ၸုမ်းၵူၼ်းၼုမ်ႇတႆးပိတ့်မၢၵ်ႇၼင် ထုင့်သႅင်ၵႅဝ့်လႄႈ ထုင့်ၵႃလီ့ၵုၼ်ႁဵင် 4 ၸုမ်း ၶႅင်ႇပိတ့်မၢၵ်ႇၼင်ၵၼ် တီႈဝဵင်းၵႃလီ့ ၸႄႈဝဵင်းၵုၼ်ႁဵင်။
ဝၼ်းတီႈ 19/01/2019 ၸုမ်းပိတ့်မၢၵ်ႇၼင် “ၼႃးမူၼ်း FC” လႄႈၸုမ်းပိတ့်မၢၵ်ႇၼင် “ သႅင်ၵႅဝ့်” ဢၼ်ယူႇ ၸိုင်ႈ တႆးပွတ်းႁွင်ႇ။ ၸုမ်း“လွႆၽႃ FC” ၸုမ်းလုၵ်ႈႁဵၼ်းၸၼ့်ၸွမ်တူင်ႇၵူၼ်း “ၵေႃတႆး” ၸိူဝ်းၼႆ့ၶႅင်ႇၵၼ် တီႈပၢင်ပိတ့်မၢၵ်ႇၼင် လွႆတႆးလီၵႃလီ့ ဝဵင်းၵႃလီ့ ၸႄႈဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း။
ၸၢႆးမၢဝ်းႁၢၼ် ႁူဝ်ၼႃႈၵူၼ်းၼုမ်ႇမိူင်းၶိူဝ်း လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၼႂ်းၵႄႈတပ့်သိုၵ်းၸိုင်ႈတႆး မီးပၼ်ႁႃၵၼ်ၼႆ့သေ ယႃႇႁႂ်ႈၵူၼ်းၼုမ်ႇတီႈၼိုင်ႈလႄႈ တီႈၼိုင်ႈလႆႈတႅၵ်ႇငၢၵ်ႈၵၼ်၊ ႁႂ်ႈမီးလွင်ႈမိုတ်ႈၵိုဝ်းၸမ် ၸႂ်ၵၼ်၊ ၵႆယၢၼ်ယႃႈမဝ်းၵမ်သေ ႁႂ်ႈမေႃၽွမ့်ႁူမ်ႈၵၼ်ၸွႆႈထႅမ်ၵၼ်ၵႂႃႇမိူဝ်းၼႃႈၶၢဝ်းၵႆ ” ဝႃႈၼႆ။
ဝၢႆးပိတ့်မၢၵ်ႇၼင်ယဝ့်ဢွၼ်ၵၼ် ဢႅဝ်ႇယဵမ်ႈလဵပ်ႈႁဵၼ်း ပိုၼ့်တီႈၵဝ်ႇၵႄႇၵိုၵ်းပိုၼ်းဝဵင်းၵႃလီ့၊ ၵုၼ်ႁဵင် ၸိူဝ်းၼႆ့။
ဢၼ်ၶႅင်ႇၵၼ် ပွၵ်ႈၼႆႉပဵၼ်ပွၵ်ႈၵမ်းသၢမ် ပွၵ်ႈၵမ်းၼိုင်ႈ လႆႈၸတ်းႁဵတ်းတီႈဝၢင်းမၢၵ်ႇၼင်လွႆတႆးလီၵႃလီ့ ၸႄႈ ဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း မိူဝ်ႈႁူဝ်ပီႊ2018၊ ပွၵ်ႈၵမ်းသွင်သမ်ႉ လႆႈၸတ်းႁဵတ်းတီႈဝၢင်းမၢၵ်ႇၼင် ဝၢၼ်ႈမိူင်းၶိူဝ်း ၸႄႈဝဵင်းသီႇပေႃ့ ၸိုင်ႈတႆးပွတ်းႁွင်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ