ်း 11 မူင်းၵၢင်ဝၼ်း ၵၢပ်ႈသွမ်းသင်ၶၸဝ်ႈ။ ယၢမ်း 11:30 မူင်းသမ်ႉ လူႇ တၢၼ်းယၢတ်ႇၼမ်ႉ လဵင်ႉလူပီႈၼွင်ႉၶႅၵ်ႇ ၸဵမ်ၸိူဝ်းၼႆႉ။
ၸဝ်ႈၵွၼ်းၸိူင်းၼႆႉ တၢင်းပဵၼ်မၢၵ်ႇႁဵင်း(မရဵင်းတီႈၶေႃး) သေ လႆႈလူႉသဵင်ႈၵႂႃႇ မိူဝ်ႈ1991 လိူၼ် ၵျူႊလၢႆႊ 11 ယၢမ်း 11.00 မူင်း (ယၢမ်းမိူင်းတႆး) ဝၼ်းၽတ်း၊ လိူၼ်ပႅတ်ႇလွင်ႈ 15 ၶမ်ႈ – လူႉသဵင်ႈတီႈႁေႃသိလ်မၼ်း ၸဝ်ႈၼိူဝ်ၵွင်းလွႆဝဵင်းဢိၼ်း။ ၽွင်းၸဝ်ႈဢႃယုလႆႈ 65 ပီ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ