Friday, March 29, 2024

ၵူၼ်းဝၢၼ်ႈၵႂႃႇႁႃႁွႆ ယဵပ်ႇၺႃးမၢၵ်ႇတၢႆထင်တီႈ

Must read

ၵူၼ်းဝၢၼ်ႈ 3 ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် လူႉတၢႆထင်တီႈ 2 ၵေႃႉ မၢတ်ႇၸဵပ်း 1 ၵေႃႉ။

Photo by – ၵူၼ်းမိူင်းၵျွၵ်ႉမႄး/ ပၢႆႉၶဝ်ႈဢွၵ်ႇဝဵင်းၵျွၵ်ႉမႄး

ဝၼ်းတီႈ 10/3/2020 ယၢမ်းၵၢင်ၼႂ် မွၵ်ႈ 10 မူင်းၶိုင်ႈၼၼ်ႉ ၵူၼ်းဝၢၼ်ႈၶၢၼ်းသႃႇ ၽူႈၸၢႆး 3 ၵေႃႉ ယဵပ်ႇၺႃးမၢၵ်ႇမႅင်း ၾင်လိၼ် တီႈႁိမ်းၼမ်ႉတၢင်ႈ ယၢၼ်ၵႆဝၢၼ်ႈၶၢၼ်းသႃႇ မွၵ်ႈ 8 လၵ်း ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။

- Subscription -

လုင်းၸၢႆးၵူး ၸုမ်းၶႅၵ်ႇလီပၢင်ၸႃႉ ၼမ်ႉၶူင်း ဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ပဵၼ်ၵူၼ်းဝၢၼ်ႈၶၢၼ်း သႃႇ တင်း 3 ၵေႃႉၶႃႈယဝ်ႉ။ ၶဝ်ၵႂႃႇယဵပ်ႇၺႃးမၢၵ်ႇမႅင်းၾင်လိၼ် ႁိမ်းၼမ်ႉတၢင်ႈ တၢႆထင်တီႈ 2 ၵေႃႉ။ တႃႇၵေႃႉၼိုင်ႈတႄႉ လႆႈသူင်ႇယူတ်းယႃတီႈ ၵျွၵ်ႉမႄး”ဝႃႈၼႆ။

ၵဵဝ်ႇလူၺ်ႈလွင်ႈ ၽူႈၸၢႆး 3 ၵေႃႉၼႆႉ ၶဝ်ၵႂႃႇႁႃၵဵပ်းႁွႆၼႂ်းမႄႈၼမ်ႉတၢင်ႈသေ ယဵပ်ႇသႂ်ႇမၢၵ်ႇမႅင်းၾင်လိၼ် ၸွမ်းႁိမ်းၾင်ႇ ၼမ်ႉၼၼ်ႉ ဝႃႈၼႆ။

ဢၼ်ယဵပ်ႇၺႃးမၢၵ်ႇမႅင်းၾင်လိၼ်သေ တၢႆၵႂႃႇ 2 ၵေႃႉၼၼ်ႉ ပဵၼ်လုင်းၼၼ်ႇတ တင်း ၸၢႆးဢၢႆႈထွၼ်း။ ၸၢႆးၵျေႃႇၺုၼ်ႉ တႄႉ မၢတ်ႇၸဵပ်း ၸွမ်းတူဝ်လႄႈ ၸွမ်းၼႃႈသေ လႆႈသူင်ႇယူတ်းယႃတူဝ် တီႈႁူင်းယႃၵျွၵ်ႉမႄး ဝႃႈၼႆ။

တၢင်းပွတ်းတွၼ်ႈ ဢိူင်ႇၶၢၼ်းသႃႇၼၼ်ႉ ၵမ်ႈၼမ် ပဵၼ်ၸုမ်းသိုၵ်းလွႆ၊ သိုၵ်းတႆး RCSS လႄႈ SSPP တူင်ႉၼိုင်ယူႇ သဝ်းဝႆႉၼႆ ၵူၼ်းၵျွၵ်ႉမႄးလၢတ်ႈ။

မိူဝ်ႈဝၼ်းတီႈ 5/2/2020 ၵူၼ်းဝၢၼ်ႈ ၽူႈၸၢႆး 2 ၵေႃႉ ယဵပ်ႇၺႃးမၢၵ်ႇမႅင်းၾင်လိၼ် တီႈႁိမ်းမၢၼ်ႈၵၢင် ၵိင်ႇၸႄႈဝဵင်းမိူင်း ငေႃႉ ၸႄႈဝဵင်းၵျွၵ်ႉမႄး လူႉတၢႆထင်တီႈၵေႃႉၼိုင်ႈ၊ မၢတ်ႇၸဵပ်းၵေႃႉၼိုင်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း