ၼေႃႇၽူႈတႅၼ်းၸၢဝ်းၶိူဝ်းတႆး ၸၢႆးၼၢၼ်ၸိင်ႇ ပဵၼ်တႆးၸိူဝ့်ၸၢတ်ႈမိူင်းထႆး တေၶဝ်ႈၶႅင်ႇၵၢၼ်လိူၵ်ႈတင်ႈ တၼ်း ႁဵင်းသၽႃးၵူၼ်းမိူင်းၵဵင်းမႆႇ ဢၼ်တေၸတ်းႁဵတ်းၼႂ်းႁၢင်လိူၼ်မၢတ့်ၶျ် 2019 ။
ဝၼ်းတီႈ 24/03/2019 ၶၢဝ်းယၢမ်း08.00 တေႃႇထိုင်ၵၢင်ၶမ်ႈ 05.00 ၼႆႉ ၼႂ်းမိူင်းၸိုင်ႈထႆး တေၸတ်းႁဵတ်းပၢင်လိူၵ်ႈတင်ႈ ပတ်းပိုၼ်ႉတူဝ်ႈမိူင်း ၊ ၼႂ်းဝဵင်းၵဵင်းမႆႇ တီႈၼင်ႈၽူႈတႅၼ်းၵူၼ်းမိူင်း တင်းမူတ်းမီး 9 တီႈၼင်ႈ 9 ၶဵတ်ႇလိူၵ်ႈတင်ႈ ၼေႃႇၽူႈတႅၼ်း (ၶိူဝ်းတႆး ) ၸၢႆးၼၢၼ်ၸိင်ႇ (ၶျၢၼ်ႊၶျႆႊ သီႊဝၶျီႊရၽၼ်ႊ) တေယူႇၼႂ်းပႃႇတီႇပရႃႊၶျႃႊၽိဝတ်ႊသေၶဝ်ႈၶႅင်ႇ တီႈၼႂ်းၶဵတ်ႇ 7 မၢႆ 5 ဝႃႈၼႆ။
ၸၢႆးၼၢၼ်ၸိင်ႇ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၶိူဝ်းႁိူၼ်းႁဝ်းၶႃႈၼႆႉ မႃးယူႇၼႂ်းမိူင်းထႆး ၼပ်ႉဢၢၼ်ႇႁူဝ်ပၢၵ်ႇပီမၼ်းယဝ်ႉ ၼႂ်းတူင်ႇတၢင်ႇပိုၼ်ႉတီႈႁဝ်းၼႆႉၵေႃႈ မီးပီႈၼွင်ႉတႆးယူႇၼမ်တႄႉတႄႉ။ယိူင်းဢၢၼ်းတႃႇၸၢင်ႈ ၸွႆႈပူၵ်းပွင် လွင်ႈယူႇလွင်ႈၵိၼ်၊ လွင်ႈတီႈလိၼ် ၊ လွင်ႈသုၼ်ႇလႆႈသုၼ်ႇပဵၼ်ပီႈၼွင်ႉၸၢဝ်းၶိူဝ်း ၼႂ်းပိုၼ်ႉတီႈႁဝ်း ၼႆသေ ၸင်ႇၶဝ်ႈၶႅင်ႇၶႃႈဢေႃႈ ၊ ပေႃးၶႃႈပေ့မႃးတႄႉတေႁဵတ်းသၢင်ႈပၼ်ၵူၼ်းမိူင်းတႆးလႄႈ ၸၢဝ်းၶိူဝ်းႁႂ်ႈမီးသုၼ်ႇလႆႈၽဵင်ႇပဵင်း ႁႃၵိၼ်လဵင်ႉတွင့်ငၢႆႈလူမ် ၸိူဝ်းၼႆႉဢေႃႈ ” ဝႃႈၼႆ။
တီႈၼႂ်းမိူင်းၸိုင်ႈထႆးၼႆႉ တီႈၼင်ႈၽူႈတႅၼ်းၵူၼ်းမိူင်း (သေႃႊသေႃႊ) မီး 500 တီႈၼင်ႈ ၼေႃႇၽူႈ တႅၼ်းဢၼ် ၶဝ်ႈၶႅင်ႇၵၼ်တင်းမူတ်းတူဝ်ႈမိူင်း မီးၼပ့်မိုၼ်ႇ၊ပႃႇတီႇၵၢၼ်မိူင်းမီး 100 ပၢႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ