သွၼ်လိၵ်ႈတႆး ၶၢဝ်းမႆႈ တူင်ႇဝဵင်းၵဵင်းတွင်း ယဝ်ႉတူဝ်ႈလီငၢမ်း ၵေႃလိၵ်ႈလၢႆး လႄႈ ၾိင်ႈငႄႈတႆး ဢိၵ်ႇသင်ၶၸဝ်ႈ ၸတ်း ပွႆးလူင်းပၢင်သွၼ်ၵိုၼ်းၶွၼ်ႈလီ။
ပွႆးလူင်းပၢင်သွၼ်လိၵ်ႈတႆးၼႆႉ ၸတ်းၼႂ်းဝၼ်းတီႈ 23/05/2019 မီးသင်ၶၸဝ်ႈ၊ လုၵ်ႈႁဵၼ်း၊ မေႃသွၼ်၊ ၽူႈယႂ်ႇၵူၼ်းလူင် လႄႈ ပေႃႈမႄႈပီႈၼွင်ႉၵူၼ်းမိူင်း ၶဝ်ႈႁူမ်ႈပၼ်ႁႅင်းတင်းၼမ်လၢႆ။
ၽူႈၸတ်းၵၢၼ်ပွႆးလူင်းပၢင်သွၼ်လိၵ်ႈတႆး ၶၢဝ်းမႆႈ တူင်ႇဝဵင်းၵဵင်းတွင်း လၢတ်ႈတီႈၽူႈတွႆႇႁွၵ်ႈဝႃႈ “ ပီၼႆႉ လုၵ်ႈႁဵၼ်း မီး 687 ၵေႃႉ မေႃသွၼ် 80 ၵေႃႉ။ ၼႂ်းဝၼ်းတီႈ 23 လိူၼ်မေႊၼႆႉ လႆႈၸတ်းပၢင်ပွႆးယွင်ႈယေႃးၼမ်ႉၸႂ် မေႃသွၼ်လႄႈ တွၼ်ႈ သူးလုၵ်ႈႁဵၼ်းၵႂႃႇ” ဝႃႈၼႆ။
ပၢင်သွၼ်ၾိင်ႈငႄႈပုတ်ႉထလႄႈ လိၵ်ႈလၢႆးတႆး ၶၢဝ်းမႆႈ တီႈတူင်ႇဝဵင်းၵဵင်းတွင်းၼႆႉ လႆႈပိုတ်ႇပူင်သွၼ်ၵႂႃႇ တင်းမူတ်း 9 တီႈ။ ၸၼ်ႉလိၵ်ႈသမ်ႉ တႄႇဢဝ် ၸၼ်ႉငဝ်ႈ ထိုင် ၸၼ်ႉႁူၵ်း။ ပူင်သွၼ်ပၼ်ၼႂ်းၶၢဝ်းတၢင်း လိူၼ်ဢေႊပရိူဝ်ႊလႄႈလိူၼ် မေႊ တႃႇၶၢဝ်းတၢင်း 2 လိူၼ် ဝႃႈၼႆ။
လႅင်ႇၶၢဝ်ႇ – တွင်းၶမ်း