Friday, March 29, 2024

US ဝႃႈမိူင်းထႆးၵႄႈလိတ်ႈ ပၼ်ႁႃၵၢၼ်ၸႂ်ႉႁႅင်းၵၢၼ်လုၵ်ႈဢွၼ်ႇလႆႈလီ

Must read

ႁွင်ႈၵၢၼ်ၾၢႆႇႁႅင်းၵၢၼ်မိူင်းဢမေႊရီႊၵႃႊ US ပိုတ်ႇလၢတ်ႈဝႃႈ လူင်ပွင်ၸိုင်ႈ မိူင်းထႆး ၵႄႈလိတ်ႈလႆႈ ပၼ်ႁႃၵၢၼ်ၸႂ်ႉႁႅင်း ၵၢၼ်လုၵ်ႈဢွၼ်ႇဢၼ်ယူႇသဝ်း ၼႂ်းမိူင်းၸိုင်ႈထႆး။

Photo By CM News / US ဝႃႈမိူင်းထႆးၵႄႈလိတ်ႈ ပၼ်ႁႃၵၢၼ်ၸႂ်ႉႁႅင်းၵၢၼ်လုၵ်ႈဢွၼ်ႇလႆႈလီ

ႁူဝ်လိူၼ်ဢွၵ်ႊထူဝ်ႊၿိူဝ်ႊ 2018 လိူၼ်ၼႆႉ သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ – ႁွင်ႈၵၢၼ်ၾၢႆႇႁႅင်းၵၢၼ်မိူင်း US ပိုတ်ႇလၢတ်ႈဝႃႈ လႆႈၶူၼ်ႉၶႂႃႉလဵပ်ႈႁဵၼ်း လွင်ႈႁႅင်းၵၢၼ်လုၵ်ႈဢွၼ်ႇ (Findings on the Worst Forms of Child Labor) ပီ 2017 ဢၼ်ၶူၼ်ႉၶႂႃႉလဵပ်းႁဵၼ်းတႃႇ 132 မိူင်းတူဝ်ႈလုမ်ႈၾႃႉလႆႈႁၼ်ဝႃႈ မိူင်းထႆး ပဵၼ်မိူင်းဢၼ်ၵႄႈလိတ်ႈလႆႈပၼ်ႁႃ ၵၢၼ်ၸႂ်ႉႁႅင်းလုၵ်ႈဢွၼ်ႇလႆႈလီတီႈသုတ်းၼႂ်း 5 မိူင်း ၼႂ်းၵုၼ် ဢႃႊသဵၼ်ႊ ။

- Subscription -

ၼႂ်းၶေႃႈပိုၼ်ၽၢဝ်ႇၼၼ်ႉတႅမ်ႈဝႆႉဝႃႈ လူင်ပွင်ၸိုင်ႈမိူင်းလႆႈႁႃၵူၼ်း102 ၵေႃႉပိၼ်ႇၽႃႇသႃႇ ဝႆႉတီႈႁွင်ႈ ၵၢၼ်ၾၢႆႇၸွႆႈထႅမ်   ႁႅင် ၵၢၼ် ပိူဝ်ႈဢုပ်ႇဢူဝ်းၸွႆႈထႅမ်ႁႅင်းၵၢၼ်ၸိူဝ်းဢမ်ႇမေႃၵႂၢမ်းထႆး ၊ ၽိူမ်ႉၸဝ်ႈၼႃႈတီႈ ၸွႆႈထႅမ်လုၵ်ႈဢွၼ်ႇမိူဝ်ႈထူပ်းတၢင်းယၢပ်ႇ လိူဝ်ၼၼ်ႉလူင်ပွင်ၸိုင်ႈ လႆႈဢွၵ်ႇပၵ်းပိူင်ႁၢမ်ႈ လုၵ်ႈဢွၼ်ႇ ဢႃယု 15 ပီႁဵတ်းၵၢၼ်။

တွၼ်ႈတႃႇၼႂ်းပီၼႃႈတေမႃးၼႆႉ လူင်ပွင်ၸိုင်ႈထႆးလႆႈ ယွၼ်းတၢင်းႁူမ်ႈမိုဝ်း ၵူႈၾၢႆႇၾၢႆႇ ဢမ်ႇဝႃႈၼႂ်းဝဵင်းလႄႈ ၼႂ်းပိုၼ်ႉတီႈႁႂ်ႈၸွႆႈၵၼ်ႁူမ်ႈမိုဝ်းၵၼ် ၶဵင်ႈၶႅင်ၵူတ်ႇထတ်းတူၺ်း ၸွင်ႇ မီးၵၢၼ်ၸႂ်ႉလုၵ်ႈ ဢွၼ်ႇႁဵတ်းၵၢၼ်။ တႃႇႁူမ်ႈၵၼ်ၵႄႈလိတ်ႈပၼ်ႁႃၵႂႃႇ။ တီႈၼႂ်းမိူင်းထႆးၼႆႉ လူင်ပွင်ၸိုင်ႈမၵ်း မၼ်ႈဝႃႈလုၵ်ႈဢွၼ်ဢႃယု 18 လူင်းတႂ်ႈႁၢမ်ႈႁဵတ်းၵၢၼ်ဝႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း