ႁွင်ႈၵၢၼ်ၾၢႆႇႁူမ်ႇလူမ်ႈ ၸႄႈမိူင်းတႆး ပိုၼ်ၽၢဝ်ႇ ပလိၵ်ႈယႃႈမဝ်းၵမ် ဝဵင်းၼမ်ႉၸၢင် တီႉလႆႈယႃႈၾိၼ်ႇၽိူၵ်ႇ တႃႇၶၼ်ငို ၼ်း 6,660 သႅၼ်ပျႃး ၼႂ်းၸႄႈဝဵင်း ၼမ်ႉၸၢင်။
ဝၼ်းတီႈ 30/04/2019 ယၢမ်းၵၢင်ၼႂ် 9 မူင်း ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် မၢႆ (27) ၸႄႈဝဵင်းလွႆလႅမ် ၵူတ်ႇထတ်း တီႉလႆႈယႃႈ ၾိၼ်ႇၽိူၵ်ႇ ၼႂ်းၵႃး သႅၼ်း TOYOTA Hilux Tiger ၼႂ်းၵႄႈ ၼမ်ႉၸၢင် – ၶူဝ်လမ် ၼႂ်းၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။
သိုဝ်ႇၶၢဝ်ႇ သျိၼ်ႊႁႂႃႊ ဢွၵ်ႇဝႆႉဝႃႈ “ ယႃႈၾိၼ်ႇၽိူၵ်ႇၼၼ်ႉ ႁဵတ်းပဵၼ်တႅင်ႈ(ၵွၼ်ႈ) သေ သႂ်ႇၼႂ်းၵႃးမႃး တင်းမူတ်း 80 တႅင်ႈ။ ၼမ်ႉၼၵ်း 26.64 ၵီႊလူဝ်ႊ၊ ငိုၼ်းမၢၼ်ႈထႅင်ႈ 1 သႅၼ်ပျႃးလႄႈ ၾူၼ်း 2 လုၵ်ႈ” ဝႃႈၼႆ။
ၵူၺ်းၵႃႈ တီႈၼႂ်းၶၢဝ်ႇၼၼ်ႉ ဢမ်ႇႁၼ်တႅမ်ႈသႂ်ႇပႃးဝႃႈ ၵူၼ်းဢၼ်တၢင်ႇယႃႈၾိၼ်ႇၽိူၵ်ႇမႃးၼၼ်ႉ ပဵၼ်ၽႂ် ၸိုဝ်ႈဝႃႈႁိုဝ် လုၵ်ႉလႂ်မႃး တေၵႂႃႇတၢင်းလႂ်ၸိူဝ်းၼႆႉ။
ၵဵဝ်ႇၵပ်းလွင်ႈၼႆႉ ယူႇတီႈၽူႈမီးပုၼ်ႈၽွၼ်းၶဝ် လႆႈဢဝ်လိူင်ႈ ၸွမ်းၼင်ႇပၵ်းပိူင်ဝၢၼ်ႈမိူင်းမီးဝႆႉၼၼ်ႉ ဝႃႈၼႆ။
ၶေႃႈမုလ်း – သျိၼ်ႊႁႂႃႊ (ဆင်ဟွာ သတင်း)
