Friday, March 29, 2024

ၶူးသွၼ်ၶႅၼ်ႇ ၼူၵ်ႉတူဝ်းတႆးၵေႃႉၼိုင်ႈ ထုၵ်ႇၸၼ်ႉၸွမ်ရတ်ႉၶျၽတ်း ယုၵ်ႉယွင်ႈ

Must read

ၸၢႆးသၢင်ႇၶမ်း ၸၢင်းယွတ်ႈ ၽူႈတူင်ႉၼိုင်ၼႂ်းၵၢၼ်ၾိင်ႈငႄႈၾိင်ႈထုင်းတႆး တီႈၵဵင်းမႆႇ ၸိုင်ႈထႆး လႆႈႁပ်ႉသူးရၢင်းဝလ်း ၽူႈသၢင်ႈလွင်ႈတၢင်းလီ ၼႂ်းၸၢဝ်းတႆး ဢၼ်ၸၼ်ႉၸွမ်ရတ်ႉၶျၽတ်းယုၵ်ႉယွင်ႈ။

Photo by – Saangkham Jagyod/ ၸၢႆးသၢင်ႇၶမ်း ၸၢင်းယွတ်ႈ ဢၼ်လႆႈႁပ်ႉသူးရၢင်းဝလ်း တီႈၸၼ်ႉၸွမ် ရတ်ႉၶျၽတ်း ၵဵင်းမႆႇ

ဝၼ်းတီႈ 30/01/2019 ယၢမ်းၵၢင်ၼႂ် 9:45 မူင်း ယူႇတီႈၸၼ်ႉၸွမ်ရတ်ႉၶျၽတ်း ၵဵင်းမႆႇ ၸတ်းႁဵတ်းပၢင်မွပ်ႈယိုၼ်ႈ သူးရၢင်းဝလ်းသႅင်ရတ်ႉၶျၽတ်း ၽူႈသၢင်ႈလွင်ႈတၢင်းလီ ၵဵဝ်ႇၵပ်းၾိင်ႈငႄႈၾိင်ႈထုင်း။ ပၢင်မွပ်ႈယိုၼ်ႈသူးၼႆႉ ၸတ်း ႁဵတ်းတီႈၸၼ်ႉၸွမ်ရတ်ႉၶျၽတ်း ၵဵင်းမႆႇ ၸိုင်ႈထႆး။ ၼႂ်းၼၼ်ႉ ၸၢႆးသၢင်ႇၶမ်း ၸၢင်းယွတ်ႈ ဢၼ်တင်း ၼမ်ႁူႉၸၵ်း ဝႃႈ လုင်းၸၢႆးၶမ်းၼူၵ်ႉ လႆႈႁပ်ႉသူးရၢင်းဝလ်း ပဵၼ်ၵေႃႉႁႅၵ်ႈ ၼႂ်းၸၢဝ်းတႆး ဝႃႈၼႆ။

- Subscription -

ၸၢႆးသၢင်ႇၶမ်း ၸၢင်းယွတ်ႈ လၢတ်ႈတီႈၽူႈတွႆႇႁွၵ်ႈဝႃႈ“ တီႈၸၼ်ႉၸွမ် ရတ်ႉၶျၽတ်းၼႆႉ ၶဝ်မွပ်ႈယိုၼ်ႈပၼ် သူးရၢင်း ဝလ်း ၵူၼ်းတီႈဢၼ်ႁဵတ်းၵၢၼ် ၵဵဝ်ႇလူၺ်ႈလွင်ႈ ၾိင်ႈငႄႈၾိင်ႈထုင်း ၼႂ်းမိူင်းထႆးၼႆႉ ႁဵတ်းမီးမႃးၶၢဝ်းတၢင်း 20 ပီ။ ၼိုင်ႈပီလႂ် ၶဝ်တေမွပ်ႈယိုၼ်ႈပၼ် သူးရၢင်းဝလ်း10 ၵေႃႉ။ ပီၼႆႉ ၶဝ်လႆႈယိုၼ်ႈပၼ် ပီႈလႆႈႁပ်ႉၵေႃႉၼိုင်ႈ ၵဵဝ်ႇၵပ်း လူၺ်ႈလွင်ႈၾိင်ႈငႄႈပၢႆးမွၼ်း ၼႂ်းၵၢၼ်လွင်ႈ ၵႃႈ/တၢင်းဝႅၼ်။ ၼႂ်းတႆးႁဝ်းၶႃႈတႄႉ ဢၼ်လႆႈႁပ်ႉသူးရၢင်းဝလ်းၼႆႉ တေလႆႈဝႃႈၶႃႈပဵၼ်ၵေႃႉႁႅၵ်ႈၶႃႈယဝ်ႉ” ဝႃႈၼႆ။

ပၢင်မွပ်ႈယိုၼ်ႈသူး ရၢင်းဝလ်း ၽူႈသၢင်ႈလွင်ႈတၢင်းလီ ၵဵဝ်ႇၵပ်းၾိင်ႈငႄႈၾိင်ႈထုင်း တီႈၸၼ်ႉၸွမ်ရတ်ႉၶျၽတ်း ပီၼႆႉ ပဵၼ်ၵူၼ်းတူင်ႉၼိုင်ႁဵတ်းသၢင်ႈတၢင်းလီၼႂ်းၵဵင်းမႆႇ၊ ၵဵင်းႁၢႆး၊ မိူင်းၼၢၼ်ႉလႄႈ မိူင်းပေႉ (ၽႄႉ) ၸဵမ်ၸိူဝ်းၼႆႉ။

ၸၢႆးသၢင်ႇၶမ်း ၸၢင်းယွတ်ႈၼႆႉ ပဵၼ်ၶူးပူင်သွၼ်ပၼ် တၢင်းၵႃႈၾိင်ႈငႄႈၾိင်ႈထုင်း ၼႂ်းမိူင်းထႆး မီးၶၢဝ်းတၢင်း 24 ပီယဝ်ႉ။ ယဝ်ႉၵေႃႈ ပဵၼ်ၵူၼ်းၵေႃႉဢၼ်တူင်ႉၼိုင်ၼႂ်းတူင်ႇဝူင်းတႆး တီႈၵဵင်းမႆႇၵေႃႉၼိုင်ႈသေဢမ်ႇၵႃး လိူဝ်ၼၼ်ႉ ပဵၼ်ၽူႈၵေႃႇတင်ႈၸုမ်းသိုပ်ႇသၢၼ်လၢႆးတႆး တီႈဝဵင်းပဵင်းလူင် မိူဝ်ႈပီ 2546 (ပီပုတ်ႉထ) ၵေႃႈၸႂ်ႈ ဝႃႈၼႆ။

ၸၢႆးသၢင်ႇၶမ်း ၸၢင်းယွတ်ႈ (ႁွင်ႉ) လုင်းၸၢႆးၶမ်းၼႆႉ ပဵၼ်ၵူၼ်းၸႃတိ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း