Friday, March 29, 2024

ၵူၼ်းမိူင်း သီႇပေႃႉ ႁိမ်း 400 ၵေႃႉ ပၢႆႈပွၵ်ႈ/ ၵႂႃႇမႃး ၼႂ်းၵႄႈပၼ်ႁႃၵၢၼ်သိုၵ်း

Must read

ၽွင်းသိုၵ်း RCSS တင်း ၸုမ်းဢူၺ်းလီပွတ်းႁွင်ႇ ၶဵင်ႈၶႅင်ၵၢၼ်သိုၵ်းတေႃႇၵၼ် ထႅမ်ႁႅင်းသိုၵ်းယူႇၼၼ်ႉ ၵူၼ်းဝၢၼ်ႈ ၵူၼ်းသူၼ် ႁိမ်း 400 ၸိူဝ်းယူႇထုင်ႉလီလူႉ သီႇပေႃႉ ပွၵ်ႈၶိုၼ်းဝၢၼ်ႈ။

Photo by – ၵူၼ်းမိူင်းသီႇပေႃႉ/ ၵူၼ်းပၢႆႈၽေးသိုၵ်း တီႈမၢၼ်ႈလီႈ

ဝၼ်းတီႈ 10/03/2019 ၼၼ်ႉ သိုၵ်း RCSS ထွႆၶိုၼ်း လွႆဢဝ်ဝႆႉတီႈယူႇ။ သိုၵ်းပွတ်းႁွင်ႇ ၽိူမ်ႉထႅမ်ႁႅင်းသိုၵ်းဢိူမ်ႈသွင် ၾၢႆႇ ငႃၵၼ်ဝႆႉ။ ၵူၺ်းၵႃႈ ဢိင်ၼိူဝ်လူဝ်ႇႁၢင်ႈႁႅၼ်းၵၢၼ်ၽုၵ်ႇၵၢၼ်သွမ်ႈသေ ၵူၼ်းဝၢၼ်ႈၶၢႆးႁဵဝ်း ဢိူင်ႇၵုင်းသေႃႉ၊ ဝၢၼ်ႈတႃႈတေႈ၊ ဝၢၼ်ႈၵုင်းၸၢင်ႈ လဵၵ်း၊ မၢၼ်ႈမႂ်ႇ၊ ပၢင်ႇၼိူဝ် ၼႂ်းဢိူင်ႇတႃႈတေႈ ႁူဝ်ၵူၼ်း 370 ၵေႃႉ ၸိူဝ်းမႃးသွၼ်ႈ ဝႆႉတီႈ ဝတ်ႉၽူဝ်းတေႃႇ ပွၵ်ႉၸၢင်ႈၶမ်းၸၢၼ်း ၸႄႈဝဵင်း သီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၶိုၼ်းဢွၼ် ၵၼ်ပွၵ်ႈႁိူၼ်းယဝ်ႉ ဝႃႈၼႆ။

- Subscription -

ၶွမ်ႊမတီႊ ၵူၼ်းပၢႆႈၽေးသိုၵ်း တီႈသီႇပေႃႉ လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈဝႃးၼႆႉ ပီႈၼွင်ႉႁဝ်း ဢိူင်ႇတႃႈတေႈ ပွၵ်ႈမိူဝ်း။ ဢိင်ၼိူဝ်သိုၵ်းသွင်ၾၢႆႇထႅမ်ႁႅင်းသိုၵ်းၽိုတ်ႉငႃၵၼ်လႄႈ မိူဝ်ႈၼႆႉ ၶိုၼ်းပၢႆႈဢွၵ်ႇမႃးၶိုၼ်းၽွင်ႈ။ မိူဝ်ႈၵႆႈၼႆႉ ပဵၼ်ပွႆးတိုၵ်းၵၼ်တၢင်းမၢၼ်ႈလီႈ ၵူၼ်းတႃႈ တေႈတူၵ်းၸႂ်သေ ၶိုၼ်းပၢႆႈပွၵ်ႈမႃးၵမ်ႈၽွင်ႈ။ ၵူၺ်းၵႃႈ ႁူဝ်ၵူၼ်းမီးၵႃႈႁိုဝ် ဢၼ်ဝႃႈၼၼ်ႉတႄႉ ပႆႇလႆႉႁူႉသဵၼ်ႈ မၢႆမၼ်း” ဝႃႈၼႆ။

သဵၼ်ႈမၢႆၵူၼ်းပၢႆႈၽေးသိုၵ်း ဢၼ်မႃးသွၼ်ႈဝႆႉတီႈသီႇပေႃႉသမ်ႉ တီႈဝတ်ႉၼမ်ႉသိမ်ႇ 52 ၵေႃႉ၊ ဝတ်ႉမၢၼ်ႈလီႈ 1,354 ၵေႃႉ၊ ဝတ်ႉ 2500 ႁူဝ်ၵူၼ်း 198 ၵေႃႉ၊ ႁူင်းႁဵၼ်းၸၼ်ႉဢွၼ် တူင်ႈၸၢင်ႉ 234 ၵေႃႉ၊ ဝတ်ႉၼႃးမၢၵ်ႇၶေႃ 176 ၵေႃႉ၊ ဝတ်ႉၵုင်းၸၢင်ႈလဵၵ်း 60 ၵေႃႉလႄႈ တီႈၵဵပ်းၶူဝ်းၶွင်(ဂိုဒေါင်) ဢူးလႃႉၽွၼ်း ဝၢၼ်ႈၼႃးလွႆသမ်ႉ 59 ၵေႃႉ ႁူမ်ႈၵၼ် တင်းမူတ်း 2,133 ၵေႃႉ ဝႃႈၼႆ။

ၵူၼ်းမိူင်းပၢႆႈၶဝ်ႈဝဵင်းမႃးၶိုၼ်းသမ်ႉ ပဵၼ်ၵူၼ်းဝၢၼ်ႈ ဝၢၼ်ႈလွႆငိုၼ်း၊ ဝၢၼ်ႈပႃႇၵၢင်း၊ တူၼ်ႈၵႅင်း၊ တႃႈလူင်၊ ႁူဝ်ၼႃး၊ မၢၼ်ႈႁူမ်ႈ၊ လွႆမွၵ်ႇ ၼႂ်းၸႄႈဝဵင်းသီႇပေႃႉ။ ပၢင်ႇလေႃႉ ဢိူင်ႇပုင်ႇဝူဝ်း ၸႄႈဝဵင်းၵျွၵ်ႉမႄး။ မၢၼ်ႈလီႈ ၸႄႈဝဵင်းၼမ်ႉတူႈ ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း