မိူဝ်ႈၼႆႉ ဝၼ်းတီႈ 8/7/2018 ယၢမ်းၵၢင်ၼႂ် 5 မူင်းၶိုင်ႈပၢႆၼၼ်ႉ ၾႆးမႆႈႁၢၼ်ႉၵႃႊရႃႊဢူဝ်ႊၶေႊ(KTV) တီႈၼိုင်ႈ ၼႂ်းၸႄႈ ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။
ၵူၼ်းမိူင်းၵျွၵ်ႉမႄး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ ၾႆးမႆႈႁၢၼ်ႉ ၵႃႊရႃႊဢူဝ်ႊၶေႊ မိူဝ်ႈၼႆႉ ယၢမ်းၵၢင်ၼႂ် 5:45 မူင်းၼႆႉ။ ႁၢၼ်ႉဢၼ်ၾႆးမႆႈၼၼ်ႉ ပဵၼ်ႁၢၼ်ႉဢၼ်ၸိုဝ်ႈဝႃႈ ဝၼ်းဝၼ်း။ လႆႈငိၼ်းဝႃႈ ၸဝ်ႈၶွင်မၼ်း 2 ၵေႃႉ ၽူႈၸၢႆးၼင်ႇ ၵၼ် ၽိတ်းမေႃးၵၼ်သေ ဢဝ်ၾႆးၽဝ်တီႈတင်ႇၼင်ႈသူဝ်ႊၾႃႊၼႂ်းႁွင်ႈၽဵင်းၵႂၢမ်းသေ ၾႆးၸင်ႇမႆႈ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈၸဝ်ႈၼႃႈတီႈပလိၵ်ႈၸႄႈဝဵင်းၵျွၵ်ႉမႄး လႆႈပိုတ်ႇလိူင်ႈၸွႆးတြႃးၸဝ်ႈၶွင်ႁၢၼ်ႉ ၵႃႊရႃႊဢူဝ်ႊ ၶေႊၼႆႉဝႆႉသေ ယၢမ်းလဵဝ်ၼႆႉ ၸဝ်ႈၶွင်ႁၢၼ်ႉၼႆႉ ပၢႆႈလွတ်ႈဝႆႉ ဝႃႈၼႆ။
