Thursday, March 28, 2024

သဵင်ၵွင်ႈတႅၵ်ႇ ၸဵမ်ၸဝ်ႉလႄႈ ၵူၼ်းဝၢၼ်ႈၼႂ်းသီႇပေႃႉ တူၵ်းၸႂ်ၵူဝ်ႁႄ

Must read

မိူဝ်ႈၼႆႉ ဝၼ်းတီႈ 16/01/2019 ယၢမ်းၵၢင်ၼႂ် 7 မူင်း သဵင်ၵွင်ႈတႅၵ်ႇ တီႈႁိမ်းဝၢၼ်ႈလူင်ဝၢႆ ဢိူင်ႇၵုင်းသေႃႉ ၸႄႈဝဵင်းသီႇ ပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။

Photo by – Google Map/ ႁၢင်ႈၽႅၼ်ႇလိၼ် ဢွင်ႇတီႈပဵၼ်ပၢင်တိုၵ်းၵၼ် တီႈႁိမ်းဝၢၼ်ႈၼွင်ဢၢင်ႇ ၸႄႈဝဵင်းသီႇပေႃႉ

ၵူၼ်းဝၢၼ်ႈၼႂ်းဢိူင်ႇၵုင်းသေႃႉ လၢတ်ႈတီႈၽူႈတွႆႇႁွၵ်ႈဝႃႈ “ သဵင်ၵွင်ႈတႅၵ်ႇထႅင်ႈ တီႈႁိမ်းဝၢၼ်ႈလူင်ဝၢႆ ယၢမ်းၵၢင်ၼႂ် 7 မူင်းၼႆဝႃႇ။ တေႃႈလဵဝ်တႄႉ သဵင်ၵွင်ႈယဵၼ်ၵႂႃႇယဝ်ႉၶႃႈ။ ၵူၼ်းပၢႆႈၽေးတႄႉ ပႆႇႁၼ် ဢွၵ်ႇမႃးၶႃႈ။ ၵူၺ်းၵႃႈ ပဵၼ်ၸုမ်း လႂ်တႄႉတႄႉ ဢၼ်ဝႃႈၼၼ်ႉ ပႆႇႁူႉလီ တၢင်းပွတ်းတွၼ်ႈၼၼ်ႉ သိုၵ်းၶူဝ်းၶဵဝ် တင်း ၶူဝ်းလၢႆးၵူၺ်း ဢၼ်တူင်ႉၼိုင် ယူႇဝႆႉ” ဝႃႈၼႆ။

- Subscription -

ႁွင်ႈၵၢၼ်ၾၢႆႇပွင်ႇၶၢဝ်ႇ SSPP တႄႉ ဢွၵ်ႇၶၢဝ်ႇဝႆႉဝႃႈ RCSS လႄႈ SSPP ပဵၼ်ပၢင်တိုၵ်းၵၼ် ၼိူဝ်လွႆႁိမ်းဝၢၼ်ႈလူင်ဝၢႆ ဢိူင်ႇၵုင်းသေႃႉ လႄႈ ဝၢၼ်ႈၼွင်လဝ်း ဢိူင်ႇၼွင်ဢၢင်ႇ။ RCSS မီးဢဵၼ်ႁႅင်းသိုၵ်း မွၵ်ႈ 200 ဝႃႈၼႆဝႆႉ။

ဝၢၼ်ႈလူင်ဝၢႆၼႆႉ မီးတၢင်းတူၵ်းဝၢၼ်ႈပၢင်ၼိဝ်ႉ ယၢၼ်ၵႆဝဵင်းသီႇပေႃႉ မွၵ်ႈ 16 လၵ်း မီးၾၢႆႇၸဵင်ႇၸၢၼ်းဝၼ်းဢွၵ်ႇ ဝဵင်းသီႇပေႃႉ။

တေႃႈလဵဝ် ၵူၼ်းပၢႆႈၽေးသိုၵ်း ဢၼ်မီးတီႈဝတ်ႉၼႃးမၢၵ်ႇၶေႃသမ်ႉ ႁူဝ်ၵူၼ်း 617 ၵေႃႉ၊ တီႈဝတ်ႉၼွင်ၵေႃႈ ႁူဝ်ၵူၼ်း 95 ၵေႃႉလႄႈ တီႈႁူင်းႁေႃ တူၼ်ႈၵႃႈ ႁူဝ်ၵူၼ်း 55 ၵေႃႉ ႁူမ်ႈၵၼ်တင်းမူတ်း 767 ၵေႃႉ။

ပဵၼ်ၵူၼ်းဝၢၼ်ႈၼႂ်းလူင်၊ တူၼ်ႈၵႅင်း၊ ႁူဝ်ၼႃး၊ မၢၼ်ႈတူင်ႈ၊ တႃႈလူင်၊ ၵဵတ်းၽူၼ်၊ ၶၢႆးႁဵဝ်းလႄႈ ၽၵ်းႁီႉ ၸိူဝ်းၼႆႉ။ ၸိူဝ်းၶဝ်မႃးသေႃႉဝႆႉတီႈဝတ်ႉၵျွင်းမုၼ်ၸဝ်ႈ လႆႈႁိမ်းၽၢၵ်ႇလိူၼ် ယင်းပႆႇႁတ်းပွၵ်ႈႁိူၼ်းယေးၽႂ်မၼ်း။ ယွၼ်ႉငဝ်းလၢႆး ပၢင်တိုၵ်းတိုၵ်ႉၶဵင်ႈၶႅင်ၵၼ်ဝႆႉယူႇ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း