ပလိၵ်ႈတီႉလႆႈ ၵႃးလူင် 17 လမ်း ဢၼ်လၵ်ႉတၢင်ႇႁိၼ်ၶဵဝ် ၼမ်ႉၼၵ်း ႁိမ်း 300 တၼ်ႊ ဝႃႈၼႆ။
ဝၼ်းတီႈ 2/5/2019 ယၢမ်းၵၢင်ၶမ်ႈ ပလိၵ်ႈမၢၼ်ႈ တီႉလႆႈႁိၼ်ၶဵဝ်တီႈႁိမ်းဝၢၼ်ႈၼမ်ႉပုၵ်း ၸႄႈဝဵင်းမိူင်းယၢင်း ၸႄႈမိူင်း ၶၢင် တင်းမူတ်းၵႃး 17 လမ်း ဢၼ်တၢင်ႇႁိၼ်ၶဵဝ်မႃး ဢမ်ႇၸႂ်ႈတၢင်းၵၢၼ်ၼၼ်ႉ။ ႁိၼ်ၶဵဝ် ဢၼ်တၢင်ႇၵႃးမႃးၼၼ်ႉသမ်ႉ တင်းမူတ်း 100 ၵွၼ်ႈ။ ၼမ်ႉၼၵ်း 288 တၼ်ႊ။ ထိုင်မႃး ဝၼ်းတီႈ 5 ယူႇတီႈၾၢႆႇပလိၵ်ႈၸႄႈဝဵင်းမိူင်းယၢင်း လႆႈဢဝ်လိူင်ႈ လၢဝ်းဝႆႉ ဝႃႈၼႆ။
ယူႇတီႈၾၢႆႇပလိၵ်ႈ လႆႈၵူတ်ႇထတ်းၸႅတ်ႈထၢမ်သေ လႆႈႁူႉဝႃႈ ႁိၼ်ၶဵဝ် ၸိူဝ်းၼႆႉ တေတေႃႉတၢင်ႇၵႂႃႇတၢင်းၼေႇပျီႇတေႃႇ။ ၵူၼ်းဢၼ်ႁပ်ႉသိုဝ်ႉမၼ်းသမ်ႉ ပဵၼ်ၵူၼ်းယူႇတၢင်းဝဵင်းႁူဝ်ပၢင်ႇ ၸိုဝ်ႈႁွင်ႉ ဢူးဢွင်ႇၵျေႃႇမူဝ်း။ ႁိၼ်ၶဵဝ်ၸိူဝ်းၼႆႉ တင်း မူတ်း လႆႈသိုဝ်ႉမႅၼ်ႈယူႇ 400 သႅၼ်ပျႃး ဝႃႈၼႆ။
ၵဵဝ်ႇၵပ်းလွင်ႈၼႆႉ ယူႇတီႈပလိၵ်ႈ လႆႈဢဝ်လိူင်ႈ ၵူၼ်းၸိူဝ်းဢၼ်ၵဵဝ်ႇၶွင်ႈၸွမ်း ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉ တီႈႁူင်းပလိၵ်ႈၸႄႈဝဵင်းမိူင်းယၢင်း ဝႃႈၼႆ။
ၶေႃႈမုလ်း – XYZ News
