Friday, March 29, 2024

မႄႈၼမ်ႉသၢႆ လႅၼ်ၶႅၼ်ႈ တႆး – ထႆး ဢၼ်ႁႅင်ႈလႅင်ႉလိူဝ်ႁႅင်းၼၼ်ႉ ဝၢႆးၾူၼ်တူၵ်းၼႆႉ ၶိုၼ်းလႆမိူၼ်ၵဝ်ႇယဝ်ႉ

Must read

မႄႈၼမ်ႉသၢႆ ဢၼ်ႁႅင်ႈၽွင်းၶၢဝ်းမႆႈ ပူၼ်ႉမႃးၼၼ်ႉ တေႃႈလဵဝ် မီးၼမ်ႉလႆၶိုၼ်းမိူၼ်ၵဝ်ႇယဝ်ႉ ဝႃႈၼႆ။

Photo by – ၵူၼ်းပိုၼ်ႉတီႈ တႃႈၶီႈလဵၵ်း/ မႄႈၼမ်ႉသၢႆ လႅၼ်ၶႅၼ်ႈ မိူင်းတႆး – မိူင်းထႆး

မႄႈၼမ်ႉသၢႆ ဢၼ်ပဵၼ်လႅၼ်ၶၢမ်ႈ မႄႈသၢႆ – တႃႈၶီႈလဵၵ်း (မိူင်းထႆး – မိူင်းတႆး) ဢိင်ၼိူဝ် ၾိင်ႈၾႃႉရႃႇသီႇဢုတုမႆႈႁႅင်း သေ ႁဵတ်းႁႂ်ႈမႄႈၼမ်ႉသၢႆႁႅင်ႈ ၽွင်းၶၢဝ်းမႆႈပူၼ်ႉမႃးၼႆႉ ထိုင်မႃး ႁၢင်လိူၼ်မေႊၼႆႉမႃး ၾူၼ်တူၵ်း ယဝ်ႉလႄႈၶိုၼ်းမီး ၼမ်ႉလႆမိူၼ် ၵဝ်ႇယဝ်ႉ ဝႃႈၼႆ။

- Subscription -

ၸၢႆးပီး ၵူၼ်းၵႃႉ ယူႇတႃႈၶီႈလဵၵ်း လၢတ်ႈတီႈၽူႈတွႆႇႁွၵ်ႈဝႃႈ “ တေႃႈလဵဝ် ၼမ်ႉသၢႆၼႆႉ ၶိုၼ်းမီးၼမ်ႉလႆမႃးၼမ်ဢိတ်း ၼိုင်ႈ ယဝ်ႉ ယွၼ်ႉၾူၼ်တူၵ်းလၢႆဝၼ်းၼႆႉသေ ၼမ်ႉတႄႉ ဢမ်ႇႁႅင်ႈယဝ်ႉၶႃႈ” ဝႃႈၼႆ။

ၼမ်ႉသၢႆၼႆႉ မိူဝ်ႈၵူႈပီဢမ်ႇႁႅင်ႈလိူဝ်ႁႅင်းၸိူင်ႉၼႆ။ ပီၼႆႉ ႁႅင်ႈထိုင်တီႈၼမ်ႉပေႃး ဢမ်ႇလႆ။ တၢင်းႁူဝ်ၼမ်ႉ သၢႆသမ်ႉ ၸဝ်ႈ ၼႃးၾင်ႇမိူင်းထႆး ၵႅတ်ႇဢဝ်ၼမ်ႉၶဝ်ႈၼႃး ဝႃႈၼႆ။

Photo by – ၵူၼ်းမိူင်းတႃႈၶီႈလဵၵ်း/ ၽွင်းမႄႈၼမ်ႉသၢႆႁႅင်ႈ

ၵဵဝ်ႇၵပ်းလွင်ႈၼမ်ႉသၢႆႁႅင်ႈၼႆႉသေ ၵူၼ်းမိူင်းတႃႈၶီႈလဵၵ်း ထတ်းသၢင်ဝႃႈ ယွၼ်ႉၵူၼ်းဝၢၼ်ႈ ၵူၼ်းမိူင်းဢွၼ်ၵၼ်တႅပ်းမႆႉ ယႃႉပႃႇထိူၼ်ႇပႃႇၶိူဝ်း တၢင်းပွတ်းႁူဝ်ၼမ်ႉသၢႆလႄႈ ႁဵတ်းႁႂ်ႈတုမ်ႉတိူဝ်ႉသၽႃႇဝ သိင်ႇဝႅတ်ႉလွမ်ႉမႃး ဝႃႈၼႆ။

တႃႈၶီႈလဵၵ်း – မႄႈသၢႆ လႅၼ်လိၼ်(ထႆး – မၢၼ်ႈ) တႆး – ထႆးၼႆႉ ၼမ်ႉသၢႆၶႅၼ်ႈဝႆႉ။ ၾၢႆႇထႆး – မၢၼ်ႈ ၵၢႆႇၶူဝ်ၶၢမ်ႈၸူး တႃႇ ၵႃႉၶၢႆ၊ တႃႇၵူၼ်းၵႂႃႇမႃး ဝူင်ႈၵၢင်သွင်မိူင်း။ မီးသွင်တီႈ ၶူဝ်မၢႆ 1 တင်း မၢႆ 2 ၵူၼ်းၶၢမ်ႈပဵၼ်တၢင်းၵၢၼ်ၵေႃႈၼမ်၊ ဢၼ်လၵ်ႉ ၶၢမ်ႈ ၵေႃႈမီးၵူႈဝၼ်း။ ပဵၼ်မိူင်းပၢႆးမၢၵ်ႈမီးလႄႈ ၵူၼ်းမိူင်းမၢၼ်ႈ တူင်ႈပဵင်းၵေႃႈ မႃးႁႃႁဵတ်းၵၢၼ်လဵင်ႉတွင်ႉၼမ်။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း