Friday, March 29, 2024

ၸဝ်ႈၼႃႈတီႈတီႉလႆႈ ပလိၵ်ႈၾၢႆႇၵွၼ်းႁွင်ႈဝႆႉယႃႈမဝ်းၵမ် ဢၼ်ဢဝ်ယႃႈဢႆႉသ် ႁၢႆ 60 ထူင်ပၢႆ

Must read

ပလိၵ်ႈၵဵင်းတုင် တီႉၺွပ်းတူဝ်ပလိၵ်ႈၽူႈၵွၼ်း ႁွင်ႈဝႆႉယႃႈမဝ်းၵမ် ဢၼ်ဢဝ်ယႃႈမဝ်းၵမ် ယႃႈဢႆႉသ် ႁၢႆဝႆႉ 60 ထူင်ပၢႆၼၼ်ႉ။

Photo by – ကျိုင်းတုံမြို့မ ရဲစခန်း / Shwewikimm.com/ ပၢႆႉႁူင်းပလိၵ်ႈၸႄႈဝဵင်းၵဵင်းတုင်

ဝၼ်းတီႈ 2/6/2019 ၸၼ်ႉပလိၵ်ႈႁူဝ်သိုၵ်းလူင် မိၼ်ႉၼၢႆႇ ဢၼ်ဢဝ်ပုၼ်ႈၽွၼ်း ၵဵပ်းသိမ်းယႃႈမဝ်းၵမ် တီႈႁူင်းပလိၵ်ႈ ၵဵင်းတုင်ၼၼ်ႉ ဝၢႆးလင် ယႃႈဢႆႉသ် 64 ထူင်ႁၢႆၵႂႃႇ မၼ်းၸၢႆးၵေႃႈ ယွၼ်းလိုဝ်ႈၵၢၼ်သေ ၵႂႃႇၼုင်ႈၽႃႈသၢင်ႇၵၢၼ်းဝႆႉ ၸဝ်ႈ ၼႃႈတီႈၵူတ်ႇထတ်းႁၢဝ်ႈႁႅင်းသေ ယၢမ်းလဵဝ်တီႉၺွပ်းၵုမ်းၶင်တူဝ်မၼ်းၸၢႆးလႆႈယဝ်ႉ ဝႃႈၼႆ။

- Subscription -

ၸၼ်ႉပလိၵ်ႈႁူဝ်သိုၵ်းလူင် မိၼ်ႉၼၢႆႇၼႆႉ ပဵၼ်ၽူႈယိပ်းၵၢၵ်ႇသေႃး ႁွင်ႈၵဵပ်းသိမ်းဝႆႉ ယႃႈဢႆႉသ် တီႈႁူင်းပလိၵ်ႈ ၸႄႈ ဝဵင်းၵဵင်းတုင်ၼၼ်ႉ ယွၼ်ႉဝႃႈ ယႃႈဢႆႉသ်ၼၼ်ႉ ႁၢႆၵႂႃႇၵမ်ႈၽွင်ႈၼႆသေ ယူႇတီႈပလိၵ်ႈ ၸႄႈဝဵင်းၵဵင်းတုင် ထၢင်ႇထိူမ် လၢမ်းၶၢတ်ႈဝႃႈ ပဵၼ်မိၼ်ႉၼၢႆႇ။

ဢူးမိၼ်ႉသူၺ်ႇ ၵႅမ်ၽူႈၵွၼ်းပလိၵ်ႈၸႄႈတွၼ်ႈၵဵင်းတုင် လၢတ်ႈတီႈၽူႈတွႆႇႁွၵ်ႈဝႃႈ “ ပလိၵ်ႈႁူဝ်သိုၵ်းလူင် မိၼ်ႉၼၢႆႇၼႆႉ ပၢႆႈလွတ်ႈၵႂႃႇၼုင်ႈသၢင်ႇၵၢၼ်းတီႈဝတ်ႉၼွင်လိူင် ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ တီႉၺွပ်းလႆႈ တူဝ်မၼ်းၸၢႆး မိူဝ်ႈဝၼ်းတီႈ 2 ၼႆႉ ထိုင်မႃး ဝၼ်းတီႈ 3 ယၢမ်းဝၢႆးဝၼ်း လႆႈၵုမ်းၶင်တူဝ်မၼ်းၸၢႆးသေ သႂ်ႇၶိူင်ႈမိၼ် (မြန်မာ့လေကြောင်း လိုင်း) မႃးတီႈၵဵင်းတုင် တေႃႈလဵဝ်တႄႉ မီးဝႆႉတီႈႁူင်းပလိၵ်ႈၸႄႈဝဵင်းၵဵင်းတုင်သေ တိုၵ်ႉထဵတ်ႈထၢမ်ယူႇ” ဝႃႈၼႆ။

ယႃႈဢႆႉသ်ၼႆႉ ပဵၼ်ဢၼ်တီႉၺွပ်းလႆႈတီႈၵူၼ်းၵႃႉသေ တူဝ်ၵူၼ်းၵႃႉတႄႉ လႆႈသူင်ႇၶိုၼ်ႈလုမ်းတြႃးတႅပ်းတတ်းမူတ်း ယဝ်ႉ ယႃႈမဝ်းၵမ်ၸိူဝ်းၼႆႉသမ်ႉ လႆႈၵဵပ်းဝႆႉတီႈႁူင်းပလိၵ်ႈ တင်းမူတ်း 103 ထူင် ၼႂ်းၼၼ်ႉ ႁၢႆၵႂႃႇ 64 ထူင်။ ဢွင်ႈတီႈ 64 ထူင်ဢၼ်ႁၢႆၵႂႃႇၼၼ်ႉယွၼ်ႉလႆႈႁၼ်မီးႁွႆးပိူင်ႈယႃႉဝႆႉ ဝႃႈၼႆ။

ယႃႈဢႆႉသ် 64 ထူင် ဢၼ်ႁၢႆၵႂႃႇၼၼ်ႉ ႁၼ်ဢဝ်မၢၵ်ႇဢုတ်ႇ ႁေႃႇၸေႈသေ မႃးလႅၵ်ႈတမ်းတၢင်ဝႆႉ ၵဵဝ်ႇၵပ်းလွင်ႈၼႆႉ လႆႈၵူတ်းထတ်းထဵတ်ႈထၢမ် ၾၢႆႇပလိၵ်ႈၽူႈမီးပုၼ်ႈၽွၼ်း ၵမ်းၸၼ်ႉၸၼ်ႉသေ ၸင်ႇလႆႈႁူႉလွင်ႈတၢင်းဝႃႈ ၽႂ် ၵေႃႉ လႂ်ႁဵတ်း ဢၼ်ဝႃႈၼၼ်ႉ ဝႃႈၼႆ။

လိုၼ်းသုတ်းလႆႈႁူႉဝႃႈပလိၵ်ႈ မိၼ်ႉၼၢႆႇ ၸၼ်ႉပလိၵ်ႈႁူဝ်သိုၵ်းလူင်ၼႆႉ မၼ်းၸၢႆးယွၼ်းလိုဝ်ႈၵၢၼ်ၵႂႃႇ မိူဝ်ႈဝၼ်းတီႈ 15 လိူၼ်မေႊသေ ပၢႆႈလွတ်ႈဝႆႉလႄႈ ၸင်ႇလႆႈထၢင်ႇထိူမ်ငမ်းငဝ်းဝႃႈပဵၼ်ၼမ်ႉမိုဝ်းမၼ်း။

ၵဵဝ်ႇၵပ်းလွင်ႈၼႆႉ ပလိၵ်ႈၵဵင်းတုင် လႆႈၵူတ်ႇထတ်း ထဵတ်ႈထၢမ် လႆႈႁူႉၸွမ်းၽူႈဢၼ်ၵဵဝ်ႇၶွင်ႈၸွမ်းထႅင်ႈၵေႃႉၼိုင်ႈ ပဵၼ် ပလိၵ်ႈဝိၼ်းၽဵဝ်း တီႉၺွပ်းလႆႈ တူဝ်မၼ်းၸၢႆးတီႈဝဵင်းပႃႇၵိူဝ် တေႃႈလဵဝ် လႆႈသူင်ႇတူဝ် မႃးတီးၵဵင်းတုင်သေ လႆႈထုၵ်ႇ ၵူတ်ႇထတ်းထၢမ် ထုၵ်ႇဢဝ်လိူင်ႈဝႆႉယဝ်ႉ။

ယႃႈဢႆႊသ်ၼႆႉ တေႃႈလဵဝ် 1 ၵီႊလူဝ်ႊလႂ် တေတူၵ်းမႅၼ်ႈငိုၼ်းယူႇ မွၵ်ႈ 200 သႅၼ်ပျႃး။ ဢၼ်ႁၢႆဝႆႉ 64 ထူင်ၼၼ်ႉ လၢမ်း ၶၢတ်ႈဝႃႈ ၵႃႈၶၼ်တေမီးမွၵ်ႈ သႅၼ်ပွင်း ၼိုင်ႈမိုၼ်ႇၼႆႉယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း