ၶွမ်ႊပၼီႊ TOYOTA ဝၢင်းၽႅၼ်တေၵေႃႇသၢင်ႈ ႁူင်းၵၢၼ်တီႈမိူင်းႁူမ်ႈတုမ်မၢၼ်ႈ ၼႂ်းပီ 2019 ၼႆႉ တေဢၢၼ်းႁဵတ်း ဢွၵ်ႇၵႃးၼပ်ႉႁူဝ်မိုၼ်ႇလမ်းတေႃႇပီ ။
ၶွမ်ႊပၼီႊ Toyota Motor Corporation ႁၢင်ႈႁႅၼ်းတေပိုတ်ႇႁူင်းၵၢၼ်မႂ်ႇ ၼႂ်းမိူင်းႁူမ်ႈတုမ်မၢၼ်ႈ ၼႂ်းပီ 2019 တေလူင်းတိုၼ်းလၢႆႁဵင်လၢၼ်ႉငိုၼ်းၵျပၢၼ်ႊ ၶၢတ်ႈလၢမ်းဝႃႈ တေႁဵတ်းဢွၵ်ႇၵႃး 10,000 လမ်းတေႃႇပီ။
ၶွမ်ႊပၼီႊ TOYOTA ပိုတ်ႇလၢတ်ႈဝႃႈ – “ ၼႂ်းပီ 2018 ၼႆႉ သဵၼ်ႈမၢႆၵၢၼ်ၶၢႆဢွၵ်ႇၵႃးမႂ်ႇ ၽိူမ်ႉၶိုၼ်ႈ 2 ပုၼ်ႈ ပေႃးၼပ်ႉပဵၼ်လမ်းတေတူၵ်းမွၵ်ႈ 17,000 လမ်း ယၢမ်းလဵဝ်ၶွမ်ႊပၼီႊၵႃးလၢႆလၢႆဢၼ်ၵေႃႈ ၶဝ်ႈပိုတ်ႇတီႈၼႂ်းမိူင်းႁူမ်ႈတုမ်မၢၼ် ယဝ်ႉ ” ဝႃႈၼႆ။
မိူင်းႁူမ်ႈတုမ်မၢၼ်ႈၼႆႉ ပိုၼ်ၽၢဝ်ႇၵိုတ်းၵၢၼ်ဢဝ်ၵႃးမိုဝ်းသွင်ၶဝ်ႈမိူင်း မိူဝ်ႈပီ 2017 ။ ယၢမ်းလဵဝ် လိူဝ်သေၶွမ်ႊပၼီႊ တူဝ်ႊယူဝ်ႊတႃႊယဝ်ႉ ၶွမ်ႊပၼီႊ သူႊသူႊၵီႊမေႃႊတိူဝ်ႊ ၊ ၾွတ်ႊမေႃႊတိူဝ်ႊ၊ ႁုၼ်ႊၻႆႊမေႃႊတိူဝ်ႊ ၸိူဝ်းၼႆႉၵေႃႈ ပိုတ်ႇႁူင်း ၵၢၼ် တီႈမိူင်းႁူမ်ႈတုမ်မၢၼ်ႈဝႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ