Friday, March 29, 2024

TNLA ဝႃႈ တေၶတ်းၸႂ် ႁူပ်ႉတင်း RCSS တႃႇငူပ်ႉငီႉၵၼ် ႁႃတၢင်းဢွၵ်ႇ

Must read

TNLA ဢွၵ်ႇၶေႃႈပိုၼ်ၽၢဝ်ႇဝႃႈ ၼင်ႇႁိုဝ် တေဢမ်ႇသိုပ်ႇပဵၼ်ပၼ်ႁႃတင်း RCSS/SSA ထႅင်ႈၼၼ်ႉ တေၶတ်းၸႂ် ႁူပ်ႉ RCSS သေ ငူပ်ႉငီႉဢုပ်ႇဢူဝ်းႁႃတၢင်းဢွၵ်ႇၵႂႃႇ ဝႃႈၼႆ။

ဝၼ်းတီႈ 05-09/01/2019 တပ်ႉသိုၵ်းတဢၢင်း TNLA ၸတ်းႁဵတ်းပၢင်ၵုမ်ငဝ်ႈငုၼ်း ႁူဝ်ႁုပ်ႈပီ တီႈငဝ်ႈငုၼ်း တပ်ႉသိုၵ်း တဢၢင်း ၼႂ်းၸိုင်ႈတႆးပွတ်းႁွင်ႇ။ ထိုင်မႃး ဝၼ်းတီႈ 15 လိူၼ်ၼႆႉ ၸင်ႇဢွၵ်ႇၶေႃႈပိုၼ်ၽၢဝ်ႇ။

- Subscription -

ၼႂ်းၶေႃႈပိုၼ်ၽၢဝ်ႇတပ်ႉသိုၵ်းတဢၢင်း TNLA ဢွၵ်ႇဝႆႉဝႃႈ “ သိုၵ်းတပ်ႉမတေႃႇသိုၵ်းမၢၼ်ႈ ၵမ်ႉထႅမ်ပၼ်လႄႈ တပ်ႉ သိုၵ်း RCSS ၸင်ႇလႆႈၶဝ်ႈမႃးတူင်ႉၼိုင်ပၵ်းတပ်ႉ ၼႂ်းၼႃႈလိၼ် တပ်ႉသိုၵ်းတဢၢင်းတူင်ႉၼိုင်ဝႆႉ။ မိူဝ်ႈပူၼ်ႉ မႃး ၼၼ်ႉ ၵေႃႈ ယၢမ်ႈတုၵ်းယွၼ်းယူႇ ႁႂ်ႈၶိုၼ်းထွႆထွၼ်မိူဝ်းငဝ်ႈၸိုင်ႈၶဝ်။ ၼႂ်းၼႃႈတီႈတဢၢင်း တပ်ႉသိုၵ်းတဢၢင်း တေဢဝ်ပုၼ်ႈၽွၼ်းၵႅတ်ႇၶႄၵႂႃႇၵူၺ်း။ လိူဝ်ၼၼ်ႉ ၼင်ႇႁိုဝ် တေဢမ်ႇသိုပ်ႇပဵၼ်ပၼ်ႁႃၵၼ်ၵႂႃႇၼႂ်းပိုၼ်ႉတီႈ ၼၼ်ႉ တေၶတ်းၸႂ် ႁူပ်ႉတင်း RCSS သေ တေငူပ်ႉငီႉႁႃတၢင်းဢွၵ်ႇၵႂႃႇ” ဝႃႈၼႆ။

Photo by – ႁွင်ႈၵၢၼ်ပိုၼ်ၽၢဝ်ႇ TNLA/ ၶေႃႈပိုၼ်ၽၢဝ်ႇ သိုၵ်းတဢၢင်း

ၼႂ်းၶေႃႈပိုၼ်ၽၢဝ်ႇၼၼ်ႉ ထတ်းသၢင်ဝႆႉဝႃႈ “ ပၢၼ်လူင်ပွင်ၸိုင်ႈၼူၵ်ႉယုင်းၶိုၼ်ႈမႃး ဢွၼ်ႁူဝ်၊ ၵၢၼ်မိူင်းၼႆႉ ပဵၼ် ဢၼ်ယူပ်ႈယွမ်းလူင်း။ ပေႃးမႃးတူၺ်း တၢင်းၾၢႆႇတပ်ႉသိုၵ်းမၢၼ်ႈၸိုင် သိုၵ်းမၢၼ်ႈၶဝ် တိုၼ်းယိပ်းၵမ် ႁဵတ်းၽူႈဢွၼ် ႁူဝ်မႃးယူႇတႃႇသေႇ ယွၼ်ႉၼၼ် ၼႂ်းၶၢဝ်းတၢင်း 70 ပီမႃးၼႆႉ ၼႂ်းမိူင်းပဵၼ်ပၢင်တိုၵ်းသိုၵ်းသိူဝ်ၵၼ်မႃးယူႇ ႁၢဝ်ႈႁႅင်း။ တွၼ်ႈတႃႇၵၢၼ်မိူင်းတေလႅၵ်ႈလၢႆႈလႄႈ တေသိုပ်ႇၵႂႃႇထႅင်ႈတၢင်းၼႃႈဢၼ်ဝႃႈၼၼ်ႉ မၼ်းဢမ်ႇမီး”ဝႃႈၼႆ။

ပၢင်ၵုမ်ႁူဝ်ႁုပ်ႈပီ တပ်ႉသိုၵ်းတဢၢင်းၼႆႉ မီးၵူၼ်းသိုၵ်း၊ ၵူၼ်းမိူင်း ၶဝ်ႈႁူမ်ႈ 190 ပၢႆ ဢုပ်ႇဢူဝ်းထတ်းသၢင်ၶိုၼ်း ၵၢၼ် ငၢၼ်းဢၼ်လႆႈႁဵတ်းသၢင်ႈမႃးလႄႈ ႁူမ်ႈၵၼ်ဝၢင်းၽႅၼ်ၵၢၼ်ငၢၼ်းၵႂႃႇထႅင်ႈတၢင်းၼႃႈ ၸဵမ်ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း