ၸဝ်ႈၼႃႈတီႈပလိၵ်ႈထႆး တီ့ၺွပ်းလႆႈ ႁႅင်းၵၢၼ်ယၢၼ်မိူင်း ဢၼ်လႄႇႁႃလၵ့်ငိုၼ်း ၼႂ်းတူႈထႅမ်ငိုၼ်း Online ။
ဝၼ်းတီႈ 13/01/2019 သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ ၸဝ်ႈၼႃႈတီႈပလိၵ်ႈ ႁူင်းပလိၵ်ႈၽူပ်ႊၽရႃႊ လႆႈႁူမ်ႈ ၵၼ်တီ့ၺွပ်းႁႅင်းၵၢၼ်ယၢၼ်မိူင်း 2 ၵေႃ့ ဢႃယုမွၵ်ႈ 20 – 30 ပီ ဢမ်ႇမီးဝတ်းဝႂ် ဢၼ်လၵ့်ၵုၺ့်ဢဝ်ငိုၼ်းၼႂ်းတူႈထႅမ်ငိုၼ်းၾူၼ်း Online တီႈဝဵင်းၽူပ်ႊၽရႃႊ ၸႄႈတွၼ်ႈတၢၵ်ႇ။
ၸၢႆးပိူင်း ၸဝ်ႈၼႃႈတီႈၾၢႆႇမၢႆမီႈ HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဢၼ်ပဵၼ်ယူႇၸိူင့်ၼႆၼႆ့ မၼ်းပဵၼ်ၵမ့်ဢေႇၵူၺ်း ၵူၺ်းၵႃႈၸိူင့်ႁိုဝ်ၵေႃႈယဝ့် ပေႃးဝႃႈမႃးႁဵတ်းၵၢၼ် တီႈၼႂ်းမိူင်းပိူၼ်ႈၼႆ့ၵေႃႈ ႁႂ်ႈဢွၼ်ၵၼ်ႁဵတ်း ၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းပိူၼ်ႈ ႁႂ်ႈဝူၼ့်ႁၼ်ထိုင်ၵၢၼ်ၶိူဝ်းႁဝ်းပႃး ပေႃးႁဝ်းႁဵတ်းၽိတ်းၼႆ ၸိုဝ်ႈသဵင်ႁဝ်း ၸိူဝ့်ၶိူဝ်းႁဝ်းၸၢင်ႈၼဝ်ႈ ဢၼ်ဝႃႈပႃၼဝ်ႈတူဝ်ၼိုင်ႈၼဝ်ႈတင်းသႃ့ ဢၼ်ဝႃႈၼၼ့်ယဝ့် ” ဝႃႈၼႆ။
ၸဝ်ႈၼႃႈတီႈၸင်ႇၼႄးဝႃႈ ၶဝ်သွင်ၵေႃ့ၼႆ့မီးတၢင်းၽိတ်းၶဝ်ႈမိူင်းၽိတ်းပၵ်းပိူင်မၢႆမီႈလႄႈ လႄႇလၢဝ်းႁႃလၵ့်ၶူဝ်း ၶွင်ၼႆသေ တီ့ၺွပ်းတူဝ် သူင်ႇႁူင်းပလိၵ်ႈ ပၼ်တူတ်ႈတၢမ်ႇ ၵႂႃႇၸွမ်းၼင်ႇပၵ်းပိူင်မၢႆမီႈ ဝၢၼ်ႈမိူင်းမီးၼၼ့်ဝႃႈၼႆ။