ၸဝ်ႈၼႃႈတီႈၾၢႆႇႁူမ်ႇလူမ်ႈမိူင်းထႆး တီ့ၺွပ်းလႆႈ ၵူၼ်းၵေႃ့ၼိုင်ႈဢၼ်ဢဝ်ယႃႈမႃ့ 200.000 မဵတ့် သႂ်ႇၼႂ်းမၢၵ်ႇၵႃးသေ လုၵ့်တၢင်းတႃႈၶီႈလဵၵ်း ၶဝ်ႈၸူးဝဵင်းမႄႈသၢႆ။
ဝၼ်းတီႈ 25/01/2019 သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ – ၸဝ်ႈၼႃႈတီႈၾၢႆႇၽဵဝ်ႈမူၺ့်ယႃႈမဝ်းၵမ် မိူင်းထႆး ၶဵင်ႈၶႅင်ၵူတ်ႇထတ်း ၸွမ်းလႅၼ်လိၼ်သေ သင်ႇႁႂ်ႈၸဝ်ႈၼႃႈတီႈသိုၵ်း လူင်းပိုၼ့်တီႈ ၵူတ်ႇထတ်းလွင်ႈၼိမ်သဝ်းၸွမ်းသၢပ်ႇၼမ့်လႅၼ်လိၼ် ႁိမ်းၾင်ႇ ၼမ့်မႄႈသၢႆ – တႃႈၶီႈလဵၵ်း ဢၼ်မီးၼႂ်းဢိူင်ႇၵေႃႇၸၢင့် ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ၸိုင်ႈထႆးပွတ်းၼိူဝ်။
ၽွင်းၼၼ့်ၸဝ်ႈၼႃႈတီႈထူပ်းႁၼ်ၵူၼ်းၸၢႆးၵေႃ့ၼိုင်ႈ ၸိုဝ်ႈႁွင့်ဝႃႈ ၸၢႆးဝၢၵ်ႇ ပဵၼ်ၵူၼ်းတၢင်းပွတ်းတႃႈၶီႈလဵၵ်း ၸုၵ်းသေယိပ်းယၢင်မၢၵ်ႇၵႃးယူႇႁိမ်းၾင်ႇၼမ့် ၸဝ်ႈၼႃႈတီႈယွၼ်းၵူတ်ႇထတ်းသေ ထူပ်းႁၼ် ယႃႈမႃ့ 200.000 မဵတ့် ။
ၸၢႆးဝၢၵ်ႇ လၢတ်ႈၼႄတီႈသိုၵ်းထႆးဝႃႈ – “လႆႈဢဝ်ယၢင်မၢၵ်ႇၵႃးၼႆ့ ပွႆႇလူင်းၸွမ်း ၼမ့် ပိူဝ်ႈဢဝ်ၶဝ်ႈမိူင်းထႆးသေ သူင်ႇပၼ်ၵူၼ်းဢၼ်ပႂ့်ႁပ့်သိုဝ့် ဢၼ်ၶိၼ်း ၵၼ်ဝႆ့ ” ဝႃႈၼႆ။
မိူင်းထႆးၼႆ့တမ်းဝၢင်းမၢႆမီႈၶဵင်ႈၶႅင်ၵၢၼ်သူႇသမ်းတေႃ့တၢင်ႇ ၵႃ့ၶၢႆယႃႈမဝ်းၵမ်မႃးၼႅၼ်ႈၼႅၼ်ႈၼႃၼႃသေတႃ့ ယႃႇၾိၼ်ႇယႃႈမႃ့ ဢၼ်လုၵ့်တၢင်းမိူင်းႁိမ်းႁွမ်း လၵ့်တေႃ့ၶဝ်ႈမိူင်းထႆးမီးယူႇၵူႈလိူၼ်။ မိူဝ်ႈပူၼ့်မႃး 2-5 ဝၼ်းၼႆ့တီႉလႆႈယႃႈမႃ့ၼပ့်ႁူဝ်သႅၼ်မဵတ့်ၼၼ့်ၵေႃႈဝႃႈ ပဵၼ်သၢႆၵဵဝ်ႇၶွင်ႈဝႃ့လႅင် ဢၼ်ယူႇၸွမ်းလႅၼ်လိၼ်တႆး – ထႆး။