ၸုမ်းဢွၼ်ႁူဝ်ဢုပ်ႇဢူဝ်း ၶၵ့်ၵၢၼ်လွင်ႈငမ်းယဵၼ် PPST ၸတ်းႁဵတ်းပၢင်ဢုပ်ႇၵုမ်ၵၼ် ၶၢဝ်းတၢင်းသၢမ်ဝၼ်းသေတူၵ်းလူင်းလႆႈၸႂ်ၵၼ် 3 ၶေႃႈ တႃႇတမ်းဝၢင်းၽႅၼ်ၵၢၼ်မိူဝ်းၼႃႈ တႃႇႁႂ်ႈလွင်ႈငမ်းယဵၼ်မၼ်ႈၵိုမ်းယိုၼ်းယၢဝ်း။

ဝၼ်းတီႈ 05 – 07 /03/2019 ၸုမ်းဢွၼ်ႁူဝ်ဢုပ်ႇဢူဝ်းၶၵ့်ၵၢၼ်လွင်ႈငမ်းယဵၼ် PPST ဢၼ်ၸုမ်းယိပ်းၵွင်ႈ  ၵၢင်ႇ 10 ၸုမ်း ႁူမ်ႈၵၼ်ၶွတ်ႇၽွတ်ႈဝႆ့ၼၼ့် ၸတ်းႁဵတ်းပၢင်ဢုပ်ႇၵုမ် ၶၢဝ်းတၢင်း 3 ဝၼ်း တီႈၵဵင်းမႆႇ ၸိုင်ႈထႆး။ ၼႂ်းပၢင်ၼၼ့် မီးၸုမ်းယိပ်းၵွင်ႈၵၢင်ႇၸၢဝ်းၶိူဝ်း 10 ၸုမ်းၶဝ်ႈႁူမ်ႈသေ ဢုပ်ႇဢူဝ်းတူၵ်းလူင်းလႆႈၸႂ်ၵၼ် ပိူင်လူင်မီး 3 ၶေႃႈ ။

တီႈပၢင်ၵုမ်ၼၼ့်တႅပ်းတတ်းဝႃႈ – တၼ်းႁဵင်းၸွမ်သိုၵ်းလူင်ယွတ်ႈသိုၵ်း RCSS/SSA ၼၼ့် သူင်ႇၸွမ်ႁၢၼ်ပွင်  ၶိူဝ်းပုတ်ႈတႅၼ်း၊ တီႈယူႇၸွမ်သိုၵ်းလူင် ၸေႃးမူႇတူးသေးၽူဝ်းKNUၼၼ့်သမ့် လိူၵ်ႈဢဝ်ၽူႈၼမ်းၼႂ်း ပတူဝ်ႊသေႃးတႃႇတူးမူးၶိုၼ်ႈတၢင်တႅၼ်း၊ ၵမ့်ထႅမ်ႁၼ်လီတႃႇမူၼ့်မႄးပိူင်ပိုင်းလၵ်းမိူင်း 2008 တႃႇမူၼ့်မႄးပၵ်းပိူင်မူႇ ၸုမ်းပိူင် PPST ၊ ၶွတ်ႇၽွတ်ႈၸုမ်းႁဵတ်းၵၢၼ် တႃႇႁၢင်ႈႁႅၼ်းပၢင်ၵုမ်လူင်သုတ်းယွတ်ႈ Submit ၼႂ်းလိူၼ်မေႊ 2019 ၸဵမ်ၸိူဝ်းၼႆ့။

ၸွမ်သိုၵ်းလူင် ယွတ်ႈသိုၵ်းႁူဝ်ပဝ်ႈလူင် RCSS မွၵ်ႇလၢတ်ႈၶေႃႈၵႂၢမ်းၼႂ်းပၢင်ၵုမ်ဝႃႈ – “ တႃႇႁဝ်းတေသိုပ်ႇၵႂႃႇ ၵၢၼ်ငၢၼ်းမိူဝ်းၼႃႈၼႆ့ ပိူင်လူင်မၼ်းႁဝ်းလူဝ်ႇမီးလွင်ႈယုမ်ႇယမ်ၵၼ် ဢမ်ႇၸႂ်ႈၼႂ်း PPST ၵူၺ်း မိူၼ်ၼင်ႇတပ့် သိုၵ်းတပ့်မတေႃႇၵေႃႈလီ၊ လူင်ပွင်ၸိုင်ႈၵေႃႈလီ ဢၼ်ႁဝ်းထၢင်ႇထိူမ်ၵၼ်ယူႇ ၊ ဝႆ့သတိၵၼ်ယူႇၼႆ့ ႁႂ်ႈဝႆ့ၸႂ်ယၢဝ်းယၢဝ်းသေ ႁဝ်းလူဝ်ႇမႄးသၢင်ႈလွင်ႈယုမ်ႇယမ်ၵၼ် ၊ မီးပၼ်ႁႃသင်ၵေႃႈ ႁဝ်းမႃးဢုပ်ႇၵၼ် ႁူမ်ႈၵၼ်ၵႄႈလိတ်ႈပၼ်ႁႃ ၶႃႈႁဝ်းယုမ်ႇယမ်ဝႃႈ ၽူႈယႂ်ႇၵူၼ်းလူင်ၵူႈၵေႃ့ ၶႂ်ႈႁႂ်ႈဝၢၼ်ႈမိူင်းလႅၵ်ႈလၢႆႈ ၊ ၶႂ်ႈႁႂ်ႈဝၢၼ်ႈမိူင်းၶိုၼ်ႈယႂ်ႇမႂ်ႇသုင် ၊ၸွမ်းၼင်ႇဢၼ်ၵူၼ်းဝၢၼ်ႈၵူၼ်းမိူင်းႁဝ်းမုင်ႈမွင်းၼၼ့်၊ ၵွပ်ႈၼၼ်လႄႈ ႁဝ်းၶႃႈထုၵ်ႇလီႁဵတ်းႁႂ်ႈႁၼ်ၼမ့်ႁၼ် တူဝ်မၼ်း ” ဝႃႈၼႆ။

ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ဢၼ်လူင်းလၢႆးမိုဝ်းၵိုတ်းတိုၵ်းပတ်းပိုၼ်ႉတူဝ်ႈမိူင်း NCA (PPST) ၼႆႉပဵၼ် ၶွင်ႇ သီႇဢဝ်ၶိုၼ်းၸိုင်ႈတႆး/ တပ်ႉသိုၵ်း ၸိုင်ႈတႆး (RCSS/SSA) ၊ ၸုမ်းပူတ်းပွႆႇၸိူဝ်ႉၸၢတ်ႈပဢူဝ်း (PNLO)၊ တႅဝ်း ႁူမ်ႈၸိူဝ်ႉၸၢတ်ႈၶျၢင်း (CNF)၊ တႅဝ်းႁူမ်ႈၻီႊမူဝ်ႊၶရႅတ်ႊတိၵ်ႊ လုၵ်ႈႁဵၼ်းမိူင်းမၢၼ်ႈပတ်းပိုၼ်ႉ (ABSDF)၊ ႁူမ်ႈတုမ် ၸိူဝ်ႉၸၢတ်ႈယၢင်းၽိူၵ်ႇ (KNU)၊ တပ်ႉသိုၵ်းယၢင်းၵမ်ႉထႅမ်ၻီႊမူဝ်ႊၶရေႊၸီႊ (DKBA)၊ တပ်ႉသိုၵ်းပူတ်း ပွႆႇၸိူဝ်ႉ ၸၢတ်ႈယၢင်း-ၶွင်ႇသီႇငမ်းယဵၼ် (KNLA-PC) လႄႈ ပႃႇတီႇပူတ်းပွႆႇၸိူဝ်ႉၸၢတ်ႈရၶႅင်ႇ(ALP)။ လိူဝ်ၼၼ်ႉ ပႃးဝႆႉထႅင်ႈ ၸုမ်းလႃးႁူႇတီႇမူဝ်ႊ ၶရႅတ်ႉတိၵ်ႉ LDU လႄႈ ၸုမ်းပႃႇတီႇမိူင်းမွၼ်းမႂ်ႇ NMSP ၸိူဝ်းၼႆႉ။