ပိုၼ်ၽၢဝ်ႇ ႁႃပီႈၼွင်ႉ ၸၢႆးၸၢမ်ႇမိၼ်ႉ ႁႅင်းၵၢၼ်ယၢၼ်မိူင်း ဢၼ်လူႉတၢႆတီႈၵဵင်းမႆႇ

ၸၢႆးၸၢမ်ႇမိၼ်ႉ လုၵ်ႈၸၢႆး လုင်းၸၢႆး ပဵၼ်ၵူၼ်းလႃႈသဵဝ်ႈ ႁႅင်းၵၢၼ်ယၢၼ်မိူင်း ႁဵတ်းၵၢၼ်တီႈဝဵင်းၵဵင်းမႆႇ ၸိုင်ႈထႆး၊ ပဵၼ် လူမ်းႁူဝ်ၸႂ်သၼ်ႇသေ လူႉတၢႆတီႈ ႁွင်ႈၶၢတ်ႈမၼ်းၸၢႆးၼႂ်းၸႄႈဝဵင်းသၼ်ပႃႇတွင်း ၸႄႈတွၼ်ႈၵဵင်းမႆႇ ၸိုင်ႈထႆး။ တေႃႈ လဵဝ် ၶၢပ်ႈတူဝ်တၢႆမၼ်းၸၢႆး မီးတီႈႁူင်းယႃသၼ်ပႃႇတွင်းဝႆႉယူႇ။

ၼၢင်းသႅင်မူၼ်း လုၵ်ႈၸုမ်း ၸုမ်းၸွႆႈထႅမ် ၵူၼ်းတၢႆဢမ်ႇမီးပီႈၼွင်ႉ ဝတ်ႉပႃႇပဝ်ႈ လၢတ်ႈဝႃႈ “ ယူႇတီႈၸဝ်ႈၶွင်ႁွင်ႈၶၢတ်ႈ ၼၼ်ႉ လၢတ်ႈ ၼႄတႄႉ ပိူင်ပဵၼ်မၼ်း မိူဝ်ဝၼ်းတီႈ 30/6/ 2019 ယၢမ်းႁူဝ်ၶမ်ႈ 5 မူင်းၼၼ်ႉ ၵႂႃႇတွႆႇၽၵ်းတူသေ ႁွင်ႉ မၼ်းၸၢႆး ဢမ်ႇလႆႈ ငိၼ်းသဵင်တွပ်ႇသင်မႃးလႄႈ လႆႈပိုတ်ႇၽၵ်းတူၶဝ်ႈၵႂႃႇတူၺ်း မၼ်းၸၢႆးပေႃးတၢႆဝႆႉယဝ်ႉ။ ယူႇတီႈၸဝ်ႈ ၶွင်ႁွင်ႈလႆႈဢဝ်ၵႂႃႇတီႈႁူင်းယႃသၼ်ပႃႇတွင်း။ မေႃယႃၶဝ်ဝႃႈ မၼ်းၸၢႆးပဵၼ်ႁူဝ်ၸႂ်သၼ်ႇလူႉတၢႆ” ဝႃႈၼႆ။

ၼႂ်းဝႂ်ပၢတ်ႉသပွတ်ႇၼၼ်ႉ တႅမ်ႈဝႆႉဝႃႈ SAI SAN MYINT ပဵၼ်ၵူၼ်းၸႃတိ လႃႈသဵဝ်ႈ။

တေႃႈလဵဝ် သင်ဝႃႈ ၽႂ်လႂ် ၵေႃႉလႂ် ႁူႉၸၵ်း ၸၢႆးၸၢမ်ႇမိၼ်ႉ လုၵ်ႈၸၢႆး လုင်းၸၢႆး ၵူၼ်းၸႃတိ လႃႈသဵဝ်ႈ ဢမ်ႇၼၼ် ႁူႉ ၸၵ်းပီႈ ၼွင်ႉမၼ်းၼႆၸိုင် ၶႅၼ်းတေႃးၵပ်းသိုပ်ႇတီႈ မၢႆၾူၼ်း 0823890716, 0848042862, 0622814171 ဝႃႈၼႆ။