သၢဝ်တႆးႁၢင်ႈလီပွတ်းဢွၵ်ႇၶူင်း တၢင်တူဝ်မိူင်းႁူမ်ႈတုမ်သေ ၶဝ်ႈၶႅင်ႇၼၢင်းငၢမ်းၸၼ့်ၵုၼ်တိူၵ်ႈ တီႈမိူင်းၾိလိပ်ႊပိၼ်ႊသေဢမ်ႇၵႃး လႆႈသူးၽိဝ်ၼင်ႁၢင်ႈလီပႃးထႅင်ႈ။
ဝၼ်းတီႈ 26/01/2019 တီႈမိူင်းၾိလိပ်ႊပိၼ်ႊ ၸတ်းႁဵတ်းပၢင်ၶႅင်ႇၼၢင်းႁၢင်ႈလီ ၸၼ့်ၵုၼ်တိူၵ်ႈ Miss Intercontinental တီႈဝဵင်းမၼိလႃႊ ၸိုင်ႈမိူင်းၾိလိပ်ႊပိၼ်ႊ မီးၼၢင်းႁၢင်ႈလီတၢင်တူဝ်မိူင်းလႂ်မိူင်းၼၼ့် ၶဝ်ႈၶႅင်ႇ 83 မိူင်း ၼၢင်းမူၺ်ၽွင်းလူင် သၢဝ်တႆးပွတ်းဢွၵ်ႇၶူင်း လႆႈတၢင်တူဝ်မိူင်းႁူမ်ႈတုမ်သေၶဝ်ႈၶႅင်ႇ ထုၵ်ႇလိူၵ်ႈၶဝ်ႈ ႁွပ်ႈ 20 ၵေႃ့ ၊ လႆႈႁပ့်သူးၼၢင်းလဝ်းၽိဝ်ၼင်ႁၢင်ႈလီ ဢၼ် Korean skin care product မွပ်ႈယိုၼ်ႈပၼ် ။
ၼၢင်းမူၺ်ၽွင်းလူင် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼႂ်းပၢင်ၶႅင်ႇပွၵ်ႈၼႆ့ ၶႃႈႁဝ်းလႆႈတၢင်တူဝ်မိူင်းႁူမ်ႈ တုမ်ၵႂႃႇဢေႃႈ ၊ ၵူၺ်းၵႃႈၼင်ႇႁိုဝ်ပိူၼ်ႈတေႁူ့ၸၵ်းတႆးႁဝ်းၼၼ့် ၶတ်းၸႂ်လၢတ်ႈၼႄလွင်ႈတႆးႁဝ်းယူႇဢေႃႈ ပိူၼ်ႈၵေႃႈႁူ့ၸၵ်းလႄႈ သူၼ်ၸႂ်လွင်ႈတႆးႁဝ်းမႃးတႄ့တႄ့ၶႃႈ၊ ၼင်ႇႁိုဝ်ပိူၼ်ႈတေႁူ့ၸၵ်းတႆးၵႂႃႇမိူဝ်းၼႃႈၶၢဝ်း ၵႆၼၼ့် တေၶတ်းၸႂ်ယူႇၶႃႈ ၊ ယိၼ်းၸူမ်းထိုင်ပီႈၼွင့်ႁဝ်းၶႃႈၵူႈၵေႃ့ ဢၼ်တိတ်းတၢမ်ၶၢဝ်ႇငၢဝ်းၶႃႈႁဝ်းလႄႈ ပၼ်ႁႅင်းၸႂ်ၶႃႈႁဝ်းယူႇဢေႃႈ” ဝႃႈၼႆ။
ၼၢင်းမူၺ်ၽွင်းလူင်ၼႆ့ မိူဝ်ႈဝၼ်းတီႈ 02/07/2017 ၼၼ့် လႆႈသူးၼၢင်းငၢမ်းႁၢင်ႈလီႈ Miss Universe Tachileik 2017။ မိူဝ်ႈလိူၼ်သႅပ်ႊထႅမ်ႊပိူဝ်ႊၼၼ့်လႆႈၶဝ်ႈၶႅင်ႇ Miss Universe Myanmar 2018 တီႈဝဵင်းတႃႈၵုင်ႈသေ လႆႈႁပ့်သူး 2 nd Runner up ။
ၼၢင်းမူၺ်ၽွင်းလူင်ၼႆ့ ပဵၼ်လုၵ်ႈယိင်းၸၢႆးပႅင်းလႄႈ ၼၢင်းၽွင်းၼူၼ်း မီးပီႈၼွင့်ႁူမ်ႈၵၼ် 3 ၵေႃ့ ၸၢႆးလူင်တုၺ်ႈ ၊ ၼၢင်းမူၺ်ၽွင်းလူင် ၊ ၸၢႆးၵေႃၶမ်းလူင် မၼ်းၼၢင်းပဵၼ်ၵေႃ့ထူၼ်ႈ 2 လိူဝ်သေပဵၼ် ၼၢင်းလဝ်းႁၢင်ႈလီယဝ့် ယင်းမီးၼမ့်ၵတ့်ၾၢႆႇလၢတ်ႈၵႂၢမ်းဢိင်းၵလဵတ်ႈလႄႈ လၢႆလၢႆၽႃသႃ ယၢမ်းလဵဝ်ၶိုၼ်ႈႁဵၼ်း ၸၼ့်ပီ 4 ၾၢႆႇၵၢၼ်မၢၵ်ႈမီး တီႈ ၸၼ့်ၸွမ် Assumption မိူင်းၵွၵ်ႇ ၸိုင်ႈထႆး ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ