ၸုမ်းၵပ်းသၢၼ်လွင်ႈၼၢင်းယိင်းတႆး SWAN တေပိုတ်ႇဝႂ်ၸၢမ်းၵၢမ်ႇ ႁႃၽူႈၵၢမ်ႇလီၼႂ်းတိုဝ့်တၢင်းၵေႃႇတင်ႈၸုမ်း ၶွပ်ႈတဵမ် 20 ပီ ပိုၼ်ၽၢဝ်ႇႁႃၽူႈၸွႆႈသိုဝ့်ပၼ်ႁႅင်း။
ဝၼ်းတီႈ 28/03/2019 တေမႃးၼႆ့ ၼႂ်းတိုဝ့်တၢင်းၸုမ်းၵပ်းသၢၼ်လွင်ႈၼၢင်းယိင်းတႆး SWAN ၶွပ်ႈတဵမ် 20 ပီၼႆသေ တေၸတ်းႁဵတ်းပၢင်ၵႅဝ်ႈ ၸတ်းပႃးပၢင်ပိုတ်ႇဝႂ်ၽူႈၵၢမ်ႇလီ တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။
ၼၢင်းၶမ်းဢွၼ်ႇ ၾၢႆႇၵဵပ်းႁွမ်လႄႈ ပိုၼ်ၽႄႈၶေႃႈမုလ်း ၸုမ်းၵပ်းသၢၼ်လွင်ႈၼၢင်းယိင်းတႆး လၢတ်ႈတီႈၽူႈတွႆႇ ႁွၵ်ႈဝႃႈ “ ယိူင်းဢၢၼ်းဢၼ်လႆႈၸတ်းႁဵတ်းၼႆ့ ပိူဝ်ႈတႃႇႁႃငိုၼ်းၵွင်ၵၢင် မုၵ်ႉၸုမ်း/ ၼင်ႇႁိုဝ် တူင်ႇဝူင်းတႆးႁဝ်းၶႃႈ တေႁုၼ်ႈမုၼ်းၶိုၼ်ႈယႂ်ႇမႃးလိူဝ်၊ ၼင်ႇႁိုဝ်တေမီးၼၢင်းယိင်းၼုမ်ႇႁဝ်းၶႃႈတူင်ႉၼိုင်ႁဵတ်းသၢင်ႈ လႆႈၼႂ်းၵူႈၶၵ့်တွၼ်ႈလႄႈ ၵူႈၸၼ်ႉၸၼ်ႉသေဢမ်ႇၵႃး ၼင်ႇႁိုဝ်တေမီး ၼၢင်းယိင်းၽူႈဢွၼ် ႁူဝ်မႃးၼၼ်ႉ ၸုမ်းၵပ်းသၢၼ်လွင်ႈၼၢင်းယိင်းတႆးႁဝ်းၶႃႈ တေႁဵတ်းသၢင်ႈႁူင်းႁဵၼ်း (ဢမ်ႇၼၼ်) ဢွင်ႈတီႈတွၼ်ႈတႃႇၽိုၵ်းသွၼ်ၼၢင်းယိင်း ။ ယွၼ်ႉၼၼ် ၶႂ်ႈႁႂ်ႈပေႃႈမႄႈ ပီၼွင်ႉႁဝ်းၶဝ် မႃးပၼ် ဢဵၼ်ပၼ်ႁႅင်း ဝႂ်ၸၢမ်းၵၢမ်ႇႁဝ်းၶႃႈသေၵမ်းၶႃႈ ဝႂ်ၸၢမ်းၵၢမ်ႇ ႁဝ်းမီးၶၢႆပတ်းပိုၼ့်မိူင်းတႆး 1 ဝႂ် 3, 000 ၵျၢတ့် (ငိုၼ်းထႆး 80 ဝၢတ်ႇ) တေမီးသူးရၢင်းဝလ်း 10 ရၢင်းဝလ်း ဢေႃႈ ” ဝႃႈၼႆ ။
ၸုမ်းၵပ်းသၢၼ် လွင်ႈၼၢင်းယိင်းတႆး (SWAN) ၼႆႉ ၵေႃႇတင်ႈမႃးမိူဝ်ႈ 28 March 1999 ပၵ်းလုမ်း တီႈဝဵင်းၵဵင်းမႆႇ ၸိုင်ႈထႆး။ ပၢၼ်လူင်ပွင်ၸိုင်ႈ တဵင်းၸဵင်ႇၶိုၼ်ႈမႃး ၸုမ်းSWAN ၶဝ်ႈပၵ်းလုမ်းၼႂ်းမိူင်း တႆးသေ တူင်ႉ ၼိုင်ၵၢၼ်ငၢၼ်းလၢႆလွင်ႈ ပိူင်လူင်တႄႉတူင်ႉၼိုင် – ပူၵ်းပွင်ႁႂ်ႈၼၢင်းယိင်းတႆးမီးၼမ်ႉၵတ်ႉ၊ ႁႂ်ႈၼၢင်း ယိင်းတႆးမီးသုၼ်ႇလႆႈၽဵင်ႇပဵင်း။
