ၼႃႈၵၢၼ်

ၼႃႈၵၢၼ်ၽူႈၸတ်းၵၢၼ်ၾၢႆႇပူၵ်းပွင်ပၢႆးမၢၵ်ႈမီးၼႆႉ မီးပုၼ်ႈၽွၼ်းတႃႇပဵၼ်ႁႅင်းဢီးႁႂ်ႈၸုမ်းၶၢဝ်ႇ ႁဝ်းၶႃႈ သိုပ်ႇယူႇယိုၼ်းယၢဝ်းလႄႈၵႅၼ်ႇၶႅင်။ ပဵၼ်ၽူႈႁႃတိုဝ်ႉတၢင်းၾၢႆႇလွၵ်းၵၢတ်ႇ ႁိုဝ် ပၢႆးမၢၵ်ႈမီး မႂ်ႇမႂ်ႇ တႃႇပူၵ်းပွင်တၢင်းႁူမ်ႈမိုဝ်းလႄႈ ၶႂၢၵ်ႈ သဵၼ်ႈတၢင်းႁႂ်ႈမီးငိုၼ်းၶဝ်ႈမႃးတၢင်းသိုဝ်ႇ တီႊၵျီႊ တႄႊလ် လႄႈၸတ်းပိုၼ်ၽႄႈၶၢဝ်ႇ။ တွၼ်ႈတႃႇတေပဵၼ်မိူၼ်ၽူႈတၢင်တူဝ်ၸုမ်းၶၢဝ်ႇၽူႈတွႆႇႁွၵ်ႈသေ ၵပ်းသိုပ်ႇႁႂ်ႈၵူၼ်းမိူင်းႁူႉၸၵ်း ၽူႈတွႆႇႁွၵ်ႈ သၢင်ႈလွင်ႈၸမ်ၸႂ်ၵၼ်တင်းၵူၼ်းမိူင်း ႁႂ်ႈၵူၼ်းမိူင်းပေႃးလႆႈပဵၼ်တီႈၸႂ်ယႂ်ႇ။ လိူဝ် သေၼႆႉ တေလႆႈမေႃသၢင်ႈၼႅင်ႈသၢၼ် ပွင်ႇၸႂ် လွင်ႈလွၵ်းၵၢတ်ႇ လႄႈ မေႃဢုပ်ႇလၢတ်ႈၸႃ တႃႇ သၢင်ႈၽူႈႁူမ်ႈၽၢၵ်ႈၵၢၼ်သိုဝ်ႇ ပိုၼ်ၽႄႈၶၢဝ်ႇ လႄႈ ႁႃၽူႈႁူမ်ႈသၢင်ႈမႂ်ႇပႃး။ ၼႃႈၵၢၼ်ႁူဝ်ယွႆႈ ပဵၼ်ၸွမ်းၼင်ႇ ပႃႈတႂ်ႈၼႆႉ-

ၼႃႈၵၢၼ်လႄႈပုၼ်ႈၽွၼ်း

• ႁူပ်ႉဢုပ်ႇတင်းၸဝ်ႈတႃႇၼလႄႈ ၽူႈႁဵတ်းၵၢၼ်ပၢႆးမၢၵ်ႈမီး မိူၼ်ၼင်ႇ တႃႇႁႂ်ႈၵမ်ႉၸွႆႈ ႁိုဝ် မႃးပဵၼ်ၸဝ်ႈတႃႇၼၾၢႆႇသိုဝ်ႇတီႈၸုမ်းႁဝ်းၶႃႈသေဢၼ်ဢၼ်
• တႅမ်ႈၶူင်းၵၢၼ်လႄႈ တႅမ်ႈၽိုၼ်ႁၢႆးငၢၼ်းၼႃႈၵၢၼ်
• သၢင်ႈလွင်ႈၸမ်ၸႂ်ၵၼ်တင်းၽူႈႁူမ်ႈသၢင်ႈလႄႈၸဝ်ႈတႃႇၼ ႁႂ်ႈပဵၼ်ၽူႈႁူမ်ႈသၢင်ႈ ၸုမ်းၵႂႃႇယိုၼ်းယၢဝ်း
• ထတ်းသၢင်လႄႈ ပၵ်းတႃတူၺ်း trends ဢၼ်ၵပ်းၵၢႆႇလွင်ႈလွၵ်းၵၢတ်ႇသိုဝ်ႇ ႁႂ်ႈၶိုတ်း တၼ်းငဝ်းလၢႆးယူႇသေႇသေႇ
• ပူၵ်းပွင်ၶိူင်ႈမိုဝ်း ၶူဝ်းၶွင် platform လႄႈ လွၵ်းလၢႆးမႂ်ႇမႂ်ႇ မိူၼ်ၼင်ႇ ပၼ်ပၢင်သွၼ် ႁိုဝ် ပိုၼ်ၽႄႈၶၢဝ်ႇ လႄႈ branded content, PSA content
• တေလႆႈလဵပ်ႈႁဵၼ်းလွၵ်းၵၢတ်ႇ ထတ်းသၢင်လွင်ႈႁဵတ်းသၢင်ႈပွင်လႆႈမိူဝ်းၼႃႈ ႁႂ်ႈမႅၼ်ႈ ၸွမ်းလႄႈ ၶိုတ်းတၼ်းၸွမ်း ၾိင်ႈယၢမ်ႈၶွင်ၽူႈပၼ်ႁႅင်း ၶႂၢၵ်ႈၽူႈၶဝ်ႈႁူမ်ႈၸုမ်းႁႂ်ႈ တိူဝ်းတွၼ်းမႃး လႄႈ လဵပ်ႈႁဵၼ်းငဝ်းလၢႆးသိုဝ်ႇၶၢဝ်ႇတၢင်ႇမူႇတၢင်ႇၸုမ်းယူႇသေႇသေႇ
• ဝၢင်းၽႅၼ်လႄႈၸတ်းၵၢၼ်၊ ၵဵပ်းသၢႆမၢႆ ၶေႃႈမုလ်းၶွင်ၽူႈပၼ်ႁႅင်းတီႈၶဝ်ႈၸုမ်း
• ၸတ်းၵဵပ်းလႄႈ update သၢႆမၢႆ ၶေႃႈမုလ်းလုၵ်ႈၸုမ်းယူႇသေႇသေႇ (Facebook, E-mail, Line, Phone number, Signal, TikTok and other social media platform)
• ႁူမ်ႈႁဵတ်းၵၢၼ်ၸွမ်းၾၢႆႇ newsroom လႄႈ IT ၸွမ်းၼင်ႇၼႃႈၵၢၼ်တီႈမီးဝႆႉ
• ဝူၼ်ႉလႄႈ ၶူင်သၢင်ႈလွင်ႈတူင်ႉၼိုင် တွၼ်ႈတႃႇ engage ၸွမ်းၽူႈပၼ်ႁႅင်းယူႇ သေႇသေႇ
• ၶူင်သၢင်ႈ လွၵ်းလၢႆးၵဵပ်းငိုၼ်း payment တွၼ်ႈတႃႇၽူႈၶဝ်ႈႁူမ်ႈၸုမ်းလႄႈ ၽူႈပၼ်ႁႅင်း
• သပ်းလႅင်းၼႄပၼ်ၽူႈပၼ်ႁႅင်းၵဵဝ်ႇလူၺ်ႈလွင်ႈ Business Development ပဵၼ်သင်
• ထတ်းသၢင်တူၺ်းၶိုၼ်းလွင်ႈႁဵတ်းသၢင်ႈ ဝႃႈဢၼ်လႂ်ၵႂႃႇလႆႈလီ တွၼ်ႈလႂ်သမ်ႉမီးလွင်ႈ ၶွင်ႈၶမ် တီႈဢေႇသုတ်း 1 လိူၼ် 1 ပွၵ်ႈ
• ႁဵတ်းၽိုၼ်ႁၢႆးငၢၼ်းလွင်ႈၶိုပ်ႈၼႃႈလႄႈ လွင်ႈၶဵင်ႇတႃႉ တၢင်ႇပၼ်ၽူႈၸတ်းၵၢၼ်လူင် 1 လိူၼ် 1 ပွၵ်ႈ

ၼမ်ႉၵတ်ႉ Criteria and skill require

• မီးၼမ်ႉၵတ်ႉလွင်ႈလွၵ်းၵၢတ်ႇ လႄႈလွင်ႈၵၢၼ်ပူၵ်းပွင်သိုဝ်ႇ လွင်ႈလႅၵ်ႈလၢႆႈၶွင်တီႇၵျီႇ တႄႊလ်
• မီးတၢင်းၶဝ်ႈၸႂ်လွင်ႈသိုဝ်ႇ လႄႈလွင်ႈတိုတ်ႉတၢႆးႁႂ်ႈၽူႈပၼ်ႁႅင်းမီးသုၼ်ႇႁူမ်ႈ
• မီးၼမ်ႉၵတ်ႉတွၼ်ႈၵၢၼ်ဢုပ်ႇဢူဝ်း ၵၢၼ်သၢင်ႈၼႅင်ႈသၢၼ် ၵၢၼ်တႅမ်ႈလႄႈၵၢၼ် လၢတ်ႈ
• မီးတၢင်းႁူႉပိုၼ်ႉထၢၼ် IT လႄႈ Infographic
• မီးၼမ်ႉၵတ်ႉ ၽႃသႃ တႆး မၢၼ်ႈ လႄႈ ဢိင်းၵလဵတ်ႈ
• မေႃတႅမ်ႈၶူင်းၵၢၼ် လႄႈမေႃၽိုၼ်ႁၢႆးငၢၼ်း
• မီးၼမ်ႉၵတ်ႉၵဵဝ်ႇလူၺ်ႈလွင်ႈၵၢၼ်ၸတ်းၵၢၼ်လႄႈ ၵၢၼ်ဝၢင်းၽႅၼ်
• မေႃႁဵတ်းၵၢၼ်ႁင်းၵေႃႉလဵဝ်လႆႈလႄႈ မေႃႁဵတ်းၵၢၼ်ၸွမ်းမူႇၸွမ်းၸုမ်း

***ပိုတ်ႇႁပ်ႉၵူၼ်းၵူႈသႅၼ်း ၵူၺ်းၵႃႈပၼ်ႁႅင်းၼၢင်းယိင်း

***သင်ဢမ်ႇမီးတူဝ်ထူပ်းသင်ၸိုင် ႁဝ်းၶႃႈတေမီးၽူႈလူင်ႉလႅၼ်ႇၶဝ် တေၸွႆႈၼႄပၼ်ၵၢၼ် လႄႈ ၵမ်ႉထႅမ်ပိုၼ်းႁူႉလွင်ႈၼႃႈၵၢၼ်

သင်ၸိူဝ်ႉဝႃႈသူၼ်ၸႂ် ပဵၼ်ၵေႃႉဢၼ်တေၸွႆႈထႅမ်ၵၢၼ် ၽူႈၸတ်းၵၢၼ်ၾၢႆႇပူၵ်းပွင်ပၢႆးမၢၵ်ႈမီး တီႈၸုမ်းၶၢဝ်ႇၽူႈတွႆႇႁွၵ်ႈႁဝ်းၶႃႈၼႆၸိုင် သူင်ႇ ပိုၼ်းၵႅပ်ႈတူဝ် (CV) လႄႈ တၢင်းၼမ်ငိုၼ်းလိူၼ် ဢၼ်မုင်ႈမွင်းဝႆႉ မႃးတီႈလုမ်းၶၢဝ်ႇၽူႈတွႆႇႁွၵ်ႈႁဝ်းၶႃႈလႆႈ

1) သူင်ႇမႃးၼႂ်း Email: [email protected] လႄႈ [email protected] တႄႇဢဝ်ဝၼ်းတီႈ 1 လိူၼ် September 2025 တေႃႇထိုင် 30 လိူၼ် September 2025 ၼႆၶႃႈ။

2) တီႈၵပ်းသိုပ်ႇ Email: [email protected] လႄႈ [email protected] – Phone: (+66) 0821985106

ဝၼ်းပိၵ်ႉသၢႆမၢႆ – ဝၼ်းတီႈ 30/09/2025

Download PDF: https://drive.google.com/file/d/1vLZKqdgUVKPymwxgRZj0biC6duk0B9GC/view