ၽူႈမီးပုၼ်ႈၽွၼ်း ၾၢႆႇၽဵဝ်ႈမူၺ့်ယႃႈမဝ်းၵမ် မိူင်းသၢတ်ႇ လႆႈတီ့ၺွပ်းၵူၼ်းထႆး 81 ၵေႃ့ လႄႈ တႆး 2ၵေႃ့ တီႈဝၢၼ်ႈၼႃးယၢဝ်း ၼႂ်းၸႄႈဝဵင်းမိူင်းသၢတ်ႇ။
ဝၼ်းတီႈ 04/01/2019 ၼႆ့သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ – ၽူႈမီးပုၼ်ႈၽွၼ်းၾၢႆႇၽဵဝ်ႈမူၺ့်ယႃႈမဝ်းၵမ် ဝဵင်း မိူင်းသၢတ်ႇ ၶဝ်ႈၵူတ်ႇထတ်းႁွင်ႈလိုဝ်ႈလႄႈ Resort ဢၼ်မီးတီႈမူႇဝၢၼ်ႈၼႃးယၢဝ်း ဢၼ်ပဵၼ်ၼႃႈလိၼ်မူးသိူဝ်းလမ် ယူႇသဝ်းလႄႈ မီးဢႃႇၼႃႇၵုမ်းၵမ်ဝႆ့ ။ တီ့ၺွပ်းလႆႈၵူၼ်းထႆးတင်းမူတ်း 81 ၵေႃ့ ၽူႈၸၢႆး 48 ၵေႃ့ ၽူႈယိင်း 33 ၵေႃ့လႄႈ တႆး 2 ၵေႃ့ ၼႂ်းတူတ်ႈတၢမ်ႇတၢင်းၽိတ်းၶဝ်ႈမိူင်းဢမ်ႇၸွမ်းမၢႆမီႈ ။
ၸၢႆးဢေ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ပိုၼ့်တီႈၸိူဝ်းၼၼ့် ပဵၼ်ပိုၼ့်တီႈဢၼ်တိတ်းၸပ်း လႅၼ်လိၼ်ၶႃႈဢေႃႈ ယႃႈမဝ်းၵမ်ၵေႃႈလိူင်ႇၼမ်ၼႃႇၶႃႈၸိူဝ်းၼၼ့် ၊ ၸၢဝ်းၶိူဝ်းဢၼ်ယူႇ သဝ်းၼႂ်းပိုၼ့်တီႈ ၼၼ့်ၵေႃႈၼမ်” ဝႃႈၼႆ ။
ၽူႈမီးပုၼ်ႈၽွၼ်းၾၢႆႇၽဵဝ်ႈမူၺ့်ယႃႈမဝ်းၵမ် ၸင်ႇတီ့ၺွပ်းတူဝ်တင်းမူတ်း သူင်ႇၵႂႃႇတီႈဝဵင်းမိူင်းသၢတ်ႇ ပိူဝ်ႈၵူတ်ႇထတ်းလၢႆႁူဝ်ယွႆႈမၼ်းဝႃႈ ၸွင်ႇၸႂ်ႈၵူၼ်းထႆးၸိူဝ်းဢၼ် ႁဵတ်းၽိတ်းမၢႆမီႈမိူင်းထႆးသေ ပၢႆႈယူႇၸွမ်းလႅၼ်လိၼ် ၼႆယဝ့်။
