ၼၢင်းယိင်းထႆးဢႃယု 28ပီ ဢဝ်လုၵ်ႈယိင်းဢွၼ်ႇဢႃယု 5 ၶူပ်ႇၵႂႃႇၶၢႆတူဝ်ပၼ်ၽူႈၸၢႆးဢႃယု 52 ပီ ပိူဝ်ႈလႅၵ်ႈဢဝ်ငိုၼ်း။
ဝၼ်းတီႈ 22/04/2019 ၸဝ်ႈၼႃႈတီႈၽူႈမီးပုၼ်ႈၽွၼ်း ၸႄႈတွၼ်ႈၶျႃႊၶျိူင်ႊသဝ်ႊ ႁူမ်ႈၵၼ်ၸတ်းပၢင်သပ်း ၸႅင်ႈၶၢဝ်ႇဝၢႆးသေတီ့ၺွပ်းလႆႈ ၸၢႆးဝိၼႆႊ ၽရူမ်ႊထွင်ႊသုၵ်ႊ ဢႃယု 52 ပီလႄႈ ၼၢင်းသၢဝ် သူႊၽလၵ်ႊ ဢႃယု 28 ပီမႄႈလုၵ်ႈဢွၼ်ႇ ။ ၼႂ်းတူတ်ႈတၢမ်ႇဢဝ်လုၵ်ႈယိင်းဢွၼ်ႇၵႂႃႇပၼ်ပိူၼ်ႈၵၼ့်ၸၼ်။
ၸဝ်ႈၼႃႈတီႈလၢတ်ႈဝႃႈ – “ ၵူၼ်းဝၢၼ်ႈမႃးတၢင်ႇလၢတ်ႈတီႈႁဝ်းဝႃႈ မၼ်းၼၢင်း ဢဝ်လုၵ်ႈယိင်းဢွၼ်ႇမၼ်း ၵႂႃႇၸူးၸၢႆးဝိၼႆႊၼႆ့မႃးႁိုင်ၼႃႇယဝ့် တေၵႂႃႇၵူႈဝၼ်းၽတ်းလႄႈ ဝၼ်းတိတ့် ၼိုင်ႈပွၵ်ႈလႂ်တေလႆႈၵႃႈတွပ်ႇတႅၼ်း 200 – 300 ဝၢတ်ႇ ၵူၺ်းဢမ်ႇမီးသၢၵ်ႈသေႇလၵ်းထၢၼ်မၼ်းလႄႈ ဢမ်ႇဢဝ်ၵႂႃႇတၢင်ႇလၢတ်ႈတီႈလႂ် ၾၢႆႇၼိုင်ႈ ၵေႃႈဝူၼ့်ဝႃႈ ပဵၼ်မႄႈတႄ့တႄ့လႄႈလႅပ်ႈတေဢမ်ႇႁဵတ်းၼိူဝ်လုၵ်ႈလႆႈၸိူင့်ၼႆ။ ၵူၺ်းၵႃႈယၢမ်းလဵဝ်တႄ့ လႆႈႁူ့ဝႃႈပဵၼ်လွင်ႈတႄ့ မၼ်းယဝ့်လႄႈ ၸင်ႇမႃးတၢင်ႇလၢတ်ႈတီႈႁဝ်းၶႃႈ ပိူဝ်ႈၸွႆႈထႅမ်လုၵ်ႈဢွၼ်ႇ ” ဝႃႈၼႆ။
ၸၢႆးဝိၼႆႊ ယွမ်းႁပ့်လၢတ်ႈတီႈပလိၵ်ႈဝႃႈ “ လႆႈၵၼ့်ၸၼ်တႄ့ မႄႈလုၵ်ႈဢွၼ်ႇၵေႃ့မႃးသူင်ႇပၼ် ၶိၼ်းၵၼ် တီႈၵူၼ်းဢမ်ႇမီး မၢင်ပွၵ်ႈၵေႃႈ ၸူဝ်းၵၼ်ၵႂႃႇတီႈႁူင်းႁႅမ်း ႁူ့ၸၵ်းၵၼ်တင်းမႄႈလုၵ်ႈဢွၼ်ႇၼႆ့ႁိုင်ယဝ့်” ဝႃႈၼႆ ။
မႄႈလုၵ်ႈဢွၼ်ႇ လၢတ်ႈဝႃႈ – “ ၸၢႆးဝိၼႆႊၼႆ့ ပဵၼ်ပေႃႈတႄ့တႄ့လုၵ်ႈဢွၼ်ႇ။ ႁဝ်းသွင်ၵေႃ့လဵၼ်ႈၵၼ်မႃး ႁိုင်ယဝ့် ၶႃႈလႆႈၸပ်းတွင့်ၸွမ်းမၼ်း ၵူၺ်းၵႃႈမၼ်းၸၢႆးဢမ်ႇယွမ်းႁပ့် ၾၢႆႇၼိုင်ႈၵေႃႈ မၼ်းၸၢႆးမီးလုၵ်ႈမေးယူႇယဝ့်” ဝႃႈၼႆ။
မၼ်းၼၢင်းလႆႈဢဝ်လုၵ်ႈဢွၼ်ႇမၼ်းၵႂႃႇၶၢႆတူဝ်ပၼ်တီႈပေႃႈတႄ့တႄ့ၼၼ့်ၸဵမ်မိူဝ်ႈပီၵၢႆ ။ ၸဝ်ႈၼႃႈတီႈၸင်ႇ တီ့ၺွပ်းတူဝ်ၸၢႆးဝိၼႆႊလႄႈ ၼၢင်းသၢဝ်ဢေးမႄႈလုၵ်ႈဢွၼ်ႇ သူင်ႇႁူင်းပလိၵ်ႈ ပၼ်တူတ်ႈတၢမ်ႇ ၵႂႃႇၸွမ်းၼင်ႇ ပၵ်းပိူင်မၢႆမီႈဝၢၼ်ႈမိူင်းမီးၼၼ့် ဝႃႈၼႆ။
တူဝ်လုၵ်ႈဢွၼ်ႇတႄ့ ယၢမ်းလဵဝ်ယူႇတီႈၸုမ်းတူၺ်းလူလွမ်လုၵ်ႈဢွၼ်ႇ ၽၢၼ်ပေႃႈမႄႈ ဢဝ်ၵႂႃႇတႃႇတေလုမ်းလႃး ႁၵ့်သႃပၢႆးၸႂ်လႄႈ တူၺ်းလူလုမ်းလႃးလွင်ႈယူႇလွင်ႈၵိၼ် – ဝႃႈၼႆ။
