ၵူၼ်းမိူင်းတႆးပွတ်းႁွင်ႇ ပၢႆႈၵႂႃႇမိူင်းထႆး 30 ပၢႆ ၺႃးၸဝ်ႈၼႃႈတီႈပလိၵ်ႈထႆးတီ့ ၼႂ်းၸႄႈတွၼ်ႈၵဵင်းႁၢႆးသေ ၺႃးၵုမ်းၶင်တူဝ်ဝႆ့ ။
ဝၼ်းတီႈ 12/03/2019 ၸဝ်ႈၼႃႈတီႈၾၢႆႇၵူတ်ႇထတ်းၵူၼ်းၶဝ်ႈမိူင်း ၊ ၾၢႆႇသိုၵ်း ၶဝ်ႈၵူတ်ႇထတ်းႁိူၼ်းႁၢမ်းလင် ၼိုင်ႈ တီႈဢိူင်ႇဝဵင်းၽၢင်းၶမ်း ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ႁၢင်ႇၵႆတင်းလႅၼ်လိၼ်မိူင်းတႆး 2 ၵီႊလူဝ်ႊ ထူပ်းႁၼ်တႆးလုၵ့်မိူင်းတႆးပွတ်းႁွင်ႇသွၼ်ႈမူၵ်းယူႇၼႂ်းႁိူၼ်းႁၢမ်းၼၼ့် 30 ၵေႃ့ ၸၢႆး 17 ၵေႃ့ ယိင်း 13 ၵေႃ့ ဢမ်ႇမီးဝတ်းဝႂ်သင် ထုၵ်ႇၼႄးလၵ့်ၶဝ်ႈမိူင်းထႆးသေၺႃးတီ့ဝႆ့။
ၵူၼ်းၸိူဝ်းဢၼ် ၺႃးတီ့ၼၼ့် လၢတ်ႈတီႈပလိၵ်ႈဝႃႈ – “ ႁဝ်းၶႃႈလုၵ့်တၢင်းမိူင်းတႆးပွတ်းႁွင်ႇမႃးၶႃႈ မိူဝ်ႈလဵဝ်ပဵၼ် ၽွင်းဢၼ်ႁဝ်းၶႃႈ ပႂ့်ၵႃးထႅင်ႈလမ်းၼိုင်ႈ တႃႇမႃးႁပ့်ႁဝ်းၵႂႃႇႁႃႁဵတ်းၵၢၼ်တၢင်းဝဵင်းၵဵင်းမႆႇလႄႈ မိူင်းၵွၵ်ႇၶႃႈဢေႃႈ ပေႃးၵႂႃႇတၢင်းၵဵင်းမႆႇၼႆလႆႈပၼ်ၵႃႈၵႃး 4,500 (တူၵ်းငိုၼ်းမၢၼ်ႈသွင်သႅၼ်ပၢႆ) ၊ ပေႃးၵႂႃႇမိူင်းၵွၵ်ႇတေလႆႈပၼ် 17,000 ဝၢတ်ႇ (တူၵ်းငိုၼ်းမၢၼ်ႈ 8 သႅၼ်ပၢႆ )။
ၸၢႆးလူင် ၵူၼ်းပွတ်းႁွင်ႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ မိူဝ်ႈလဵဝ်ၵူၼ်းဝၢၼ်ႈ ၵူၼ်းမိူင်းႁဝ်းၶႃႈၼႆ့ တုၵ့် ၶယၢပ်ႇၽိုတ်ႇၼႃႇယဝ့်ၶႃႈ ၊ ၸုမ်းဢၼ်ၵႅတ်ႇၵင်ႈပၼ်ၵူၼ်းမိူင်းသမ့်ဢမ်ႇမီး ၵူၺ်းမီးၸုမ်းၼိုင်ႈယဝ့်ၸုမ်းၼိုင်ႈ မႃးၵဵပ်းၶွၼ်ႇယူႇတိၵ်းတိၵ်း ဢမ်ႇႁူ့တေၵႂႃႇႁႃငိုၼ်းတီႈလႂ်မႃးပၼ်ၶဝ်ယဝ့်ၶႃႈ ၊ သမ့်မႃးယိုဝ်းၵၼ်ထႅင်ႈ ၵူၼ်းဝၢၼ်ႈ ၵေႃႈဢမ်ႇလႆႈႁဵတ်းၵၢၼ်လီလီ ၵုမ်ႇလႆႈပၢႆႈၽေးသိုၵ်းယူႇတိၵ်းတိၵ်း မၢင်ၸိူဝ်းၵေႃႈဢွၼ်ၵၼ်ပၢႆႈၶဝ်ႈမိူင်းၶႄႇ မိူင်းထႆး ၊ မိူင်းတႆးတႄ့ တေဢမ်ႇမီးတႆးယူႇယဝ့်ၶႃႈ။ ၵွပ်ႈၼၼ်လႄႈ ယွၼ်းႁႂ်ႈၽူႈယႂ်ႇၵူၼ်းလူင် ၽူႈမီးပုၼ်ႈၽွၼ်း ႁဝ်း ၶႅၼ်းတေႃႈမီးၸႂ် မဵတ့်တႃႇၼိူဝ်ၵူၼ်းဝၢၼ်ႈၵူၼ်းမိူင်းသေ ႁႃလၢႆးတၢင်းပူၵ်းပွင်ပၼ် ႁႂ်ႈၵူၼ်းမိူင်း လႆႈယူႇ သႃႇၵတ်းယဵၼ်သေၵမ်း” ဝႃႈၼႆ။
ယၢမ်းလဵဝ်ၸဝ်ႈၼႃႈတီႈပလိၵ်ႈထႆး တီ့ၺွပ်းၶဝ်သေၸႂ့်လူင်းလၢႆးမိုဝ်း တဵၵ်းလၢႆးၼိဝ့်မိုဝ်းၵဵပ်းပိုၼ်းဝႆ့သေ တေၸွမ်း ႁႃတူဝ်ၽူႈဢၼ် ၵဵဝ်ႇၶွင်ႈ(ၼၢႆးၼႃႈ) တေၵပ်းသၢၼ်တင်း ၸဝ်ႈၼႃႈတီႈၾၢႆႇၵူတ်ႇထတ်း ၵူၼ်းၶဝ်ႈမိူင်း ဝဵင်းတႃႈၶီႈလဵၵ်း ပိူဝ်ႈႁူမ်ႈၵၼ်ႁႃလၢႆးတၢင်းႁႄ့ၵင်ႈၵၢၼ်ၵူၼ်းၵႃ့ၵူၼ်း ဝႃႈၼႆ။
