ၶိူဝ်းႁေႃၶမ်းမိူင်းပူႊတၢၼ်ႊ မွပ်ႈယိုၼ်ႈသူးရၢင်းဝလ်း ၽူႈၵတ်ႉၶႅၼ်ႇ ဢၼ်တူင်ႉၼိုင် ၼႂ်းၵၢၼ်သႃသၼႃ၊တူင်ႇ ဝူင်းၵူၼ်း၊ ပၢႆးပၺ်ၺႃ၊ ၵၢၼ်မိူင်း၊ ပၢႆးမၢၵ်ႈမီး ထိုင်မေးၼၢင်းၵႅမ်ၸွမ်ၸိုင်ႈၵဝ်ႇ ၊ ၸဝ်ႈၶူးလူင်Dr.ၼေႃႇၶမ်းလႃ့ တင်းႁူဝ်ပဝ်ႈသိုၵ်းၵူၼ်းမိူင်း ထုင့်ပၢင်ႇလႅင်းသႂ်။
ဝၼ်းတီႈ 27/03/2019 မႃးၼႆ့ ယူႇတီႈၸဝ်ႈၼၢင်း Ashi Sonam Dechen Wangchuk ၶိူဝ်းႁေႃၶမ်း မိူင်းပူႊတၢၼ်ႊ မွပ်ႈယိုၼ်ႈပၼ်သူးရၢင်းဝလ်း Sasanahitadharadhaja Awards ၽူႈၸိူဝ်းဢၼ်တူင့်ၼိုင် ၼႂ်းၵၢၼ် တူင်ႇဝူင်းၵူၼ်း၊ ပၢႆးပၺ်ၺႃ၊ လွင်ႈပုတ့်ထသႃသၼႃ ထိုင်ၵူၼ်းမိူင်းႁူမ်ႈတုမ်မၢၼ်ႈ တင်းမိူင်းထႆး 20 ပၢႆ ၼႂ်းၼၼ့် ၵူၼ်းမိူင်းတႆးပႃး 3 ၵေႃ့။ မိူၼ်ၼင်ႇၸဝ်ႈၶူးလူင်ပႃႇမွၵ်ႉၶ ၻွၵ်ႊတိူဝ်ႊၼေႃႇၶမ်းလႃႉ ထမ်မသႃမိ ၊ ၼၢင်းသူၺ်ႇ မုင်ႇမေးၼၢင်း Dr.ၸၢႆးမွၵ်ႇၶမ်း ၵႅမ်ၸွမ်ၸိုင်ႈမၢႆ 2 မိူင်းႁူမ်ႈတုမ်မၢၼ်ႈၵေႃ့ၵဝ်ႇ ၊ ၸဝ်ႈလႅင်းသႂ် ႁူဝ်ပဝ်ႈၸုမ်းသိုၵ်းၵူၼ်းမိူင်း ထုင့်ပၢင်ႇလႅင်းသႂ် ၸိူဝ်းၼႆ့။
ၸဝ်ႈၶူးလူင် ပႃႇမွၵ်ႉၶ ၻွၵ်ႊတိူဝ်ႊၼေႃႇၶမ်းလႃႉ ထမ်မသႃမိ လၢတ်ႈတီႈၸုမ်းၶၢဝ်ႇၽူႈတွႆႇ ႁွၵ်ႈဝႃႈ “ ဢၼ်လႆႈ ႁပ့်သူးၼႆ့ ပဵၼ်ဢၼ်ႁူမ်ၸူမ်းယူႇ ၵွပ်ႈပိူဝ်ႈဝႃႈပိူၼ်ႈမၵ်းမၼ်ႈလွင်ႈၼႃႈၵၢၼ်ဢၼ်ႁဝ်းႁဵတ်းသၢင်ႈ ၊ ၵၢၼ်တႃႇတေႁဵတ်းၵၢၼ်တႃႇၵူၼ်းတင်းၼမ်လႄႈသင် ၊ ၵၢၼ်ပူၵ်းပွင်ပုတ့်ထသႃသၼႃ ပႃးၸဵမ်ၵၢၼ်ပူၵ်းပွင်တူင်ႇဝူင်း ၵူၼ်းၸိူဝ်းၼႆ့ တိူဝ်းမီးႁႅင်းၸႂ်မႃးၶႃႈဢေႃႈ” ဝႃႈၼႆ။
မိူဝ်ႈဝၼ်းတီႈ 09/02/2019 ၼၼ့်ၵေႃႈ ယူႇတီႈၶိူဝ်းႁေႃၶမ်းထႆး လႆႈမွပ်ႈယိုၼ်ႈပၼ် သူးရၢင်းဝလ်း Moral Awards တီႈႁူင်းႁေႃပုတ်ႉထမူၼ်းထူၼ်း ၸႄႈဝဵင်းၼၶွၼ်းပထူမ် ၸႄႈတွၼ်ႈ ၼၶွၼ်းပထူမ် ၸိုင်ႈထႆး။ ဢၼ်လႆႈႁပ်ႉသူး/ရၢင်းဝလ်း မီးၼပ်ႉပၢၵ်ႇ။ ၼႂ်းၼၼ်ႉပႃးပီႈၼွင်ႉ တႆး 5 ၵေႃႉ။ မိူၼ်ၼင်ႇၸဝ်ႈၶူးလူင်ပႃႇမွၵ့်ၶၻွၵ်ႊ တိူဝ်ႊၼေႃႇၶမ်းလႃႉ ထမ်မသႃမိ၊ ၼၢင်းၶမ်းၽွင် တူၼ်ႈတီး၊ ၼၢင်းမူဝ်မူဝ်သီႇတႃႇ တူၼ်းတီး၊ ၼၢင်းယိင်းလၢဝ် ဢွၼ်ႇ ၸိူဝ်းၼႆ့ ။
