ဝၼ်းၵိူတ်ႇၸဝ်ႈတူၼ်ၶူးပၺ်ၺႃသႃရ(ၸဝ်ႈဝိသဵတ်ႇ) ဢႃယု ၶွပ်ႈတဵမ် 49 ပီ ဝတ်ႉထၢတ်ႈပူင်ႇလူဝ်ႉ ၸႄႈဝဵင်းတႃႈၶီႈလဵၵ်း မီးတၵ်ႉၵႃႇ သတ်ႉထႃး လႄႈ သင်ၶၸဝ်ႈ ၶဝ်ႈႁူမ်ႈ တင်းၼမ်လၢႆ။
သင်ၶၸဝ်ႈလႄႈ တၵ်ႉၵႃႇသတ်ႉထႃး ႁူမ်ႈၵၼ်ၸတ်းႁဵတ်းပၢင်ပွႆးဝၼ်းၵိူတ်ႇၸဝ်ႈတူၼ်ၶူးပၺ်ၺႃသႃရ ဢၽိဝိသေသ လိတ်ႉသိပေသရ သႃသၼႃလင်ၵႃႇရ မႁႃသတ်ႉထမ်မၸေႃးတိၵၻၸၽတ်ႉတၼ်တ ပၺ်ၺႃသႃရ ဢၵ်ႉၵထမ်မ ဢႃယု ၶွပ်ႈ 49 ပီ တီႈဝတ်ႉထၢတ်ႈပူင်ႇလူဝ်ႉ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း ၼႂ်းဝၼ်းတီႈ 02/06/2019။
ပႃႈၼၢင်းၼူၼ်း တၵ်ႉၵႃႇသတ်ႉထႃး ပွၵ်ႉမႄႈၶၢဝ် ၸႄႈဝဵင်းတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ မိူဝ်ႈဝႃး ပွႆးၵိုၼ်းတႄႉၶႃႈ ၸဵမ်ပီႈၼွင်ႉၵူၼ်းမိူင်း၊ သင်ၶၸဝ်ႈ မႃးၶဝ်ႈႁူမ်ႈတင်းၼမ်ၶႃႈ။ ပီၼႆႉ ၸဝ်ႈသိလ်ထမ်းဝိသဵတ်ႇႁဝ်းၶႃႈ လႆႈ ဢႃယု ၶွပ်ႈတဵမ် 49 ပီ ၶွပ်ႈတဵမ်မိူဝ်ႈဝႃးၶႃႈ။ ပၢင်ပွႆးတႄႉ ၸတ်းႁဵတ်း 2-3 ဝၼ်း။ မိူဝ်ႈဝႃးတႄႉ သိုပ်ႇၸႆးတႃၸဝ်ႈႁဝ်းသေ ယဝ်ႉၵေႃႈ ပိူၼ်ႈႁွင်ႉဝႃႈ သႂၢင်းထၢတ်ႈၸႂ် ၽြႃးလူင်သူႇၼိုင်ႈ။ လိူဝ်ၼၼ်ႉ တၢင်ႇထီးၵွင်းမူးထႅင်ႈသူႇၼိုင်ႈၶႃႈ” ဝႃႈ ၼႆ။
ပၢင်ပွႆးဝၼ်းၵိူတ်ႇၸဝ်ႈတူၼ်ၶူးပၺ်ၺႃသႃရ ၵျွင်းထၢတ်ႈပူဝ်ႇလူဝ်ႉ ၸႄႈဝဵင်းတႃႈၶီႈလဵၵ်းၼႆႉ ၼႂ်းဝၼ်းတီႈၼိုင်ႈ တဵတ်ႈ ထမ်း/ လွတ်ႈႁေႃးလိၵ်ႈလူင်ဝေႇသၼ်တရႃႇ ဝႃႈၼႆ။
ပႃႈၼၢင်းၼူၼ်း လၢတ်ႈဝႃႈ “ ပီၼႃႈမႃး တေပဵၼ်ပီၵွၼ်းၶမ်းၸဝ်ႈႁဝ်းၶႃႈယဝ်ႉ ဢႃယု ၶွပ်ႈတဵမ် 50 ပီ၊ လႅပ်ႈတေမီးလွင်ႈ ၸတ်းပၢင်ပွႆးဝၼ်းၵိူတ်ႇၸဝ်ႈႁဝ်း ၵိုၼ်းၶိုၵ်ႉယႂ်ႇလူင်ယူႇ” ဝႃႈၼႆ။
ဝၼ်းၵိူတ်ႇၸဝ်ႈတူၼ်ၶူး ပၺ်ၺႃသႃရ ဝတ်ႉထၢတ်ႈပူင်ႇလူဝ်ႉၼႆႉ တၵ်ႉၵႃႇသတ်ႉထႃး ႁူမ်ႈၵၼ် ၸတ်းႁဵတ်းပၢင်ပွႆး ပၼ် ၸဝ်ႈမႃးၵူႈပီ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ