တႄႇႁူဝ်လိူၼ်ၻီႊသႅမ်ႊၿိူဝ်ႊၼႆႉမႃး ပလိၵ်ႈမၢၼ်ႈ တီႉလႆႈမႆႉၵႄႇတွၵ်ႈတင်း ၼိူဝ်ႉဝူဝ်းႁႅင်ႈ ဢၼ်တေသူင်ႇၵႂႃႇ မူႇၸေႊ။ ၵႃႈၶၼ်ငိုၼ်းမၢၼ်ႈတူၵ်း 69.872 လၢၼ်ႉပျႃး ဝႃႈၼႆ။
ဝၼ်းတီႈ 04/12/2017 ပလိၵ်ႈမၢၼ်ႈ ၾၢႆႇၵူတ်ႇထတ်း တီႈလၢၼ်ႇၵဵတ်ႉၼမ်ႉဢုၼ်ႇ ၼႂ်းၵႄႈလႃႈသဵဝ်ႈ-သႅၼ်ဝီ ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ တီႉလႆႈမႆႉၵႃႈၶၼ်ယႂ်ႇလႄႈ ၼိူဝ်ႉဝူဝ်းႁႅင်ႈ ဢၼ်လၵ်ႉ တၢင်ႇမႃးတင်းၵႃး သႅၼ်းမၢၵ်ႉတူး (Toyota Mark 2) တင်း ၵႃးႁပ်ႉၸၢင်ႈတၢင်ႇၵူၼ်း ဢၼ်လုၵ်ႉတၢင်းဝဵင်းလိူဝ်ႇ တေၵႂႃႇတၢင်း မူႇ ၸေႊ။ မႆႉတင်းမူတ်း တီႉလႆႈ 1.4576 တၼ်ႊ၊ ၼိူဝ်ႉဝူဝ်းႁႅင်ႈသမ်ႉ 12,000 ၸွႆႉ ပဵၼ်ၶူဝ်းၶွင်ၽိတ်း မၢႆမီႈ ဢၼ်ဢမ်ႇမီးဝႂ်ဢၼုၺၢတ်ႈ၊ လိၵ်ႈၵမ်ႉသင် ဝႃႈၼႆ။
ၾၢႆႇလူင်ပွင်ၸိုင်ႈပိုၼ်ၽၢဝ်ႇဝႆႉဝႃႈ တႄႇဢဝ်လိူၼ်ၻီႊသႅမ်ႊၿိူဝ်ႊၼႆႉမႃး သဵၼ်ႈတၢင်းမူႇၸေႊ-ဝဵင်းလိူဝ်ႇၼႆႉ လူတ်ႉၵႃးဢၼ်တၢင်ႇၶူဝ်း တေႃႉဢွၵ်ႇၶၢႆ တၢင်းမိူင်းၶႄႇ၊ တင်းမူတ်း မီး 956 လမ်း။ လူတ်ႉၵႃး ဢၼ်တၢင်ႇၶူဝ်းလုၵ်ႉ မိူင်းၶႄႇ ၶဝ်ႈမႃးတၢင်းမူႇၸေႊ သူင်ႇ လူင်းတၢင်းဝဵင်းလိူဝ်ႇသမ်ႉ မီး 970 လမ်း ဝႃႈၼႆ။
ၶေႃႈမုလ်း – မြန်မာ့အလင်း
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ