ၾၢႆႇသၢႆၵၢၼ်မိၼ် ဝဵင်းၵဵင်းႁၢႆး ႁၢင်ႈႁႅၼ်းတေပိုတ်ႇသဵၼ်ႈတၢင်းသၢႆၵၢၼ်မိၼ် မႄႈၾႃ့လူင် ၵဵင်းႁၢႆး – ႁၢႆးဝူဝ်း တႃႇႁႂ်ႈၵူၼ်းမိူင်း မီးလွင်ႈၵႂႃႇမႃးငၢႆႈလူမ် လႄႈ ပူၵ်းပွင်ပၢႆးမၢၵ်ႈမီးၶိုၼ်ႈယႂ်ႇ။
ဝၼ်းတီႈ 28/04/2019 ႁွင်ႈၵၢၼ်ၾၢႆႇၵၢၼ်ၵႃ့ၶၢႆဝဵင်းၵဵင်းႁၢႆး ပိုၼ်ၽၢဝ်ႇဝႃႈ မိူဝ်ႈလဵဝ်ႁၢင်ႈႁႅၼ်းတေပိုတ်ႇသဵၼ်ႈတၢင်း သၢႆၵၢၼ်မိၼ်မႄႈၾႃ့လူင် ၸႄႈဝဵင်းၵဵင်းႁၢႆး ၸိုင်ႈထႆး – ႁၢႆးဝူဝ်း ၸႄႈဝဵင်းၵၢတ်ႇလေႃ့ ၸႄႈတွၼ်ႈ တူၼ်ႈတီး ယွၼ့်ဝႃႈ မိူင်းတႆးၼႆ့ ပဵၼ်ၸႄႈမိူင်း ဢၼ်ယႂ်ႇသေပိူၼ်ႈ ၼႂ်းမိူင်းႁူမ်ႈတုမ် ၶွင်ၵိၼ်၊ၶွင်ၸႂ့်၊ယႃႈယႃၸိူဝ်းၼႆ့ ၵမ်ႈၼမ်သင်ႇ သိုဝ့်တၢင်းမိူင်းထႆး၊ သဵၼ်ႈတၢင်း တႃႈၶီႈလဵၵ်း – တူၼ်ႈတီး ယင်းဢမ်ႇပႆႇမီးလွင်ႈငၢႆႈလူမ် ၵွပ်ႈၼၼ်လႄႈ ၼင်ႇႁိုဝ်ၵၢၼ်တေႃ့သူင်ႇၵုၼ်ႇၵႃ့ၶၢႆလႄႈ ၵူၼ်းဝၢၼ်ႈၵူၼ်းမိူင်း ၸၢင်ႈၵႂႃႇမႃးသူႇၸႂ်းၵၼ်လႆႈငၢႆႈၼႆလႄႈ ႁဝ်း ၶႃႈႁၢင်ႈႁႅၼ်းတေ ပိုတ်ႇသဵၼ်ႈတၢင်းၵၢၼ်မိၼ် မႄႈၾႃ့လူင် – ႁၢႆးဝူဝ်း ။
ၼၢင်းသၢဝ်ၽၵၢႆႊမၢတ်ႊ ဝဵၼ်ႊရႃႊ ၵႅမ်ႁူဝ်ပဝ်ႈၾၢႆႇႁေႃၵၢၼ်ၵႃ့ ဝဵင်းၵဵင်းႁၢႆး လၢတ်ႈဝႃႈ“ ၵူၼ်းဝၢၼ်ႈၵူၼ်းမိူင်း ၼႂ်းမိူင်းတႆးၼႆ့ မီးႁူဝ်ၼပ့်ၵူၼ်းဢၢၼ်ႇႁူဝ်လၢၼ့် ၵမ်ႈၼမ်လႆႈၸႂ်ၸႂ့်တိုဝ်းၶူဝ်းၶွင်ဢၼ်ႁဵတ်းဢွၵ်ႇၼႂ်းမိူင်းထႆး ၊ ပေႃးဝႃႈပိုတ်ႇ သဵၼ်ႈတၢင်းသၢႆၵၢၼ်မိၼ်ယဝ့်ၼႆတႄ့ တေႁဵတ်းႁႂ်ႈၵူၼ်းဝၢၼ်ႈၵူၼ်းမိူင်းဢွၼ်ၵၼ်ၶဝ်ႈမႃးဢႅဝ်ႇယဵမ်ႈ ႁႃသိုဝ့်ၶူဝ်း ၶွင်လႄႈ မႃးယူတ်းယႃတူဝ်ၸိူဝ်းၼႆ့ တေၸၢင်ႈတိူဝ်းၼမ်မႃး ” ဝႃႈၼႆ။
ၼႂ်းမိူင်းႁူမ်ႈတုမ်ၼႆ့ မီးတႃႈႁိူဝ်းမိၼ်တွၼ်ႈတႃႇၵူႈမိူင်းမိူင်း International airport ယူႇယဝ့် 3 တီႈ မိူၼ်ၼင်ႇတႃႈ ႁိူဝ်းမိၼ် တီႈၼေႇပျီႇတေႃႇ၊ တႃႈၵုင်ႈ၊ ဝဵင်းလိူဝ်ႇ ၸိူဝ်းၼႆ့သေ ၊ မိူဝ်ႈလဵဝ်ႁၢင်ႈႁႅၼ်းတေပူၵ်းပွင်တႃႈႁိူဝ်းမိၼ် ႁၢႆးဝူဝ်း (HeHo airport ) ပဵၼ်တႃႈႁိူဝ်းမိၼ်ၸၼ့်ၵူႈမိူင်းမိူင်း International airport ၼႆယဝ့်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ