ၽူႈမီးပုၼ်ႈၽွၼ်းၾၢႆႇႁႅင်းၵၢၼ်လႄႈ ႁႅင်းၵၢၼ်ယၢၼ်မိူင်း ႁူပ့်ထူပ်းဢုပ်ႇဢူဝ်းၵၼ် တီႈၵဵင်းမႆႇ တႃႇႁပ့်ထွမ်ႇ ပၼ်ႁႃႁႅင်းၵၼ်လႄႈ ႁူမ်ႈၵၼ်ၵႄႈလိတ်ႈပၼ်ႁႃ တီႈၵဵင်းမႆႇ ၸိုင်ႈထႆး။

ဝၼ်းတီႈ 29/03/2019 ၵဝ့်ငဝ်ႈပူၵ်းပွင်သုၼ်ႇလႆႈၵူၼ်း HRDF ၸတ်းႁဵတ်းပၢင်ႁူပ့်ထူပ်း ဢုပ်ႇဢူဝ်းလွင်ႈပၼ် ႁႃႁႅင်းၵၢၼ်လႄႈ တႃႇႁူမ်ႈၵၼ်ႁႃလၢႆးတၢင်းၵႄႈလိတ်ႈပၼ်ႁႃ တီႈႁူင်းႁႅမ်းထႃႊရိၼ်ႊ ဝဵင်းၵဵင်းမႆႇ ၸိုင်ႈထႆး၊ မီး  ၸဝ်ႈၼႃႈတီႈၽူႈမီးပုၼ်ႈၽွၼ်းၾၢႆႇႁႅင်းၵၢၼ် ၊ ႁႅင်းၵၢၼ်ယၢၼ်မိူင်းလၢႆၸၢဝ်းၶိူဝ်းလႄႈ ပေႃႈလဵင့်ၼၢႆးၸၢင်ႈၶဝ်ႈ   ႁူမ်ႈတင်းမူတ်းမီးမွၵ်ႈ 70 ပၢႆ ။

ၸၢႆးပိူင်း ၸဝ်ႈၼႃႈတီႈၾၢႆႇမၢႆမီႈႁႅင်းၵၢၼ် ၸုမ်း HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဢၼ်ႁဝ်းၶႃႈမႃးႁူပ့်ဢုပ်ႇၵုမ်မိူဝ်ႈၼႆ့တႄ့ ပေႃႈလဵင့် ၊ မႄႈလဵင့်လႄႈ ႁႅင်းၵၢၼ်ယၢၼ်မိူင်း ၊ ၽူႈလဵပ်ႈႁဵၼ်းလွင်ႈႁႅင်းၵၢၼ်ၸိူဝ်း ၼႆ့။ မႃးဢုပ်ႇၵၼ်တွင်ႈထၢမ်ပၼ်ႁႃ ဢၼ်ႁႅင်းၵၢၼ်ယၢၼ်မိူင်းလႆႈထူပ်းသေ ပိူဝ်ႈႁႃလၢႆးတၢင်းႁူမ်ႈၵၼ် ၵႄႈလိတ်ႈပၼ်ႁႃ ။ ဢၼ်ႁႅင်းၵၢၼ်ယၢၼ်မိူင်းလႆႈႁူပ့်ထူပ်းယူႇၶၢဝ်းၶိဝ်းၼႆ့တႄ့ ပဵၼ်လွင်ႈ Passport သီၶဵဝ် ႁဵတ်းဝႂ်ၶပ်းၶီႇဢမ်ႇလႆႈ၊ လွင်ႈႁဵတ်းၵၢၼ်ဢမ်ႇလႆႈငိုၼ်း၊ လွင်ႈဢမ်ႇလႆႈၵႃႈၸၢင်ႈၸွမ်းၼင်ႇလူင်ပွင်ၸိုင်ႈမၵ်းမၼ်ႈဝႆ့ ၸဵမ်ၸိူဝ်း ၼႆ့ဢေႃႈ” ဝႃႈၼႆ ။

ၸုမ်းၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း (HRDF) ၼႆႉ ႁဵတ်းၵၢၼ်ၾၢႆႇႁႅင်းၵၢၼ်မႃးမိူဝ်ႈ ပီ 2007 ၸွႆႈထႅမ်တုၵ်းယွၼ်းသုၼ်ႇလႆႈၵူၼ်းႁဵတ်းၵၢၼ် ၊ ၵူၼ်းၺႃးၽေးၵိုင်ႉၵၢင်ႉၼိူဝ်သဵၼ်ႈတၢင်း ၊ သုၼ်ႇလႆႈၵႃႈႁႅင်းၸိူဝ်းၼႆႉ။ လိူဝ် ၼၼ်ႉၸုမ်း HRDF ၼႆႉ ယင်းပိုတ်ႇပၢင်သွၼ် လိၵ်ႈတႆး ၊ ထႆး ၊ ဢိင်းၵလဵတ်ႈ ၊ ၶွမ်ႊၽိဝ်ႊၻိူဝ်ႊၸိူဝ်းၼႆႉ ပၼ်ပႃးႁႂ်ႈႁႅင်းၵၢၼ် လႆႈႁဵၼ်းႁူ့ ။