မၢႆတွင်း ဝၼ်းသိင်ႇဝႅတ်ႉလွမ်ႉ လုမ်ႈၾႃႉသေ ၸုမ်းတူင်ႉၼိုင်တူင်ႇဝူင်းၵူၼ်း တီႈတူၼ်ႈတီး ႁူမ်ႈၵၼ်ၽုၵ်ႇတူၼ်ႈမႆႉ တီႈ ၸၼ်ႉၸွမ်ပုတ်ႉထ မိူင်းတႆး 600 တူၼ်ႈပၢႆ။
ဝၼ်းတီႈ 5/6/2019 ၼၼ်ႉ ယူႇတီႈၸုမ်းႁၵ်ႉ တူၼ်ႈမႆႉ တူၼ်ႈတီး FOF CSR (Innlay)၊ ၸုမ်း Our Lovely World လႄႈ ၵုၼ်ႁဵင် ၽွၼ်ႊၻေႊသျိၼ်ႊ ႁူမ်ႈၵၼ် ၽုၵ်ႇတူၼ်ႈမႆႉတီႈၸၼ်ႉၸွမ်ပုတ်ႉထ မိူင်းတႆး ၸႄႈဝဵင်းတူၼ်ႈတီး ၸိုင်ႈတႆး ပွတ်းၸၢၼ်း။
ၼွၵ်ႈသေၼၼ်ႉ ပိုၼ်ႉတီႈဢၼ်ဢမ်ႇၽဝ်ပႃႇ၊ တႅပ်းတူၼ်ႈမႆႉ ၸိူဝ်းၼႆႉ တေသိုပ်ႇၽုၵ်ႇၵႂႃႇထႅင်ႈတိၵ်းတိၵ်း ဝႃႈၼႆ။
ၽူႈတူင်ႉၼိုင် ၼႂ်းၸုမ်းႁၵ်ႉသႃတူၼ်ႈမႆႉ လၢတ်ႈတီႈၽူႈတွႆႇႁွၵ်ႈဝႃႈ “ ၵူၼ်းၼိုင်ႈၵေႃႉၼႆႉ တီႈဢေႇသုတ်းတေလႆႈၽုၵ်ႇ ပၼ်တူၼ်ႈမႆႉၼိုင်ႈတူၼ်ႈၶႃႈယဝ်ႉ။ ၶႅၼ်းတေႃႈတႄႇၽုၵ်ႇသွမ်ႈၵႂႃႇၶႃႈ။ ဢၼ်ႁဝ်းၶႃႈ ၸၢင်ႈတေၽုၵ်ႇလႆႈလုမ်းလႃးလႆႈ မိူၼ်ၼင်ႇ ၸွမ်းဝတ်ႉ၊ ၸွမ်းဝႃး၊ ၼႃႈလိၼ်သႃသၼႃ လႄႈ ႁူင်းႁဵၼ်း ၸဵမ်ၸိူဝ်းၼႆႉၵႂႃႇ” ဝႃႈၼႆ။
ဝၼ်းတီႈ 5 လိူၼ်မေႊ 2019 ဝၼ်းသိင်ႇဝႅတ်ႉလွမ်ႉ လုမ်ႈၾႃႉၼႆႉ ၵူၼ်းမိူင်းလႆႈႁူပ်ႉပၼ်ႁႃ မွၵ်ႇၵႂၼ်း/ လူမ်းဢမ်ႇသႅၼ်ႈသႂ် လႄႈ ၼင်ႇႁိုဝ်တေၸၢင်ႈႁၵ်ႉသႃသိင်ႇဝႅတ်ႉလွမ်ႉၼၼ်ႉ ၸင်ႇလႆႈၸူဝ်းၵၼ်ၽုၵ်ႇတူၼ်ႈမႆႉ ဝႃႈၼႆ။
ၼႂ်းၸိုင်ႈတႆးၼႆႉ ပီၼိုင်ႈယဝ်ႉ ပီၼိုင်ႈ မွၵ်ႇၵႂၼ်းၼႃမႃး၊ လိူတ်ႇမႆႈလိူဝ်ႁႅင်းမႃး၊ လူမ်းဢမ်ႇသႅၼ်ႈသႂ်မႃးတိၵ်းတိၵ်းၼႆႉ ပဵၼ် ယွၼ်ႉၵူၼ်းတႅပ်းမႆႉ၊ ယႃႉပႃႇထိူၼ်ႇယႃႉမႄႈၼမ်ႉ၊ ယႃႉသိင်ႇဝႅတ်ႉလွမ်ႉ ၼမ်မႃး တိၵ်းတိၵ်း ဝႃႈၼႆ။
