ပလိၵ်ႈၵဵင်းတုင် ဢၼ်ၵဵဝ်ႇၶွင်ႉၵၼ်တၢင်းလွင်ႈယႃႈဢၢႆႉသ် ႁၢႆ 64 ထူင်ၼၼ်ႉ ၾၢႆႇတၢင်းတပ်ႉပလိၵ်ႈၵဵင်းတုင်လၢတ်ႈဝႃႈ ပိုတ်ႇဢမုၶတီႊ ဢဝ်လိူင်ႈဝႆႉ ဢၼ်တေမီးတူတ်ႈတၢမ်ႇၶွၵ်ႈ 10 ပီ ၼၼ်ႉဝႃႈၼႆ။

ၽူႈၵွၼ်းၾၢႆႇတပ်ႉပလိၵ်ႈ မျိၼ်ႉသူၺ်ႇလၢတ်ႈတီႈ ၶၢဝ်ႇ 7 Day မိူဝ်ႈဝၼ်းတီႈ 27 လိူၼ်ၵျုၼ်ႊပူၼ်ႉမႃးဝႃႈ -“ ပိုတ်ႇဢမု ဢဝ်လိူင်ႈလူၺ်ႈတၢင်းၽိတ်း – ဢဝ်ၶူဝ်းၶွင် ၵူၼ်းတၢင်းၼမ်မႃးၸႂ်ႇသုၼ်ႇတူဝ်ၸဝ်ႈၵဝ်ႇ -ၼႆၼၼ်ႉဝႆႉ ” ဝႃႈၼႆ။

ႁူဝ်သိုၵ်းလူင် ပလိၵ်ႈမျိၼ်ႉၼၢႆႇ လႄႈပလိၵ်ႈ ဝေႇၽဵဝ်းၼႆႉ ၾၢႆႇတၢင်းပလိၵ်ႈၵဵင်းတုင် တိၺွပ်းၵုမ်းၶင် လႆႈမိူဝ်ႈဝၼ်းတီႈ 2 လိူၼ်ၵျုၼ်ႊ။ ပလိၵ်ႈၵဵင်းတုင်လၢတ်ႈဝႃႈ တိၺွပ်းလႆႈယႃႈဢၢႆႉသ် 100 ထူင်ပၢႆ။ ဢဝ်မႃးၵဵပ်းဝႆႉတီႈႁူင်းပလိၵ်ႈ။ ၸိူဝ်းၶဝ်လၵ်ႉဢဝ် ယႃႈဢၢႆႉသ် ၵႂႃႇ 64 ထူင် ။ ၶိုၼ်းဢဝ်ႁိၼ်သူမ်ႈသႂ်ႇထူင်တႅၼ်းတၢင်ဝႆႉ သေ တူဝ်ပလိၵ်ႈ တင်းသွင်ၼႆႉ ယွၼ်းလိုဝ်ႈၵၢၼ်လႄႈ ၸဝ်ႈၼႃႈတီႈ ၸင်ႇႁႃလမ်းတိၺွပ်းၵုမ်းၶင်။

ပလိၵ်ႈၵဵင်းတုင်ပိုၼ်ၽၢဝ်ႇဝႃႈ – ယႃႈမဝ်းၵမ်ဢၼ်ႁၢႆၵႂႃႇ 64 ထူင်ၼၼ်ႉ ၵႃႈၶၼ်တေမီးမွၵ်ႈ ငိုၼ်းမၢၼ်ႈ 12000 သႅၼ်ပျႃး။ ယၢမ်းလဵဝ်ယူႇတီႈတပ်ႉပလိၵ်ႈၵဵင်းတုင် လႆႈဢဝ်လိူင်ႈ ပလိၵ်ႈမျိၼ်ႉၼၢႆႇလႄႈ  ဝေႇၽဵဝ်းဝႆႉလူၺ်ႈမၢတ်ႉတႃ 18 (D)   တၢင်းၽိတ်းၵဵဝ်ႇၵပ်းယႃႈမဝ်းၵမ်။ ၸၢင်ႈတေၺႃး တူတ်ႈတၢမ်ႇ လႆႈ ဢႄႇသုတ်း တူၵ်းၶွၵ်ႈ 5 ပီ ၼမ်သုတ်း တူၵ်းၶွၵ်ႈ 10 ပီ။ တၵ်းလႆႈၺႃးပႃးတူတ်ႈတၢမ်ႇငိုၼ်း- ဝႃႈၼႆ။

ဝၼ်းမိူဝ်ႈၼႆႉ ၶၼ်ယႃႈဢၢႆႉသ် 1 ၵီႊလူဝ်ႊၵရမ်ႊ 200 သႅၼ်ပျႃး။

ပလိၵ်ႈမျိၼ်ႉၼၢႆႇၼႆႉ ပဵၼ်ၵူၼ်းယိပ်းၵၢၵ်ႇသေႃး ႁူင်းၵဵပ်းယႃႈမဝ်းၵမ် တီႈႁူင်းပလိၵ်ႈၵဵင်းတုင် ။

Ref; 7 Day