ၵူၼ်းဝၢၼ်ႈၸိူဝ်းဢမ်ႇႁူ့ပၵ်းပိူင်ထႆးလႃႈလီႈၵႂႃႇႁႃၵဵပ်းၼေႃႇ ၵဵပ်းႁဵပ်း ၼႂ်းပိုၼ့်တီႈလူင်ပွင်ၸိုင်ႈ ၸၢင်ႈၺႃးတူတ်ႈတၢမ်ႇမႂ်ငိုၼ်းဢမ်ႇပူၼ့် 5 သႅၼ်ပၢတ်ႇ တူၵ်းၶွၵ်ႈဢမ်ႇပူၼ့် 5 ပီ။
ဝၼ်းတီႈ 28/01/2019 ႁွင်ႈၵၢၼ်ၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ လူင်ပွင်ၸိုင်ႈမိူင်းထႆး မီးပၵ်းပိူင်မၢႆမီႈႁႄ့ႁၢမ်ႈၵူၼ်းဝၢၼ်ႈ ၵူၼ်းမိူင်း တေဢမ်ႇလႆႈႁႃၵဵပ်းႁဵပ်း ၵဵပ်းၼေႃႇၶူဝ်းၶွင်ပႃႇၸိူဝ်းၼႆ့ သင်ပူၼ့်ပႅၼ်မၢႆမီႈၸိုင်တေ ၺႃးမႂ်ငိုၼ်း ဢမ်ႇပူၼ့် 5 သႅၼ် တူၵ်းၶွၵ်ႈဢမ်ႇပူၼ့် 5 ပီ ဢမ်ႇၼၼ်တင်းတူၵ်းၶွၵ်ႈလႄႈ တင်းၺႃးမႂ်ငိုၼ်း ဝႃႈၼႆ။
ၸၢႆးပိူင်းၸဝ်ႈၼႃႈတီႈၾၢႆႇမၢႆမီႈ ၵဝ့်ငဝ်ႈပူၵ်းပွင်သုၼ်ႇလႆႈၵူၼ်း HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၸႂ်ႈယဝ့်ၶႃႈ တီႈၼႂ်းမိူင်းၸိုင်ႈထႆးၼႆ့ ႁဝ်းၶႃႈတေလႃႈလီႈၵႂႃႇႁႃၵဵပ်းႁဵပ်း ႁႃၼေႃႇ ၊ ႁူင်းၽိုင်ႈ ၶူဝ်းၶွင်ပႃႇၵူႈၸိူဝ်းၸိူဝ်း ၼၼ့်ဢမ်ႇလႆႈၶႃႈ ၸၢင်ႈၺႃးတီ့ၺွပ်းလႄႈ ၺႃးမႂ်ငိုၼ်းလႆႈဢေႃႈ၊ တေႃႈၼင်ႇတူၼ်ႈမႆ့ ၸွမ်းတၢင်းႁိမ်း ႁိူၼ်းၼၼ့်ၵေႃႈ ဢမ်ႇၸၢင်ႈတႅပ်းႁင်းၵူၺ်း ပေႃးၶႂ်ႈတႅပ်းၼႆ တေလႆႈပွင်ႇၾၢႆႇၽွင်းငမ်းၵွၼ်ႇဢေႃႈ ” ဝႃႈၼႆ။
ၵဵဝ်ႇၵပ်းလူၺ်ႈလွင်ႈၼႆ့ ႁွင်ႈၵၢၼ်ၾၢႆႇၵၢၼ်ၽုၵ်ႇသွမ်ႈၸိုင်ႈထႆး ပွတ်းၼိူဝ်ဢဵၼ်ႁႅင်းမွၵ်ႈ 20 ၵေႃ့ ယိုၼ်ႈလိၵ်ႈတီႈ ၽူႈၵွၼ်း ၸႄႈတွၼ်ႈၼၢၼ့် ပိူဝ်ႈႁႂ်ႈၽူႈမီးပုၼ်ႈၽွၼ်းၾၢႆႇလူင်ပွင်ၸိုင်ႈ ယွၼ်ႇယၢၼ်းပၼ်လွင်ႈပၼ်တူတ်ႈတၢမ်ႇ ၵူၼ်းဝၢၼ်ႈ။
ၼႂ်းမိူင်းၸိုင်ႈထႆးၼႆ့ မီးဝႆ့ပၵ်းပိူင်ၼႂ်းပိုၼ့်တီႈပႃႇမႆ့/ပိုၼ့်တီႈထိူၼ်ႇပႃႇဝၢၼ်ႈမိူင်းၸိူဝ်းၼၼ့် တေဢမ်ႇလႆႈၵဵပ်း ၽၵ်းယိူဝ်ႈ ၼၢင်းၶဵဝ်၊ ၵဵပ်းၼေႃႇ၊ ႁႃႁဵပ်း၊ ပိုတ်းတူဝ်သတ်း၊ ႁႃႁွႆ၊ ႁႃပႃ ၊ မူတ့်သူမ်ႈလႄႈ ၶူဝ်းၶွင်ပႃႇထႅင်ႈလၢႆၸိူဝ့်လၢႆလွင်ႈ ။ သင်ပူၼ့်ပႅၼ်ၸိုင် ၸၢင်ႈၺႃးတူတ်ႈတၢမ်ႇမႂ်ငိုၼ်းလႄႈ တူၵ်းၶွၵ်ႈၸွမ်း ၼင်ႇမၢႆမီႈ တမ်းဝၢင်းဝႆ့ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ