ၼႂ်းလုၵ်ႈလိူၼ်မေႊၼႆႉ တပ်ႉသိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းတဢၢင်း ပဵၼ်ပၢင်တိုၵ်းၵၼ် ၼႂ်းၸႄႈဝဵင်းမၢၼ်ႈ တူင်ႈ ၸိုင်ႈတႆးပွတ်းႁွင်ႇ။
ဝၼ်းတီႈ 27/05/2019 ၼၼ်ႉ တပ်ႉသိုၵ်းတဢၢင်း TNLA ပိုၼ်ၽၢဝ်ႇဝႃႈ လႆႈပဵၼ်ပၢင်တိုၵ်း တင်း တပ်ႉ သိုၵ်းလူင်ပွင်ၸိုင်ႈ မၢၼ်ႈ ၼႂ်းၸႄႈဝဵင်းၼမ်ႉသၼ်ႇ တင်း ၸႄႈဝဵင်းမၢၼ်ႈတူင်ႈ ၸိုင်ႈတႆးပွတ်းႁွင်ႇ 3 ပွၵ်ႈ ဝႃႈၼႆ။
ႁွင်ႈၵၢၼ်ပိုၼ်ၽၢဝ်ႇ တပ်ႉသိုၵ်းတဢၢင်း ဢွၵ်ႇဝႆႉဝႃႈ “ သိုၵ်းလူင်ပွင်ၸိုင်ႈမၢၼ်ႈႁႅၼ်းသိုၵ်းၽိုတ်ႉၶဝ်ႈတူင်ႉၼိုင်လႄႈ လႆႈ ပဵၼ် ပၢင်တိုၵ်းၵၼ်လၢႆလၢႆ” ဝႃႈၼႆ။
ၾၢႆႇသိုၵ်းလူင်ပွင်ၸိုင်ႈပိုၼ်ၽၢဝ်ႇၵိုတ်းတိုၵ်းၾၢႆႇလဵဝ် လုၵ်ႉသီႇလိူၼ်ပဵၼ်ၵႂႃႇႁူၵ်းလိူၼ်( 21/12/2018 – 30/6/2019) ၼႆ သေတႃႉ ၵၢၼ်တူင်ႉၼိုင်ၵၢၼ်သိုၵ်း/ ၽိူမ်ႉထႅမ်ႁႅင်းသိုၵ်းသမ်ႉ ဢမ်ႇလူတ်းယွမ်းလႄႈ ၸင်ႇၵႆႉလႆႈပဵၼ်ပၢင်တိုၵ်းၵၼ် တင်း ၸုမ်းသိုၵ်းၸၢဝ်းၶိူဝ်းၼႂ်းပိုၼ်ႉတီႈၼႆႉၵေႃႈ ၼႂ်းလိၵ်ႈၼၼ်ႉသႂ်ႇပႃး။
ႁူမ်ႈဝႃႈပဵၼ်ပၢင်တိုၵ်းၵၼ်သေတႃႉ ယင်းမီးၶၢဝ်ႇဝႃႈ ႁၢင်လိူၼ်မေႊ ဝၼ်းတီႈ 24 ၼႆႉ ၸုမ်းဢူၺ်းလီပွတ်းႁွင်ႇ 4 ၸုမ်း ဢၼ် ပဵၼ်တပ်ႉသိုၵ်းတဢၢင်း TNLA၊ ၶၢင် KIA၊ ၵဝ်ႈၵၢင်ႉ MNDAA လႄႈ ရၶႅင်ႇ AA တေသူင်ႇတူဝ်တႅၼ်းႁူပ်ႉၵၼ်တင်း တူဝ်တႅၼ်း လူင်ပွင်ၸိုင်ႈမၢၼ်ႈ တပ်ႉသိုၵ်းမၢၼ်ႈၼၼ်ႉ ဢမ်ႇပဵၼ်။ ၵူၺ်းၵႃႈ ႁႃဢွင်ႈတီႈတႃႇဢုပ်ႇဢူဝ်း/ တီႈဝႆႉဝၢင်းၸႂ် လွင်ႈႁူမ်ႇ လူမ်ႈ ယွၼ်ႉမႆႈၸႂ်လွင်ႈ ႁူမ်ႇလူမ်ႈတွၼ်ႈတႃႇ ႁူဝ်ပဝ်ႈ AA ၼႆသေ ဢွင်ႈတီႈလႄႈဝၼ်း ဢၼ်တေႁူပ်ႉၵၼ် ၼၼ်ႉ တိုၵ်ႉဢုပ်ႇဢူဝ်း ငူပ်ႉငီႉၵၼ်ယူႇ။
