ၵႃးလမ်းၼိုင်ႈပိၼ်ႈတူၵ်းတၢင်း ၼႂ်းၵႄႈ ၵူတ်ႉၶၢႆ – သႅၼ်ဝီ ၵူၼ်းမႃးၸွမ်းၼႂ်းၵႃးၼၼ်ႉ လႆႈတုမ်ႉတိူဝ်ႉမၢတ်ႇၸဵပ်း 3 ၵေႃႉ လူႉတၢႆ 2 ၵေႃႉ။
ဝၼ်းတီႈ 2/6/2019 ယူႇတီႈႁွင်ႈၵၢၼ်ၾၢႆႇႁူမ်ႇလူမ်ႈၼႂ်းမိူင်း ပိုၼ်ၽၢဝ်ႇဢွၵ်ႇဝႆႉဝႃႈ ၵႃးလမ်းၼိုင်ႈ လုၵ်ႉတၢင်းၵူတ်ႉၶၢႆ မႃး တၢင်းသႅၼ်ဝီၼၼ်ႉ ပိၼ်ႈတူၵ်းတၢင်း/ လူင်းႁူၺ်ႈၵႂႃႇ။
ၼႂ်းလိၵ်ႈပိုၼ်ၽၢဝ်ႇ ႁွင်ႈၵၢၼ်ၾၢႆႇႁူမ်ႇလူမ်ႈ ၼႂ်းမိူင်း ဢွၵ်ႇဝႆႉဝႃႈ “ ၵႃးၼႆႉ လုၵ်ႉတၢင်း ၵူတ်ႉၶၢႆမႃးတၢင်းသႅၼ်ဝီ ယွၼ်ႉ ႁေႃႈဝႆးသေ ဢမ်ႇၵုမ်းလႆႈႁႅင်းလူတ်ႉလႄႈ ပိၼ်ႈတူၵ်းၵႂႃႇ ၼႂ်းႁူၺ်ႈ တၢင်းလိုၵ်ႉ မွၵ်ႈ 50 ထတ်း(ပေႇ)။ ၽူႈၸၢႆး 2 ၵေႃႉလႆႈ လူႉ တၢႆထင်တီႈၵမ်းလဵဝ် လိူဝ်ၼၼ်ႉ မၢတ်ႇၸဵပ်း 3 ၵေႃႉ” ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈၾၢႆႇပလိၵ်ႈၸႄႈဝဵင်းသႅၼ်ဝီ လႆႈပိုတ်ႇလိူင်ႈ တီႈႁူင်းပလိၵ်ႈၸႄႈဝဵင်းသႅၼ်ဝီဝႆႉ ဝႃႈၼႆ။
ၶေႃႈမုလ်း – ပြည်ထဲရေးဝန်ကြီးဌာန